ROMMEI 8:2 - KARANU KABI SAMTAM

² Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

ROMMEI 8:2 Referans Kwoze

ROMMEI 6:14

Kadapokii kem teinii gonyii pyiiryiito apum tiilakle, dapochiinii gonyiinii ajaitingshang Kang nkang- sii bam makle, nlenii jumage kapyii kangto bamle.

2 KORENMEI 3:17

Aitoinii, Bangpii teinii rangiile, sateichii Bangpii mah rangii kaleini hang kitei, laat kabam arangra katii tei leile.

ROMMEI 6:18

Gonyiigo kem kito laat mpatpyii takle ninado kasang kamajyii mah kabangnah tiitakle.

2 KORENMEI 3:6

Sat tang karam karanu samtam mah nga kangamei tiitang karam tiikamajyii tei mpounii nyiigo pyiile, ainii ryii kabam ajaitingshang tei- makle, nlenii rangii mahle. Kadapokii ryiikabam ajaitingsang teinii katai tei poigongle, nlenii rangiinii karing tei pyiile.

1 KORENMEI 15:45

Kadapokii kabi rasam kito tamle, “Meinah karei reisang, Adam, gotei meinah karing hangninii tiipyiile;” nlenii kana nasang, Adam teinii karing kapyii rangii teile.

JONNII KARYII KABI RASAM JUKAMATI 8:36

Teipiinii nah sapfii mpou teinii gonyiigo laat mpatpyii leponii, gonyiinii kasangpii laatbam takle.

JONNII KARYII KABI RASAM JUKAMATI 8:32

Sateichii gonyiinii kasang tei ti- tangle ninado kasang teinii gonyiigo laat mpatpyii tangle.”

ROMMEI 7:4

Tei takumpiinii he kangsanamei, Gonyiinii kaki hangninii mah, katunii katai kito ringkhii kalu Ahmah tiitang karam jangpii, gonyiido Krista mah apum paito Ajaitingshang lamtuito tai takle, ai ai nyiinii Saraa dato ati-matitang karam jangpiiniile.

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

JONNII KARYII KABI RASAM JUKAMATI 6:63

Karing kapyii tei Saraa mah rangiiniile, meinah mah teimaham teinii samah kado kabi tei gale. Inii gonyii dakii katam samtei rangiile, ninado karingle.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JONNII KARYII KABI RASAM JUKAMATI 4:10

Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”

GALATIMEI 5:1

Mpou rangra tiimatu tang karam jangpii Kristanii nyiigo laat mpatpyii takle, tei jangpiinii tiigat- piinii satlo, sateichii kikalei mah kamaswi pot tei pungloi sulo.

GALATIMEI 2:19

Kadaponii ajaitingshang dakii Inii ajaitingshang paikito taitakle, Inii Saraa jangpii ring kabui jangpii.

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

ROMMEI 7:21

Teipiinii Inii kabi tei tiikanyii tinglang kak kashyii teinii n-gu ka- swisii kalei ai ajaitingshang teiniile katu tei Inii ngoule.

MATIMANGOU KAPYII 22:1

Teito teimah namdimah pwidi kadi sum teito Saraamah ni- nado Jaonah mah sagongbam kiteito, dwi kamating kamaleek takumpiinii vakatu, karingmah dwimah karyii longkalei tei ahnii gudakii mangou takle.

ROMMEI 3:27

Teitii leponii nyiinii detdi kabui kaang kadapei leipo? Samah kado gale, sateichii ai ai kadapei kaang jangpiiniipo? Nyiinii ajaitingshangnii katam kaswi jangpiipo? Makle, nlenii nyiinii kamalum jangpiiniile.

MATIMANGOU KAPYII 11:11

Sateichii leimik hangtum phang tai Saraamah karing chyiingai tei ahnyii lungki liit totakle, sateichii ahnyiinii tusat totakle sateichii ah- nyiigo kangou hangteinii hingtakle.

ROMMEI 7:23

nlenii gupumpot mah njaihang kito kalei gulungswinii maziipyii kalei ajaitingshang gotei, sateichii gupumpot mah njaihang kito kalei kem mah ajaitingshang mah maring- pouchyiimei tiimatu tang karam jangpii ajaitingshang kakinii saryii tiisii kalei tei Inii ngoule.

ROMMEI 8:1

Teijangpiinii aitoinii Krista Jisudato kaleimeihang go tam kamashyii tei gatakle.

ROMMEI 16:3

Krista Jisudato n-gu kaswisii tha tiisii kalei Prescilla nei Akuila go Salam pyii leile;

GALATIMEI 6:2

Hangninanii hangninii mah pot kamaswi tei punghasii Kristamah ajaitingshang tei gong matwi matulo.

JEMS 1:25

Nlenii meinahgo laat mpat kapyii, sajek kaga ajaiting- shang kiteikii jusii kalei, teikikii lung pyiisii kalei sateichii mahkupii shiikasu ninado teigo tei mangai kasu, nlenii poisii tha katii, teimei gotei mpounii tha katii hang kito satoi pyii tangle.