ROMMEI 7:6 - KARANU KABI SAMTAM

⁶ Nlenii aitoinii ryii kabam kaham ajaitingshang tai tei swisupii rangii mah karanu tiilung kito nyiinii anga nga tang karam jangpii, katai teinii nyiigo maringpouchyiimeigo takumpii jumnei kabam, ajaitingshang kiteito mpatpyii ai takle.

ROMMEI 7:6 Referans Kwoze

2 KORENMEI 3:6

Sat tang karam karanu samtam mah nga kangamei tiitang karam tiikamajyii tei mpounii nyiigo pyiile, ainii ryii kabam ajaitingshang tei- makle, nlenii rangii mahle. Kadapokii ryiikabam ajaitingsang teinii katai tei poigongle, nlenii rangiinii karing tei pyiile.

ROMMEI 7:4

Tei takumpiinii he kangsanamei, Gonyiinii kaki hangninii mah, katunii katai kito ringkhii kalu Ahmah tiitang karam jangpii, gonyiido Krista mah apum paito Ajaitingshang lamtuito tai takle, ai ai nyiinii Saraa dato ati-matitang karam jangpiiniile.

ROMMEI 6:4

Teijang- piinii nyii ai dwi mpum kalu teipii mpougo kaswisii katai kiteikii poigoi aitakle, kadaponii Apfii mah pumtei kava teipii Kristago katai kito ringkhii matu kalu takumpii, nyiiniido karanu tiilung kiteito tatwo kabui jangpii.

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

ROMMEI 7:1

He kangsanamei, meinahnii ring kaleita tei ajaitingshang teinii meinah pyiiryiito apum tiisii bamle katu tei gonyiinii timakde? Kada- ponii ajaitingshang katimei dakii Inii tam leile.

ROMMEI 6:2

Teisang teimakle! Kem lamto taikalei nyiinii teikito kisii thaangsii kada takumpiinii lungwo tangpo?

ROMMEI 6:19

Gonyii pum pot kasui jangpiinii meinah mah tingshang rali kito Inii gonyii go tamleile, kadaponii ting- lang hangniniiki gonyiinii gonyiimah pumpot njai hangtei matei kasu kikii, sateichii kisii kem kikii pyii kalei takumpiinii, aitoinii gonyii mah pumpot njai hangtei tiimatei tang karam jangpii kasang kamajyii kikii pyii ailo.

ROMMEI 6:11

Teijangpiinii gonyiido gonyii roinapiinii kem lamto taitakle, nlenii Saraa lamto Krista Jisu dato ring leilesii maning tang karamle.

ROMMEI 1:9

Kadaponii tinglang kaleita gumah kariita hang kito gonyii jangpii Inii taksupii maningsii leile katu tei mpou Nah sapfii mpou mah kabi rasam kito gu rangii haisii Inii anga nga kalei Saraanii gumah sakchyiile;

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

ROMMEI 7:2

Kadapochiinii kalak tiikalei sapwimei gotei ring kalei mpoupei mah naa dateikii Ajaiting- shang teinii kangbamle. Nlenii mpoupei mah naa teinii tai takle leponii mpoupei ai go naa dakii kangkabam ajaitingshang ki teito mpatpyii aitakle.

IPISAMEI 4:24

Sateichii Saraamah njoi kasang kamajyii nina- do kamatei kito tiikabam kasataimei jailui tei gonyiinii kai wolo.