ROMMEI 6:4 - KARANU KABI SAMTAM

⁴ Teijang- piinii nyii ai dwi mpum kalu teipii mpougo kaswisii katai kiteikii poigoi aitakle, kadaponii Apfii mah pumtei kava teipii Kristago katai kito ringkhii matu kalu takumpii, nyiiniido karanu tiilung kiteito tatwo kabui jangpii.

ROMMEI 6:4 Referans Kwoze

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

ROMMEI 7:6

Nlenii aitoinii ryii kabam kaham ajaitingshang tai tei swisupii rangii mah karanu tiilung kito nyiinii anga nga tang karam jangpii, katai teinii nyiigo maringpouchyiimeigo takumpii jumnei kabam, ajaitingshang kiteito mpatpyii ai takle.

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

ROMMEI 6:9

kadaponii katai kito ringkhii kalu Krista tei taisang tailoi lak takle; katai teinii mpougo apum tiiloi lak takle katu tei nyiinii tile.

2 KORENMEI 13:4

Kadapokii kasui kiteito mpougo gi aitakle, nlenii Saraamah teimaham teipii ringsii leile. Kadapokii nyii ai mpou dato suile, nlenii gonyiigo kaswisii lung katu kito Saraamah teimaham teipii nyiinii mpougo kaswisii lung tangle.

ROMMEI 6:3

Krista Jisu dakii dwi mpum kalumei nyiihangnii mpou mah katai kikii dwi mpum aitakle katu gonyiinii timakpo?

1 JON 2:6

Saraa dato leilesii tamsii kalei ah teinii Jisu Kristanii tat kalei takum- piinii mpouniido tat tang karamle.

1 KORENMEI 6:14

Saraanii Bangpiigo katai kito tiimaring pyiile. Sateichii mpounii nyiigodo mpou mah teimaham kito ringkhii matu tangle.

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

IPISAMEI 4:17

Teijangpii Bangpii zei kito Inii gonyiigo kakhatsii tam leile; luikakimeinii kakadak lungswi hang kito lungkalei takumpii gonyii lungsii bamloi sulo.

ROMMEI 6:19

Gonyii pum pot kasui jangpiinii meinah mah tingshang rali kito Inii gonyii go tamleile, kadaponii ting- lang hangniniiki gonyiinii gonyiimah pumpot njai hangtei matei kasu kikii, sateichii kisii kem kikii pyii kalei takumpiinii, aitoinii gonyii mah pumpot njai hangtei tiimatei tang karam jangpii kasang kamajyii kikii pyii ailo.

JONNII KARYII KABI RASAM JUKAMATI 11:40

Jisunii mpoupei dakii tamle, “Nangnii malum leponii, Saraa mah pumtei kava ngoutangle sii Inii godakii tamtak makpo?”

TIILAMLWI KAPYIIMEI THA JUKAMATI 2:24

Nlenii Saraanii katai mah kamage kalak kiteito mpatpyiisii, mpougo tiima- ringpyii takle, kadapochiinii teiteinii mpougo ngam makle.

KOLOSIMEI 4:1

Apum mei sating gamto gonyiimahdo apumpii leile katu tei tisii, Gonyii kikaleimei dakii majyiisii sateichii bisii tiiseilo.

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

JONNII KARYII KABI RASAM JUKAMATI 2:11

Mpoumah tiikamangou siitihang mah karei reisang ai, Galili kito kalei Kena kito Jisunii tiimangou takle, teito mpoumah pumtei kava tei mati mangoutakle, ninado mpoumah bou- meinii mpougo malum wotakle.

TIILAMLWI KAPYIIMEI THA JUKAMATI 2:32

Jisu aigo Saraanii tiimaringpyii takle, tei kaang kito nyiihangnii sakchyii tii- ziile.

ROMMEI 6:8

Nlenii nyiinii Kristago kaswisii tai takle leponii, nyiiniido mpougo kaswisii ringtangle katu tei nyiinii malumle;