ROMMEI 7:4 - KARANU KABI SAMTAM

⁴ Tei takumpiinii he kangsanamei, Gonyiinii kaki hangninii mah, katunii katai kito ringkhii kalu Ahmah tiitang karam jangpii, gonyiido Krista mah apum paito Ajaitingshang lamtuito tai takle, ai ai nyiinii Saraa dato ati-matitang karam jangpiiniile.

ROMMEI 7:4 Referans Kwoze

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

IPISAMEI 2:15

Sateichii mpougo njasii hangninii tiikalu kito kasatai meilui hangninii tiimatu tang karam jangpii, Jehudimei mah kakhatsam ninado ajaimah ajaitingshang gotei mpounii tiimagapyii takle. Aitiisii mpounii tiimajung pyiile.

ROMMEI 7:6

Nlenii aitoinii ryii kabam kaham ajaitingshang tai tei swisupii rangii mah karanu tiilung kito nyiinii anga nga tang karam jangpii, katai teinii nyiigo maringpouchyiimeigo takumpii jumnei kabam, ajaitingshang kiteito mpatpyii ai takle.

GALATIMEI 5:18

Nlenii gonyiigo rangiinii chyiitat pyiileponii, gonyii ajaitingshang kaang nkang makle.

KOLOSIMEI 1:22

Nlenii aitoinii, gonyiigo mateisii sateichii sajek gasii, mpou doi poigong tang karam jangpii mpounah sapfii mpounii pum zai kito taikapyii teipii Saraanii gonyiigo mpoumah kangmei tiipyii takle.

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

ROMMEI 6:14

Kadapokii kem teinii gonyii pyiiryiito apum tiilakle, dapochiinii gonyiinii ajaitingshang Kang nkang- sii bam makle, nlenii jumage kapyii kangto bamle.

KOLOSIMEI 2:14

Nyiidato ti katheisii kalei nyiigo mazhii supii ngourousii kalei ajaitingshang teimah abah zaimah samret tei piit toipyiisii, teitei krosh gamkii jotpyii geekai pyiisii, nyiikak kito teitei mpounii poitoi pyiitakle.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

MATIMANGOU KAPYII 19:7

Nyiinii nta rangade sateichii Ahgo tam matoide. Kadapokii Jaonah mah myiikapang tinglang tei gong takle, sateichii mpoumah amyiipeipwi teinii mpoupei roinapii tiikada wotakle;

ROMMEI 6:2

Teisang teimakle! Kem lamto taikalei nyiinii teikito kisii thaangsii kada takumpiinii lungwo tangpo?

KOLOSIMEI 2:20

Gonyiinii Kristago kaswisii taitakle sateichii sazyii pouryiigo apum katii rangii hang kito laat mpatpyii aitakle; tei tiileponii, Gonyiinii sazyii pouryii kangto kalei takumpii dajangpiinii lungleipo?

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

PILIPIMEI 4:17

Mah kapyii gotei Inii fiikatumah makle, nlenii gonyiimah bitang karam jangpii moiki katu riiti tei Inii fiile.

JONNII KARYII KABI RASAM JUKAMATI 3:29

Myiipeipwi go pang kalu mpou tei nou katii sapfii mpou teile. Nlenii kuto satpii mpou sam shiisii kalei nou katiipii mah kangmei teinii, nou katiipii mah rok shii wosii ntale, gumah ka-nta tiimashang kapyii teinii aile.

METIU 26:26

Aitoinii ahnyiinii mah chii leibangpii Jisunii tiirok tei poi wotakle, sateichii satoi pyiitakle, sateichii mpoumah boumei dakii pyiisanii tamle, “Poisii chiilo, ai ai gupumle.”

MATIMANGOU KAPYII 21:9

Teito kalui sararahum sana teipiinii tokryii kalei kok sana poikalei sating gamlui sana kak kito hangninanii gong n-gu sam rashiisanii tamle, “Patlo, Inii n-go amyiipeipwi katunii, Jaonah mah noutei mangoule.”

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

2 KORENMEI 11:2

Saraanii lung kanhii takumpii, gonyii jangpii Inii lungkanhii hang- kapii leile; sapwimei hangninanii mpoupeigo manou tang lesii n-nhii- tak kalei sapfiimei hangniniigo bisii kalei, sateichii myiikapang leimik tei gong kasuta mateisii kalei takum- piinii, gonyiinii Jisu Kristago tiigatpii matwi mashangsii bisii kalei tei Inii mareile.

1 KORENMEI 10:16

Bangpiimah takbaiki nyiinii poi- kalei peek sateichii teijangpii nyiinii Saraago hakalang tam kalei kiteito: nyiinii sak katu kak, nyiinii Kristamah zai tei njai leile sateichii nyiinii tiirak kalei tiirok kiteito; nyiinii chii katu kak, nyiinii Krista mah pum tei njai leile.

JONNII KARYII KABI RASAM JUKAMATI 15:8

Gonyiinii ti hangniikii matisii, aitiisii gonyiinii gumah boumei tiikatu aipiinii gu Pfii mah pumtei kava tei mangoule.

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

MARK 4:20

Sateichii sazyii kabi kikii ralikai kabam ahnyii teinii sam tei shii wosii lungkikii lukai wole sateichii ati tei kangkanii tamrhii, reksiirok, ninado hai katang matile.”

ROMMEI 6:11

Teijangpiinii gonyiido gonyii roinapiinii kem lamto taitakle, nlenii Saraa lamto Krista Jisu dato ring leilesii maning tang karamle.

ROMMEI 7:3

Teitakumpiinii mpoupei mah naa teinii ring kalei kak mpoupeinii sapfiimei kaki hang- niniiki gongtu leponii mpoupeigo mashung kamahapei sii lat tangle. Nlenii mpoupei mah naa teinii tai takle leponii, teimah ajai tingshang kiteito mpoupeigo mpatpyii aitakle. Teipiinii mpoupeinii sapfiimei kaki hangniniiki gongtu kido mpoupei tei mashung kamahapei makle.