ROMMEI 6:13 - KARANU KABI SAMTAM

¹³ sateichii gonyii gonyiimah pum pot, njaihang tei kashyii kahong mah beitui takumpii kem kikii pyii aisulo; nlenii gonyiimah pumsek tei katai kito pang nlaigong kapyiimei takumpii, sateichii gonyiimah pumpot mah njai hangtei kasang kamajyii mah beitui takumpiinii pyiilo.

ROMMEI 6:13 Referans Kwoze

ROMMEI 12:1

Teijangpiinii, he kangsanamei, gonyiinii gonyii pum hang go karing, kamatei sateichii Saraago tiikaranga kakarat pot hangninii takumpii pyiitoi matu tang karam jangpii, Inii Saraa mah lungset kati mah paito gonyiigo khang leile; ai ai gonyii mah rangii mah kamata teile,

ROMMEI 6:16

Kataini majang- tatsii kalei kem mah kado, mak-kii kasang kamajyiini majangtatsii kalei, katam kaswimah kado, katam switang karam jangpii gonyii pumsekpiinii, kabangnah takumpii pyii ai kalei kak, gonyii ai gonyiinii katam swi kalei hangninii mah kabangnah kasang takle katu tei gonyiinii timakde?

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

ROMMEI 7:5

Nyiinii pum zai lamto lung kalei tinglang kak, ajaitingshang teinii tiimarak kapyii nyii pum nyii zainii kamarei ka-nta hangtei nyiipum pot mah njaihang kito, katai mah ati-mati matutang karam jangpii atha tiisii bamle.

1 PITAR 4:2

teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.

KOLOSIMEI 2:13

Sateichii kama ninado gonyiimah pumzai kito tiigyii malem kasu hang kito tai kaleimei gonyiigo nyiimah kakui kama hangtei magapyiisii mpougo kaswisii, Saraanii tiimaring pyiile.

1 KORENMEI 6:20

Kadaponii gonyiigo mai pyiisii lyii wotakle, teijangpiinii gonyii pum lungto gonyiinii Saraago tam matoilo.

1 JON 1:9

Nyiinii nyiimah kem tei tam mpat leponii, nyiimah kem hang kaleipyii tang karam ninado nyiimah tiikama hang kito nyiigo tiimateipyii tang karam jangpii, mpounii malum kabui ninado kasangle.

1 KORENMEI 6:15

Gonyii pumpot tei Krista mah njaile katu gonyii timakpo? Teitii leponii Krista mah pumpot njai tei poi mpatsii sapwimei sapfiimei kashyii kahong tha katii mah pumpot njai tiimalei tangpo? Teisang teimakle.

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

PILIPIMEI 1:20

Inii samah kado nroulakle, nlenii ting- lang kaleita lungdisii kalei takumpii aitoido Inii ringkado taikado, gu pum kito Kristago tam matoi tangle katu ai ai gumah saryiisii koikalei ninado maning kamalum teile.

1 KORENMEI 6:9

Kasang kamajyii tha tiikasumei teinii Saraamah sating sazyii doulakle katu gonyii timakpo? Maningma sulo; kashyii kahong tha katii mak-kii, tingtugo kamata, mak-kii mashung kamaha, mak-kii pwimei pfiimei meijai tiikasu,

ROMMEI 6:19

Gonyii pum pot kasui jangpiinii meinah mah tingshang rali kito Inii gonyii go tamleile, kadaponii ting- lang hangniniiki gonyiinii gonyiimah pumpot njai hangtei matei kasu kikii, sateichii kisii kem kikii pyii kalei takumpiinii, aitoinii gonyii mah pumpot njai hangtei tiimatei tang karam jangpii kasang kamajyii kikii pyii ailo.

2 KORENMEI 10:4

Kadapokii nyiimah saryii baitui hangteinii pumzaimah makle, nlenii saryii kateibam hang go tiimashyii kabui kamatei pumtei tei leile.

ROMMEI 6:11

Teijangpiinii gonyiido gonyii roinapiinii kem lamto taitakle, nlenii Saraa lamto Krista Jisu dato ring leilesii maning tang karamle.

IPISAMEI 5:14

Teijangpii aitiisii tamle, “Gungkhii wolo; O, ziitsii kalei nang, sateichii katai kiteito ringkhii wolo, sateichii Kristanii go phyiiryiito vapyii tangle.”

2 KORENMEI 8:5

Teiteinii nyiinii maning malum kabui sungdo kile! Karei kito ahnyiinii ahnyii roinapii Bangpii dakii pyiile; sateichii tei taito Saraa mah kamaning kamarei kito ahnyiinii ahnyii roinapii nyii dakiido pyiitakle.

2 KORENMEI 5:15

Sateichii ringkalei mei- hangnii ahnyii jangpiinii ringloi supiinii, ahnyii jangpii taisii ringkhii kapyii ah jangpiinii ringtang karam jangpii, mpounii meihang jangpii taipyii takle.

ROMMEI 7:23

nlenii gupumpot mah njaihang kito kalei gulungswinii maziipyii kalei ajaitingshang gotei, sateichii gupumpot mah njaihang kito kalei kem mah ajaitingshang mah maring- pouchyiimei tiimatu tang karam jangpii ajaitingshang kakinii saryii tiisii kalei tei Inii ngoule.

LUKNII KARYII KABI RASAM JUKAMATI 15:32

Nyiinii nta nlang kajyiile, kadapochiinii ai, go taikarhiipii ainii katai kito ring takle; sateichii maga kalei kito douwo takle.’ ”

JEMS 4:1

Gonyii kak kito satii saryii ninado n-gi razyii hang ai kada kito patpo? Gonyii pumpotmah njai hang kito saryii tiisii kalei gonyiimah kamarei ka-ntha hang kito makpo?

ROMMEI 1:29

Ahnyii teinii kashyii kahong, ajaitingshang kashyii, lukanyii, kamaimhii, kama- lung piinii katokryii, meigo kagi, n-girazyiipii, kachuipii, kakaloupii, kasampeipii.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

LUKNII KARYII KABI RASAM JUKAMATI 15:24

Kadapochiinii gunah sapfii mpou ai tai kalei kito ringloi takle,’ sateichii ahnyiinii nta nlangtu takle.

2 THESOLONIKAMEI 2:12

sateichii ahnyiinii kasang kasu gotei malum matu tang karam jangpii Saraanii ahnyii phyii- ryiikii kama mah katei teimaham tei ahnyiikak kito tha tiimatu tang karam jangpii lang magongle.

2 KORENMEI 5:14

Kadapokii Kristamah lungkasyii teipii nyiigo apum tiiwo takle; da- ponii nyiinii aitiisii malum wotakle katunii, meihang jangpii hangninanii taipyii takle, teipiinii hang ai taitakle.

2 TIMOTHI 2:15

Kasang mah samtei tiigatpii jum majyiisii kalei nroutang karam kaang kaga tha katiimei, Saraanii lukai kalumei hangninii tiisii gopum Saraa dakii pyiitang karam tei mahunglo.