ROMMEI 6:6 - KARANU KABI SAMTAM

⁶ Kem katiipum tei tiimaga tang karam jangpii, sateichii kem kito kabangnah tiisii mbamlak tang karam jangpii nyii mah kaham mei tei mpougo kaswisii Krosh gamkii gi aitakle katu tei nyiinii tile.

ROMMEI 6:6 Referans Kwoze

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

GALATIMEI 5:24

Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle.

GALATIMEI 6:14

Sazyii pouryiinii gudakii sateichii Inii sazyii pouryii dakii krosh kito taikapyii, nyii Bangpii Jisu Kris- tamah kaang kito supiinii detkadi tei gudato dhii matulo.

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

ROMMEI 8:13

kadapokii gonyiinii apum azai tai swisii lungleponii, gonyii taitangle; nlenii rangii paito gonyiinii apum azai mah tha hangtei tai malei aileponii gonyiinii ringtangle.

ROMMEI 6:22

Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.

ROMMEI 6:12

Teijangpiinii gonyiinii kem mah kamarei tei swilak tang karam jangpii, gakabui gonyii pumgo kem teinii sagong takumpii magong matu sulo;

ROMMEI 7:14

Kadapochiinii ajaitingshang teinii rangii mahle katu tei nyiinii tile, nlenii Inii kem dakii joitoi kalei taiga kabui meinahle.

2 KORENMEI 5:14

Kadapokii Kristamah lungkasyii teipii nyiigo apum tiiwo takle; da- ponii nyiinii aitiisii malum wotakle katunii, meihang jangpii hangninanii taipyii takle, teipiinii hang ai taitakle.

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.