ROMMEI 6:17 - KARANU KABI SAMTAM

¹⁷ Nlenii Saraago halangle kadaponii tinglang hang- niniiki gonyiinii kem mah kabang- nah tiisii leikido gonyiigo ralikapyii kito doukalu kasang gotei gonyii lung matum madumpii gonyiinii swi wotakle.

ROMMEI 6:17 Referans Kwoze

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

2 TIMOTHI 1:13

Krista Jisu dato kalei kamalum ninado lungka- syii kito, nangnii gudato shiikalu kabi samhang mah tiikamangou nda tei tiilo.

2 KORENMEI 2:14

Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile.

ROMMEI 16:26

Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.

ROMMEI 1:8

Karei reisang kito Jisu Krista paito gu Saraa go Inii hakalang tamle, kadaponii gonyiimah kamalum tei sazyii pouryii hangnii shiilei takle.

3 JON 1:3

Kadapokii nang- nii kasang tai swikalei takumpii, kangsanamei kangkanii gongsii gotiilung mah kasang kito sakchyii kapyii tinglang kak, Inii hangkapii nta takle.

ROMMEI 15:18

Kadaponii samtam ninado tha katii teipii tiikamangou siitihang sateichii kamadat kamadat mah teimaham teipii, Rangii kamatei mah teimaham teipii, luikakimeinii katam swimatu tang karam jangpii, Kristanii gupaito tiikapyii tei supii- nii Inii mah hangninii kado lungdisii tam lakle.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

2 JON 1:4

Nyii Pfii dato kakhatsam doukalu takumpii, kasang kito tatsii kalei gonyii nahmei kangkiigo ngoukalu kito Inii hangkapii ntale.

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

PHILIMON 1:4

Kangsanapii Philemon, Inii kariita tatei Inii n-go maningsii gu Saraa go Inii hakalang tei pyiile.

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

1 PITAR 4:17

Kadapokii Samtak tiihao tang karam tinglang tei gongtakle, satei- chii Saraamah mei sek gotei samtak tiirei tangle. Samtak tei nyiidato tiihao takleponii, Saraamah kabi rasamgo malum kasumei mah kamaswi teinii kadapei tangpo?

1 PITAR 3:1

Tei takumpii gonyii noumei, gonyii naamei kang nkanglo, katunii, kadapokii ahnyii kak kito mei kata hangninanii Saraa samtam tei malum suleponii,

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

HEBRUMEI 11:8

Kamalum jangpii Abrahamnii, mpougo lat katu tinglang kak, mahtou toutang karam mei hangninii takumpii, mpounii doutang karam sazyiiki katang tei tatpat tang karam jangpii katam tei swiwo takle; sateichii mpounii kadaki tat tangpo katu tisupiinii tatpat takle.

1 THESOLONIKAMEI 3:9

Kadapokii nyiinii gonyii ju ngoutang karam jangpii sateichii gonyiimah kamalum tang kasu hangtei pyii matutang karam jangpii, tinghum tingna nyii lungswi matum madumpii nyiinii khangsii,

IPISAMEI 1:16

Gonyii jangpii Inii Saraago hakalang katam tei ntak makle. Gumah kariita hang kito Inii gonyiigo maningsii leile.

1 KORENMEI 1:4

Krista Jisu paikito gonyii dakii pyii kabam Saraamah jumage kapyii jangteipii Inii gonyii jangpii tinglang kaleita Saraago hakalang tamsii leile;

ROMMEI 1:5

Mpou paito nyiinii mpou zei jangpii lui hang kak kito kamalum mah katam switang karam kalungset tei doutakle sateichii tiilamlwi kapyiimei mah bam tei doutakle,

ROMMEI 2:8

Sateichii mei kangkanii mpou jangpii roinii fiisii kasang kamajyii gotei mazhii supii kama tai swi kanyiimei gotei Sa- raanii ahnyii phyiiryiikii mpoumah rakarhii ninado ngou kahing tei rui mpat tangle.

TIILAMLWI KAPYIIMEI THA JUKAMATI 28:15

Teiki teito kangsanamei teinii nyii mah tingha tei shii wosek-kii, Appiyas mah salikijang sateichii siisang karhiiki hangtum sii kalat bamki katang tei nyiigo doutang karam jangpii gongtakle, Polnii ahnyiigo ngou wosek-kii, Saraago tam matoisii lungdi takle.

1 KORENMEI 14:6

Aitoinii kangsanamei, Inii lat katham katham tamsii gonyiida gong leponii, mati mangoukapyii, mak-kii swirek kati, mak-kii Saraa sam tam ka-mpat, mak-kii ralikapyii cheng- niikii ai Inii gonyiida poigong kasu- tanii kada takumpiinii Inii gonyiigo kabi tei pyiiwo tangpo?