ROMMEI 5:6 - KARANU KABI SAMTAM

⁶ Kadaponii nyiinii suisii kalei tinglang kak Saraanii, Saraago tika- sumei jangpii taipyii takle.

ROMMEI 5:6 Referans Kwoze

ROMMEI 5:8

Nlenii nyiinii kem tiisii tiisii leibangpii Kristanii nyii jangpii taikapyii teipii Saraanii nyiijangpii mpoumah lungkasyii tei mangou pyiitakle.

KOLOSIMEI 2:13

Sateichii kama ninado gonyiimah pumzai kito tiigyii malem kasu hang kito tai kaleimei gonyiigo nyiimah kakui kama hangtei magapyiisii mpougo kaswisii, Saraanii tiimaring pyiile.

ROMMEI 5:10

Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

ROMMEI 4:25

Jisu go nyii kem jangpii gitoi takle, sateichii nyiigo tiimajyii pyii tang karam jangpii tiimaring pyii takle.

TAITAS 2:12

Nyiinii Saraa maning kasu ninado sazyii pouryii mah kamarei ka-ntha tei haisupii, lungswi jum matwisii, kanat bisii, sateichii Saraa maningsii aitoimah sazyii pouryii aito lungtang karam jumage kapyii ainii nyiigo ralipyiisii leile.

ROMMEI 4:5

Sateichii atha tiikasupii nlenii Saraago tikasu meigo tiimajyii kapyii mpougo kamalumpii mah kamalum teinii kasang kamajyiilesii lukai pyiitakle.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

1 TIMOTHI 1:9

Nlenii ajaitingshang ai mei jangpii tiimakle, nlenii ajaitingshang tiika- pakmei sateichii katam swikasumei, Saraago tikasumei, kem kamamei, matei kasumei, sateichii tiikama- hongmei jangpii, pwi pfiigo kagimei, meigo kagi kabamei,

1 THESOLONIKAMEI 5:9

Kadapokii Saraanii nyiigo rakarhii tei doumatu tang karam jangpii kalai makle, nlenii nyii Bangpii Jisu Kristamah paikito keikapyii karing tei doumatu tang karam jangpii kalaiwo takle.

1 PITAR 1:20

Sazyii pouryii tii mpat kasunato Saraanii mpougo kalaiwo takle, nlenii kalui tinglang kinii gonyii jangpii mangoupyiile.

JUD DATO KAGONG CHITI JUKAMATI 1:4

Ka- dapokii Saraa haikasu mei kangkii makumpii gonyii kak ki liitto takle, mei aimeinii doutang karam kaset kalak teinii kabi rasam kikii ndouto reipii tambam takle. Ahnyiimah tingshangrali kashyii gotei gomnei tang karam jangpii mei aimeinii Sa- raamah jumage kapyiimah samtam gotei jumle, sateichii Jisu Krista ai nyiimah pumpiile ninado Bangpiile katu tei ahnyiinii mazhii makle.

JUD DATO KAGONG CHITI JUKAMATI 1:15

Ai hang phyiiryiikii samtak tiitang karam jangpii sateichii Saraa haikasumei hang go Saraa haisupii tiikalei Saraa haikasu tha hanglyiimah kaang kito sateichii Saraa haikasu kem kama- meinii mpou phyiiryiikii tam kalei sam hangmah kaang kito tiikamage tang karam jangpii mpounii gong tangle.”

2 PITAR 3:7

Nlenii samtak katiimah ninado Saraa haikasumei hang go tiikamaga mah leimik tei gong kasuta, njoi katu kakhatsam teinii aitoi kalei sating ninado sazyii pouryiigo mipii rutang karam jangpii jumatousii kaibam takle.

ROMMEI 11:26

Sateichii ai takumpiinii Isrelmei hang go keipyii tangle, ryii kabam aitakumpii: “Kaleikapyiipii teinii Siyon kito gong tangle, mpounii Jakob taa nahmei mah kakui kama hangtei poitoipyii tangle.”

JUD DATO KAGONG CHITI JUKAMATI 1:18

katunii, “Kana tinglangki ahnyiimah Saraa haikasu pumzainii kamarei ka-ntha-tai tei swisii kalei hoksii kanuimei leitang lesii.” Ahnyiinii gonyii dakii tambamle.

ROMMEI 5:7

Kada- ponii kasang kamajyiimei hangninii jangpii mei kata hangninanii taipyii tang karam ai hungle, Amei kabimei hangninii jangpiiniido mei hangni- nanii taipyii tang karam ai hing tangle.

ROMMEI 8:32

Mpou nah sapfii mpougodo masak supiinii nyii jangpii pyiitoi kalei mpou teinii meinah sapfii mpou gotei kaswisii mahlyii hangdo nyii dakii kada takumpiinii pyiilak tangpo?

ROMMEI 8:34

Tanii tam mashyii tangpo? Taikapyii satei- chii teipyiiryiito katai kito ringkhiisii Saraamah bah ajiilamto bamsii nyiihang jangpii riita khangpyiisii kalei krista Jisu teipo?

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

HEBRUMEI 8:3

Kadapokii kanat kajum tingdi- mei hang gotei kapyii ninado kouring karat matu tang karam jangpii bam kaipyii bamle; teijangpii kanat kajum tingdipii ainiido mah pyiitoi tang karam tei bam tang karamle.