ROMMEI 6:21 - KARANU KABI SAMTAM

²¹ Nlenii aitoinii gonyiinii ka-nrou tha tiikalei hang kiteito gonyiinii kadapei liipat dou wopo? Teihang mah kito doukalu teinii katai teile.

ROMMEI 6:21 Referans Kwoze

ROMMEI 1:32

Aikatii tha tiisii kaleimei teinii tai majyiile katu tei mei aimeinii Saraamah kakhatsam tei tisii teitei katii roisupiinii tei tha katii meihang godo mazhii pyii takle.

ROMMEI 7:5

Nyiinii pum zai lamto lung kalei tinglang kak, ajaitingshang teinii tiimarak kapyii nyii pum nyii zainii kamarei ka-nta hangtei nyiipum pot mah njaihang kito, katai mah ati-mati matutang karam jangpii atha tiisii bamle.

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

1 JON 2:28

Gunahmei, aitoinii mpounii kagong tinglang kak nyiinii lung kalum tei doukabui tiisii, sateichii mpounii kagong piinei leimik mpou dato nrousii mbeilak tang karam jangpii gonyiinii mpou dato taksu- piinii leilo.

HEBRUMEI 6:8

Nlenii tu kapung sateichii rhiima pokpat lepo- nii, sazyii tei kadakle, sateichii ka- sheeng doutang karam natakle, teimah kalui teinii mipii rukatoi teile.

ROMMEI 8:13

kadapokii gonyiinii apum azai tai swisii lungleponii, gonyii taitangle; nlenii rangii paito gonyiinii apum azai mah tha hangtei tai malei aileponii gonyiinii ringtangle.

ROMMEI 8:6

Kadapokii apum azai mah kamaning tei kataile, nlenii rangii mah kamaning teinii karing ninado kamajung teile.

MATIMANGOU KAPYII 20:14

Sateichii katainei kataimeimah sazyii gotei mi mah jailungkii toikai aitakle. Ai mi mah jai ai, hangna kashang katai teile.

MATIMANGOU KAPYII 16:6

Kadapokii kamatei ninado lungkakalingmei hangmah zai tei ahnyiinii tii-mpatle, teipiinii zai tei sak matu tang karam jangpii nangnii ahnyiigo pyiitakle. Ahnyiinii doukamajyii tei ahnyiinii dou leile!”

1 PITAR 4:17

Kadapokii Samtak tiihao tang karam tinglang tei gongtakle, satei- chii Saraamah mei sek gotei samtak tiirei tangle. Samtak tei nyiidato tiihao takleponii, Saraamah kabi rasamgo malum kasumei mah kamaswi teinii kadapei tangpo?

JEMS 5:20

kem katii hangniniigo ahmah kama pwidi kito pang nlai kagongmei hangteinii kem katii- piimah rangii tei katai kito keipyii tangle sateichii kama hangkii maga kapyii tei pung gong tangle katu tei ahnii timatulo.

JEMS 1:15

Teito kashyii kamaning kamarei teinii moi mpung wosek-kii kem kama tei manaale; sateichii kem kama teinii disang sek-kii, katai tei manaale.

HEBRUMEI 10:29

Teitii leponii jumage kapyii mah rangiigo kalet kalou katii, ahgo kem kito tiimatei kapyii Saraamah zaimah sat tang karam samtam go mai kamalamah pot hangninii takumpii poikalei, Saraa nah sapfii mpougo mazhii kasu gotei kadaziikapii kaki kadwi karat tei doumajyiile sii gonyiinii maning leipo?

2 KORENMEI 7:11

Gonyiimah lungswi kamage katu tei gonyii jangpii Saraanii kamarei teile, sateichii julo, gonyii mah lungswi kamage katu teipii gonyii jangpii kadapei tiipyii takpo! Teiteipiinii gonyiigo tha tii- matu kanyii sateichii gonyii ai tiima makle katu tei maning kariirhii katu gasii tiimangou takle, pat kalei phyiiryii teikii gonyiinii rarhiile sateichii nlailoisii patloi tang karam gotei gonyiinii hingle. Teipii gonyiinii n-gu kamangwi, gonyiinii n-gu dangpyii kanyii, sateichii tiikama mei gotei dwisii rat kanyii tei teiteipii mpatpyii takle. Aihang mah tha ki aito pat kalei hangtei gonyiinii makle katu tei gonyiinii mangoupyii takle.

PILIPIMEI 3:19

Ahnyii teinii mibam kito kalui tiitangle, dapokii ahnyiimah sara teinii ahnyii mah pumzainii kamarei ka-ntha hang teile; ahnyiinii nroutang karam nito detdile, ninado ahnyiinii sazyii pou- ryiito kaluimah pot hang gotei roinii maningle.

ROMMEI 5:12

Teijangpiinii mei hangninii jangpii kem, sateichii kem jangpiinii katai tei sazyii pouryii gongtakle, sateichii katai tei meihangda gong- takle. Kadapokii meihang ai kem pungleile.

ROMMEI 6:16

Kataini majang- tatsii kalei kem mah kado, mak-kii kasang kamajyiini majangtatsii kalei, katam kaswimah kado, katam switang karam jangpii gonyii pumsekpiinii, kabangnah takumpii pyii ai kalei kak, gonyii ai gonyiinii katam swi kalei hangninii mah kabangnah kasang takle katu tei gonyiinii timakde?

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.