ROMMEI 8:11 - KARANU KABI SAMTAM

¹¹ Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

ROMMEI 8:11 Referans Kwoze

2 KORENMEI 4:14

Kadapokii Saraanii Bangpii Jisugo tiimaringpyiile katu tei nyiinii tile. Mpounii Jisugo tiimaring kapyii takumpii, nyiigodo mpounii tiima- ringpyii tangle katu tei nyiinii tile; sateichii mpounii gonyiigo kaswisii nyiigo Jisunii kalei niteikii pang gongpyii tangle.

2 KORENMEI 4:11

Mpoumah karing tei taiga tang karam nyii pum ki aito ngou matu tang karam jangpii, nyii tiilung mata tei Jisu jangpii katai mah sadoi kashyii kito nyiinii leihumle.

ROMMEI 8:9

Nlenii Saraa mah rangii teinii gonyii dato leileponii, gonyiinii apumzai kito bam makle, rangii dato leile, Nlenii mei kata hangniniida Krista mah rangii tei galeponii ahteinii mpoumah makle.

1 KORENMEI 6:14

Saraanii Bangpiigo katai kito tiimaring pyiile. Sateichii mpounii nyiigodo mpou mah teimaham kito ringkhii matu tangle.

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

PILIPIMEI 3:21

Mpounii apum tiisii kalung kangkii mahlyii hang go mpounii poigoi kalumah teimaham tei jumsii, tai kabui gakabui kasui nyii pum hang go mpounii tiiranupyii tangle ninado mpoumah kangam pum takum matu tangle.

JONNII KARYII KABI RASAM JUKAMATI 5:21

Kadapokii Pfiinii kataimeigo tiimaring pyiisii ring- matu katu takumpii nah sapfii mpou teiniido mpounii ringmatu kanyii ahnyii gotei ringmatule.

TIILAMLWI KAPYIIMEI THA JUKAMATI 2:24

Nlenii Saraanii katai mah kamage kalak kiteito mpatpyiisii, mpougo tiima- ringpyii takle, kadapochiinii teiteinii mpougo ngam makle.

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

MATIMANGOU KAPYII 11:11

Sateichii leimik hangtum phang tai Saraamah karing chyiingai tei ahnyii lungki liit totakle, sateichii ahnyiinii tusat totakle sateichii ah- nyiigo kangou hangteinii hingtakle.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

MATIMANGOU KAPYII 1:18

sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

1 KORENMEI 15:16

Kadapokii katai- meigo ringkhii matu sutakle leponii, Krista godo tiimaringpyii sutakle.

ROMMEI 6:12

Teijangpiinii gonyiinii kem mah kamarei tei swilak tang karam jangpii, gakabui gonyii pumgo kem teinii sagong takumpii magong matu sulo;

HEBRUMEI 13:20

Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,

2 KORENMEI 5:4

Nyiinii sazyii pouryiimah dwipeiki aito lung kalei kak, machang marang katupii nyiinii kamage chyiingai ngaisii bamle; sazyii pouryii mah pum kito nyiinii nlekwo nyiile katu makle, nlenii sating gam mah hangninii tei nyii phyiiryiikii kaipyii matusii, taiga tang karam gotei kalui kaga karing teipii tiikali matu kanyii jangpiiniile.

ROMMEI 8:1

Teijangpiinii aitoinii Krista Jisudato kaleimeihang go tam kamashyii tei gatakle.

ROMMEI 8:12

Teitiileponii kangsanamei, nyiinii apum azaitai swisii ringtang karam jangpii apum azai mah pow punglei makle;

ROMMEI 16:3

Krista Jisudato n-gu kaswisii tha tiisii kalei Prescilla nei Akuila go Salam pyii leile;

ROMMEI 16:7

Gutat gureng kito kapatmei sateichii kabang kito n-gu kaswisii bam kaleimei Andronikas nei Junias go salam pyii leile. Ahnyii teinii tiilamlwi kapyiimei hang kak kito Jutisii sateichii gudoito reisii Krista dato kaleimeile.

ROMMEI 16:9

Krista zeikito nyiigo njoisii tha tiikaleimei Orbanas sateichii gumah lungkasyii Stakisgo salam pyiileile.

ROMMEI 16:10

Krista zei kito mazhiipyii kalei, Apehlisgo salam pyii leile, Aristbulas ki kalung mpung kito kaleimeihang go salam pyii leile.

GALATIMEI 6:8

Kadapokii mpou pum mpou zai sek kikii ralyii kakai mei teinii pumzai kiteito kaga tei rachet tangle, nlenii rangii kikii ralyii kakaimei teinii rangii kiteito kalui kaga karing tei rachet tangle.