ROMMEI 8:27 - KARANU KABI SAMTAM

²⁷ Sateichii meinah lunghang go jusii kaleipii teinii rangii mah kamaning lungswi teido tile. Kadaponii Saraanii kamaning kamarei tai swisii rangiinii kamateimei hang jangpii khang- pyiisii bamle.

ROMMEI 8:27 Referans Kwoze

IPISAMEI 2:18

Jehudimei kado, luikakimei kado nyiihangnii rangii hangninii kito pfii doi gongliit kabui teinii Kristamah paikitole.

ROMMEI 8:34

Tanii tam mashyii tangpo? Taikapyii satei- chii teipyiiryiito katai kito ringkhiisii Saraamah bah ajiilamto bamsii nyiihang jangpii riita khangpyiisii kalei krista Jisu teipo?

TIILAMLWI KAPYIIMEI THA JUKAMATI 1:24

teito ahnyiinii riitasii tamle, “Meihang mah kamaning lungswi tisii kalei he Bangpii, Judasnii mpou bamki gong- tang karam jangpii, anga ngatang karam ninado Tiilamlwi kapyiimei hangninii bam ai matou aitakle.”

TIILAMLWI KAPYIIMEI THA JUKAMATI 15:8

Sateichii lungdo tikalei Saraa teinii nyii dakii tiipyii kabam tei takum- piinii ahnyii dakiido rangii kamatei tei pyiisanii, ahnyii dakii sakchyii pyiitakle.

1 THESOLONIKAMEI 2:4

nlenii Saraanii nyiigo kabi rasam tam matu tang karam jangpii mazhiikapyii takumpii, nyiinii mei dzyii karanga tei tiitang karam jangpii makle, nlenii nyii lung go jaijusii kalei Saraa dzyii karanga tei tiitang karam jangpii nyiinii tam leile.

METIU 6:8

Ahnyii takum sulo, kadapokii gonyiinii khang kasuniito gonyiinii kamarei hangtei go nyii Pfiinii tile.

MATIMANGOU KAPYII 2:23

Sateichii Inii mpoupeimah nahmei hang gotei gitangle, sateichii lungswi ninado lung hang go fii ka-mpat ahtei Ile katu Charsh hangnii tigong tangle, sateichii gonyiimei nsang nsang dakii gonyii mah tha taiswisii doukamajyii tei Inii pyiitangle.

JONNII KARYII KABI RASAM JUKAMATI 14:13

Sateichii nah sapfii mpou paikito Pfii mah pumtei kava tei ngoumatu tang karam jangpii, gonyiinii gu zei kito kakhang hangtei Inii tiipyii tangle.

LUKNII KARYII KABI RASAM JUKAMATI 16:15

Nlenii Jisunii ahnyii dakii tamle, “Gonyiinii sazyii pouryiimei mik doito kasamsang meilesii tiimangou leile, nlenii Saraananii gonyii lungtei tile; kadapokii sazyii pouryiimei doito poi kasagoi tei Saraa mik doito ngou kasaba teile.

JEMS 5:16

Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.

HEBRUMEI 4:13

Sateichii tii mpat kabam mah pot hangniniido mpou doito kakabei gale, nlenii mpou mikjot kito mahlyii hang gomnei supii laatlasii leile, sateichii nyiinii mpou dakii tam mpat tangle.

ROMMEI 8:6

Kadapokii apum azai mah kamaning tei kataile, nlenii rangii mah kamaning teinii karing ninado kamajung teile.

JONNII KARYII KABI RASAM JUKAMATI 21:17

Jisunii mpougo hangtum kashang tiisii tamle, “Jon nah sapfii mpou Saimon, nang n-gu lungsyii makpo?” sii Jisunii mpougo hangtum kashang tiisii katam jangpiinii Pitar swi mage takle. Teito mpounii Jisu dakii tamle, “Bangpii nangnii matum madum tile, Inii n-go lungsyiile katu nangnii tile.” Jisunii mpou dakii tamle, “gumah Jaonah mei go koichyii pyiilo.