ROMMEI 8:17 - KARANU KABI SAMTAM

¹⁷ Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

ROMMEI 8:17 Referans Kwoze

GALATIMEI 4:7

Teipiinii gonyiinii kikaleimei taisutakle, nlenii nah sapfii mpou tei takle; sateichii nah sapfii mpou teileponii, Saraa paito mahtou katou teido takle.

GALATIMEI 3:29

Sateichii gonyii ai Kristamah leponii gonyiinii Abraham taa, nahmei, riishii tiikabam taiswisii mahtou toutang karam mei teile.

IPISAMEI 3:6

Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

MATIMANGOU KAPYII 21:7

Ngam kalumei hangteinii aihang ai doutangle, sateichii Inii ahmah Saraa ninado ahnii gunah sapfii mpou tei tiitangle.

1 PITAR 4:13

Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

1 PITAR 1:4

Teipiinii Saraanii mpoumah mei jangpii kaidek kabam raguiga kalak maikateeng gotei doutang karam jangpii nyiinii doilamkii ra- jangsii leile; gonyii jangpii gakalak, tiimahongwo kalak, ninado ragui- gawo kalak tei sating gamto mpounii kaidek bamsii leile.

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

HEBRUMEI 6:17

Mpounii riishii tiikabam gotei doutang karam ahnyii dateikii, mpounii tiimatu kanyii tei mpounii tiisang tiikali lakle katu tei Saraanii matei sagaisii timatunyiile, tei- jangpii mpounii hangna kak kiteikii riishii teipii satpyiile.

JONNII KARYII KABI RASAM JUKAMATI 17:24

“He Pfii-o, nangnii sazyii pouryii tii mpat kasunato n-gu lung- kasyii kito nangnii gudakii kapyii gumah pumtei kava tei ahnyiinii ngoumatu tang karam jangpii, Inii kalei nitei ahnyiiniido n-gu kaswisii lei matu katu Inii maraile.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

PILIPIMEI 1:29

Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.

2 KORENMEI 1:7

Gonyii jangpii nyiinii maning kamalum tei nlaisang nlai makle; kadapokii nyiimah kamage kalak hangtei go- nyiinii njai poihai katu takumpiinii, nyiimah kazangjyii kitodo gonyiinii njai tei poihai tangle.

ROMMEI 5:17

Kadaponii mei hangninii mah kem jangpii katai teinii, tei mei hangninii jangpii sagong takumpii magongsii lungleponii, jumage kapyii katokryii sateichii matapii kapyii kasang kamajyii tei doukalumei hangnii mei hangninii katunii, Jisu Krista jangpii tiilung kito Kisii disii sagong takumpii lung tangle.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

LUKNII KARYII KABI RASAM JUKAMATI 12:32

“Hing sulo, Jaonah kachengmei! Kadapochiinii gonyii dakii sating sazyii pyii katu tei gonyii Pfiinii kamarei teile.

METIU 16:24

Teito Jisunii mpou boumei dakii tamle, “Mei kata hangninanii gutai swinyii leponii, mpounii mpouroinapii mpougo mazhiisu matulo sateichii mpounii mpoumah Krosh tei poi ma- tusii gutai swi matulo.

1 KORENMEI 2:9

Nlenii ryii kabam aita- kumpii: “Miknii ngou kasu, koinii shii kasu sateichii meinah lungki liit kasu, hangtei Saraanii mpougo lungkasyiimei jangpii tiikada aitakle.”

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

LUKNII KARYII KABI RASAM JUKAMATI 24:26

Krista teinii kamage kalak hang ai lehsanii, mpou mah pumtei kava kitei liit kajyii makpo?”

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

2 KORENMEI 1:5

Kadapokii Krista mah kamage kalak hang kiteito nyiinii njai poi njoi katu takumpiinii, Krista paikito Saraamah tiikaha kadi tei nyiinii njai dou njoile.

PILIPIMEI 3:10

katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii,

KOLOSIMEI 1:24

Aitoinii gonyii jangpii Inii kamage kalak leh kalei kaang kito Inii ntale, kadapokii gupum guzai kito Inii kamage kalak leh kalei aipiinii Kristamah pum, katunii charsh tung tiisii Kristamah kamage kalak tangkasu hangtei tiimashang matu tang karam jangpii Inii tiiha leile.

HEBRUMEI 1:2

nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;