ROMMEI 6:23 - KARANU KABI SAMTAM

²³ Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

ROMMEI 6:23 Referans Kwoze

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

ROMMEI 5:12

Teijangpiinii mei hangninii jangpii kem, sateichii kem jangpiinii katai tei sazyii pouryii gongtakle, sateichii katai tei meihangda gong- takle. Kadapokii meihang ai kem pungleile.

JEMS 1:15

Teito kashyii kamaning kamarei teinii moi mpung wosek-kii kem kama tei manaale; sateichii kem kama teinii disang sek-kii, katai tei manaale.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

METIU 25:46

Sateichii ahnyii hang ainii kalui kaga kamage kalak nitei tat tang takle, nlenii kasang kamajyiimei hang teinii kalui kaga karing nitei tat tang takle.”

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

ROMMEI 5:17

Kadaponii mei hangninii mah kem jangpii katai teinii, tei mei hangninii jangpii sagong takumpii magongsii lungleponii, jumage kapyii katokryii sateichii matapii kapyii kasang kamajyii tei doukalumei hangnii mei hangninii katunii, Jisu Krista jangpii tiilung kito Kisii disii sagong takumpii lung tangle.

ROMMEI 6:16

Kataini majang- tatsii kalei kem mah kado, mak-kii kasang kamajyiini majangtatsii kalei, katam kaswimah kado, katam switang karam jangpii gonyii pumsekpiinii, kabangnah takumpii pyii ai kalei kak, gonyii ai gonyiinii katam swi kalei hangninii mah kabangnah kasang takle katu tei gonyiinii timakde?

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

JONNII KARYII KABI RASAM JUKAMATI 6:27

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

GALATIMEI 3:10

Ajaitingshang mah tha hang go bhangsii ringkalei meihangtei Saraa- mah kaseeng kangto leile. Kadaponii aitiisii tamle, “Ajaitingshang bung kikii ryiikabam mahlyiihang tei tinglang kaleita swikasu mei teinii Saraa mah kasheeng kangto leile!”

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JONNII KARYII KABI RASAM JUKAMATI 4:36

Lingkakai ahnei karachet ahteinii kaswisii nta njoitang karam jangpii, karachet ahteinii pumjangmai doule, sateichii kalui gasii ringtang karam jangpii ti tei poi nkomle.

ROMMEI 1:32

Aikatii tha tiisii kaleimei teinii tai majyiile katu tei mei aimeinii Saraamah kakhatsam tei tisii teitei katii roisupiinii tei tha katii meihang godo mazhii pyii takle.

ROMMEI 6:21

Nlenii aitoinii gonyiinii ka-nrou tha tiikalei hang kiteito gonyiinii kadapei liipat dou wopo? Teihang mah kito doukalu teinii katai teile.

ROMMEI 8:6

Kadapokii apum azai mah kamaning tei kataile, nlenii rangii mah kamaning teinii karing ninado kamajung teile.

ROMMEI 8:13

kadapokii gonyiinii apum azai tai swisii lungleponii, gonyii taitangle; nlenii rangii paito gonyiinii apum azai mah tha hangtei tai malei aileponii gonyiinii ringtangle.

ROMMEI 8:38

Kadaponii Inii malumle katunii, katainiido karingniido, sating gam- luinado, apum katiimei niikado, aitoi tinglangmah niikado, natei gongtang karam mah niikado, teimaham niikado,

ROMMEI 8:39

kasagoinii kado, kathok- nii kado baichem hang kito mah kata hangninii kaniido, nyii Bangpii Krista Jisu dato kalei Saraamah lungkasyii ki teito nyiigo chyii kapakpei wolakle.