ROMMEI 7:5 - KARANU KABI SAMTAM

⁵ Nyiinii pum zai lamto lung kalei tinglang kak, ajaitingshang teinii tiimarak kapyii nyii pum nyii zainii kamarei ka-nta hangtei nyiipum pot mah njaihang kito, katai mah ati-mati matutang karam jangpii atha tiisii bamle.

ROMMEI 7:5 Referans Kwoze

IPISAMEI 2:3

Ai kak kito nyiihang ai tinglang hangninii kinii apum ninado lungswinii kamareitai tei swisii nyii pumnii kamaning kamarei kito lungsii leile. Teijangpii meinah lui kakimei takumpiinii, nyii ai nunuto Saraanii rakarhii mah nahmeile.

GALATIMEI 5:24

Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle.

GALATIMEI 3:10

Ajaitingshang mah tha hang go bhangsii ringkalei meihangtei Saraa- mah kaseeng kangto leile. Kadaponii aitiisii tamle, “Ajaitingshang bung kikii ryiikabam mahlyiihang tei tinglang kaleita swikasu mei teinii Saraa mah kasheeng kangto leile!”

ROMMEI 6:13

sateichii gonyii gonyiimah pum pot, njaihang tei kashyii kahong mah beitui takumpii kem kikii pyii aisulo; nlenii gonyiimah pumsek tei katai kito pang nlaigong kapyiimei takumpii, sateichii gonyiimah pumpot mah njai hangtei kasang kamajyii mah beitui takumpiinii pyiilo.

ROMMEI 6:21

Nlenii aitoinii gonyiinii ka-nrou tha tiikalei hang kiteito gonyiinii kadapei liipat dou wopo? Teihang mah kito doukalu teinii katai teile.

1 JON 3:4

Kem katiimei hangnii ajaiting- shang go swikasudo tiile, sateichii kemnii ajaitingshang go swimakle.

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

1 KORENMEI 15:56

Katai mah tiimathii kabui mah pumtei teinii kem dato doule satei- chii kem teinii mpoumah teimaham tei ajaitingshang dato doule.

JEMS 4:1

Gonyii kak kito satii saryii ninado n-gi razyii hang ai kada kito patpo? Gonyii pumpotmah njai hang kito saryii tiisii kalei gonyiimah kamarei ka-ntha hang kito makpo?

JEMS 1:15

Teito kashyii kamaning kamarei teinii moi mpung wosek-kii kem kama tei manaale; sateichii kem kama teinii disang sek-kii, katai tei manaale.

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

IPISAMEI 2:11

Teijangpiinii maning gonglo, katunii, tinglang hangniniiki pumzai lamto luikakimei tiisii, pumzai lamto bahpiinii katii tiigyii kamalem kanat tiikalei meihangsii lat kaleimei teinii tiigyii kamalem kanat tiikasumei sii lat kalei gonyiinii,

ROMMEI 7:23

nlenii gupumpot mah njaihang kito kalei gulungswinii maziipyii kalei ajaitingshang gotei, sateichii gupumpot mah njaihang kito kalei kem mah ajaitingshang mah maring- pouchyiimei tiimatu tang karam jangpii ajaitingshang kakinii saryii tiisii kalei tei Inii ngoule.

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

ROMMEI 6:19

Gonyii pum pot kasui jangpiinii meinah mah tingshang rali kito Inii gonyii go tamleile, kadaponii ting- lang hangniniiki gonyiinii gonyiimah pumpot njai hangtei matei kasu kikii, sateichii kisii kem kikii pyii kalei takumpiinii, aitoinii gonyii mah pumpot njai hangtei tiimatei tang karam jangpii kasang kamajyii kikii pyii ailo.

ROMMEI 5:20

Kem tei moibuibui matu tang karam jangpii ajaitingshang teido gongtakle, nlenii kem moibui bui kalei nitei, Saraa mah jumage kapyii teido kisii moibuile.

ROMMEI 4:15

Ka- daponii ajaitingshang teipii rakarhii tei tii-mpatle, nlenii ajaitingshang kaga niteinii kem kama teido gale.

ROMMEI 3:20

Kadaponii ajatingshang mah atha teipiinii mpou mikjot kito meigo kado tiima- jyiipyii lakle, kadaponii ajaiting- shang paito kem katu tei tigongle.

ROMMEI 1:26

Akaang aijangpii Saraanii ah- nyiigo hangkeng kaga maning marei kikii mpatpyii takle. Ahnyii noumei teinii ameinah jai tingshang katii gotei ajaitingshang kasu kikii kadat kaitakle.

JONNII KARYII KABI RASAM JUKAMATI 3:6

Pum kito kalung tei pumle, sateichii rangii kito kalung tei rangiile.

METIU 15:19

Kadapokii lungchui kashyii, meigo kagi, meinou meinah- go kashyii katii, kashyii kahong tha katii, kachui, kasang kasu sakchyii katii, meisam tam kamashyii ai lung kito patle.

2 KORENMEI 10:3

Kadapokii nyiinii pumzaimah kamaning taiswisii saryii tiimakle.