ROMMEI 6:3 - KARANU KABI SAMTAM

³ Krista Jisu dakii dwi mpum kalumei nyiihangnii mpou mah katai kikii dwi mpum aitakle katu gonyiinii timakpo?

ROMMEI 6:3 Referans Kwoze

GALATIMEI 3:27

Kadaponii Krista dato dwi mpum kalumei ahnyiihangnii pei kaba kumpii Kristago bawotakle.

ROMMEI 6:8

Nlenii nyiinii Kristago kaswisii tai takle leponii, nyiiniido mpougo kaswisii ringtangle katu tei nyiinii malumle;

1 KORENMEI 12:13

Kadaponii Jehudimei kado, Grikmei kado, Kabangmei kado, laat kabam mei kado, nyiihang go rangii hangninanii apum hangninii kikii dwi mpum pyiibam takle, sateichii rangii hangninii kito sak matu tang karam jangpii meihang go tiibam takle.

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

1 KORENMEI 9:13

Saraa kamaning kilungto tha tiikalei mei teinii Saraa kamaning kilung teito ahnyii mah chiitak tei doule, sateichii rakuibam kito karatsii Saraago pyiikalei mei teinii kakarat mah njai tei dou njoi leile katu gonyiinii timakpo?

ROMMEI 7:1

He kangsanamei, meinahnii ring kaleita tei ajaitingshang teinii meinah pyiiryiito apum tiisii bamle katu tei gonyiinii timakde? Kada- ponii ajaitingshang katimei dakii Inii tam leile.

ROMMEI 6:16

Kataini majang- tatsii kalei kem mah kado, mak-kii kasang kamajyiini majangtatsii kalei, katam kaswimah kado, katam switang karam jangpii gonyii pumsekpiinii, kabangnah takumpii pyii ai kalei kak, gonyii ai gonyiinii katam swi kalei hangninii mah kabangnah kasang takle katu tei gonyiinii timakde?

TIILAMLWI KAPYIIMEI THA JUKAMATI 19:5

Sateichii ahnyiinii ai ai shii wosek-kii, Bangpii Jisu zei kito dwi mpum wotakle.

1 KORENMEI 6:9

Kasang kamajyii tha tiikasumei teinii Saraamah sating sazyii doulakle katu gonyii timakpo? Maningma sulo; kashyii kahong tha katii mak-kii, tingtugo kamata, mak-kii mashung kamaha, mak-kii pwimei pfiimei meijai tiikasu,

1 KORENMEI 5:6

Gonyii mah det kadi tei bimakle. Ahee chengniikapii athok tom hang gotei toupat matu woleile katu gonyiinii timakpo?

TIILAMLWI KAPYIIMEI THA JUKAMATI 8:16

Kadapokii rangii kamatei teinii ahnyii mei hangninii phyiiryii kado reisii humpyii makle, nlenii Bangpii Jisu zei kito ahnyiigo dwi mpum kapyii tei roile.

2 KORENMEI 13:5

Gonyii mah kamalum kito gonyiinii satsii leimanii leimakpo, katu jutang karam jangpii, Gonyii roinapii jaijulo. Kristanii gonyii dato leile katu gonyiinii timakpo? jaikaju tei gonyiinii kasangpii kadoupeilak kasuta!

1 KORENMEI 15:29

Aitoinii kataimei jangpii dwi mpum kalu ahnyii tei kadapei tii- tangpo? Kadapeigo kaswi tanglesii ahnyiinii maning malum leipo? Mei kangkanii tam kalei, katunii, katai- mei ai ringkhii tang karam gale, katu ai kasangle leponii, kada tiisii ahnyii tei kataimei jangpii dwi mpum aitakpo?

1 KORENMEI 3:16

Gonyiinii Saraa mah kamatei Saraa kamaning kile ninado Saraa- mah rangiinii gonyii lungto leile katu gonyiinii timakpo?

1 KORENMEI 6:19

Sateichii gonyii pum teinii gonyiinii Saraa dato doukalu, gonyii lungto kalei rangii kamatei mah kamatei kile katu gonyiinii timakpo? Sateichii gonyiinii gonyiimah roinamakle;

1 KORENMEI 9:24

Pak kamaga katu kitei pak tang karam meihang teinii kamagale, nlenii mei hangninasang hangninanii alangh tei douleile katu tei gonyiinii timakpo? Teijangpii gonyiinii teitei douwo kabui tiisii pak tulo.

1 KORENMEI 10:2

sateichii meihangnii mongjyii lungto ninado dwijai lungto Moses tai kaswimei hangninii tiisii dwi mpum wole;