ROMMEI 8:10 - KARANU KABI SAMTAM

¹⁰ Nlenii Kristanii gonyii dato lei lepochiinii kem jangpiinii gonyii pum tei tai kido gonyii rangii tei kasang kamajyii jangpii ring leile.

ROMMEI 8:10 Referans Kwoze

IPISAMEI 3:17

sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

JONNII KARYII KABI RASAM JUKAMATI 17:23

Inii ahnyii dato sateichii nangnii gudato kalei teipii ahnyiinii sajek gasii hangninii tiimatutang karam jangpiile; katunii nangnii n-gu lang magongle sateichii nangnii n-gu lungkasyii takumpiinii nangnii ahnyiigo lungsyii takle katu tei sazyii pouryiinii timatu tang karam jangpiiniile.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

PILIPIMEI 1:23

Inii tiilung aikito tat maju wosii Kristago kaswisii bamtunyii takle, kadapokii teiteinii bisang bibwile, tei hang- namah kak kiteito n-gu biitnai bamsii leitakle;

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

1 KORENMEI 15:45

Kadapokii kabi rasam kito tamle, “Meinah karei reisang, Adam, gotei meinah karing hangninii tiipyiile;” nlenii kana nasang, Adam teinii karing kapyii rangii teile.

MATIMANGOU KAPYII 14:13

Sateichiisating gamto rok hangninanii aitiisii katam Inii shiitakle, ai ryii wolo: Aitoisekpiinii Bangpii dato tai kaleimei hangtei sadoibile. Rangiinii tamle, “Nle, sadoibi kasangle. Ahnyiimah tha katii kito ntak matulo; kadapokii ahnyiimah tha tei ahnyiigo kaswi leile!”

JONNII KARYII KABI RASAM JUKAMATI 15:5

“Darkha bangtei I-le, kha hang- tei gonyiile, gudato taksupii kalei ninado Inii ah dato taksupii kalei ahteinii ti hangniikii matile; kada- pokii I-haisupiinii gonyiinii samah kado tiipei wolakle.

JONNII KARYII KABI RASAM JUKAMATI 14:23

Jisunii mpougo khekalatle, “N-gu lungkasyiimei hangnii gumah karali tei switangle. Gu Pfiinii ahgo lungsyii tangle, sateichii Gu Pfiinii ninado Inii ahda gongsii ahgo kaswisii lungtangle.

HEBRUMEI 12:23

sating gamkii zei ryiikai kabam lung karei nah sapfiimei hang go ndwini sateichii samtak tiitang karampii Saraada, sateichii mei kabimeigo sajek kaga tiikapyii rangii hangda,

HEBRUMEI 9:27

Sateichii meinah jangpii binii tai matu katu sateichii tei taito samtak katii gong katu ai retkabam takumpii,

1 THESOLONIKAMEI 4:16

Kadapokii Bangpii pumsekpiinii sating gamto kahum mah kasagoi rok teipii, aphyii kasat sating gamlui mah rok teipii, sateichii Saraamah buika koi teipii kaswisii Bangpiinii sating gamto hum tangle; Sateichii Krista dato tai kaleimei teinii reipii ringkhii tangle;

2 KORENMEI 13:5

Gonyii mah kamalum kito gonyiinii satsii leimanii leimakpo, katu jutang karam jangpii, Gonyii roinapii jaijulo. Kristanii gonyii dato leile katu gonyiinii timakpo? jaikaju tei gonyiinii kasangpii kadoupeilak kasuta!

2 KORENMEI 4:11

Mpoumah karing tei taiga tang karam nyii pum ki aito ngou matu tang karam jangpii, nyii tiilung mata tei Jisu jangpii katai mah sadoi kashyii kito nyiinii leihumle.

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

ROMMEI 5:12

Teijangpiinii mei hangninii jangpii kem, sateichii kem jangpiinii katai tei sazyii pouryii gongtakle, sateichii katai tei meihangda gong- takle. Kadapokii meihang ai kem pungleile.

JONNII KARYII KABI RASAM JUKAMATI 6:56

Gumah kamyii chiisii kalei ninado gumah zai saksii kalei ahteinii gudato taksupiinii leile, sateichii Inii ah dato taksupiinii leile.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JONNII KARYII KABI RASAM JUKAMATI 6:54

Gumah kamyii kachiimei ninado gumah zai sak kalumei teinii kalui kaga karingtei doutakle, sateichii Inii ahgo kalui piinei leimik tiima- ringpyii tangle.