ROMMEI 5:21 - KARANU KABI SAMTAM

²¹ Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

ROMMEI 5:21 Referans Kwoze

TAITAS 2:11

Kadapokii meihangmah keika- pyii karing jangpii Saraamah jumage kapyii tei gongpyii takle.

ROMMEI 5:14

Nlenii Adam sekto Moses mah tinglang ka- tangtei katai teinii sagong takumpii magongsii leile. Adamnii kakhatsam tiipak kalei gotei njoisii kem tiika- sumei pyiiryiikii dole; Adam ainii gongtang karampii mah ajaitalui teile.

ROMMEI 8:10

Nlenii Kristanii gonyii dato lei lepochiinii kem jangpiinii gonyii pum tei tai kido gonyii rangii tei kasang kamajyii jangpii ring leile.

ROMMEI 6:23

Kada- pokii kem mah katiimai teinii kataile, nlenii nyii Bangpii Krista Jisu zei kito Saraanii matapii kapyii luha teinii kalui kaga karing tiilung teile.

ROMMEI 6:14

Kadapokii kem teinii gonyii pyiiryiito apum tiilakle, dapochiinii gonyiinii ajaitingshang Kang nkang- sii bam makle, nlenii jumage kapyii kangto bamle.

ROMMEI 5:12

Teijangpiinii mei hangninii jangpii kem, sateichii kem jangpiinii katai tei sazyii pouryii gongtakle, sateichii katai tei meihangda gong- takle. Kadapokii meihang ai kem pungleile.

ROMMEI 5:17

Kadaponii mei hangninii mah kem jangpii katai teinii, tei mei hangninii jangpii sagong takumpii magongsii lungleponii, jumage kapyii katokryii sateichii matapii kapyii kasang kamajyii tei doukalumei hangnii mei hangninii katunii, Jisu Krista jangpii tiilung kito Kisii disii sagong takumpii lung tangle.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

ROMMEI 6:16

Kataini majang- tatsii kalei kem mah kado, mak-kii kasang kamajyiini majangtatsii kalei, katam kaswimah kado, katam switang karam jangpii gonyii pumsekpiinii, kabangnah takumpii pyii ai kalei kak, gonyii ai gonyiinii katam swi kalei hangninii mah kabangnah kasang takle katu tei gonyiinii timakde?

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

HEBRUMEI 4:16

Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.

ROMMEI 4:13

Kadaponii Abraham sateichii mpoutaa mpounahmeigo sazyii pouryii ai ahnyiinii mahtou toutang lesii riishii tiikapyii tei ajaitingshang paito gongmakle, nlenii kamalum mah kasang kamajyii paito gongle.

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

ROMMEI 6:12

Teijangpiinii gonyiinii kem mah kamarei tei swilak tang karam jangpii, gakabui gonyii pumgo kem teinii sagong takumpii magong matu sulo;

METIU 25:46

Sateichii ahnyii hang ainii kalui kaga kamage kalak nitei tat tang takle, nlenii kasang kamajyiimei hang teinii kalui kaga karing nitei tat tang takle.”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.