ROMMEI 8:26 - KARANU KABI SAMTAM

²⁶ Teitakumpii nyiimah kasuihang kito rangiinii nyiigo tiihale; kada- pokii nyiinii kada takumpii riita kajyiipo katu tei nyiinii timakle, nlenii mwipiinii tampei kalak tiisii kamagesii rangii sekpiiniido nyii jangpiinii Saraa dato riita khang- pyiisii leile.

ROMMEI 8:26 Referans Kwoze

METIU 10:20

kadapokii tam kalei tei gonyiinii makle, nlenii gonyii lung kito kalei go pfii mah rangii teinii tam leile.

IPISAMEI 6:18

Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo.

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

JONNII KARYII KABI RASAM JUKAMATI 14:16

Inii Pfii dato khang tangle sateichii mpounii gonyiigo tiikaha kaki hangninii pyiitangle, kalui gasii ahnii gonyiigo kaswisii bam tangle.

IPISAMEI 2:18

Jehudimei kado, luikakimei kado nyiihangnii rangii hangninii kito pfii doi gongliit kabui teinii Kristamah paikitole.

ROMMEI 8:15

Kadaponii gonyii dakii Saraanii pyii kabam rangii teinii gonyiigo kabangnah tiimatu makle sateichii hingmatu makle, nlenii rangii teinii gonyiigo Saraa mah nahmei tiimatupyii takle, sateichii rangii mah teimaham teipii nyiinii Saraa dakii saa mpatle “Abba, Katunii Pfii-o.”

HEBRUMEI 4:15

Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile.

JEMS 4:3

Gonyiinii khangle sateichii doumakle, kadapokii gonyiimah pum- zainii kamarei ka-ntha hang kiteikii tiimaga tang karam jangpii gonyiinii maning maasii khangle.

ROMMEI 15:1

Sateichii kamalum kito kasangtingmei nyiinii nyii- jangpii roinii dzyiibi tang karam tiisupii, kamalum kito kaswimei mah pot kamaswi tei pungha tang karamle.

LUKNII KARYII KABI RASAM JUKAMATI 22:44

Sateichii mpou- nii swi kamage beidiju siinii kisii teisii riitale, sateichii mpou mah ralaidwi sazyii jou kamang tei zai takum takle.

2 KORENMEI 5:4

Nyiinii sazyii pouryiimah dwipeiki aito lung kalei kak, machang marang katupii nyiinii kamage chyiingai ngaisii bamle; sazyii pouryii mah pum kito nyiinii nlekwo nyiile katu makle, nlenii sating gam mah hangninii tei nyii phyiiryiikii kaipyii matusii, taiga tang karam gotei kalui kaga karing teipii tiikali matu kanyii jangpiiniile.

2 KORENMEI 5:2

Sateichii nyiinii sazyii pouryii mah ki ki aito lungkalei kak nyiinii ka- mage chiingai ngaisii leile, sateichii nyiimah sating gamto lung tang karam ki tei nat kai kalei takumpii nyii phyiiryiikii kaipyii matunyiisii nyiinii koisii bamle.

METIU 20:22

Nlenii Jisunii khekalatle, “Gonyiinii khang kalei tei gonyiinii timakle. Inii sak tang karam peek tei gonyiinii sakpei wobuipo?” Ahnyiinii mpougo khekalatle, “Nyiinii ngam wobuile.”

HEBRUMEI 5:2

Mpou godo kasui teinii bang maguisii kalei taiswisii tikasu ngoukasumei ninado tiikama meigo lung manoisii mpounii kaswiwo buile;

ROMMEI 7:24

I-ai kadazyiikapii kamage kamarhii meipo, n-gu kataini pangtat kalei apumki aito tanii n-gu poi mpatpyii tangpo?