ROMMEI 4:6 - KARANU KABI SAMTAM

⁶ Atha haisupiinii Saraanii kasang kama- jyiilesii lukai kapyiimei tei sadoi bile, Devit sekpiiniido katam ai takumle.

ROMMEI 4:6 Referans Kwoze

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

IPISAMEI 1:3

Nyii Bangpii Jisu Kristamah Saraa ninado pfii gotei tam matoileje! Kadapokii nyiinii Kristago nja kalu kito mpounii sating gam sazyii hang kito nyiigo rangiimah satoi pyiisii kalei teipii mpounii nyiigo satoi pyiibam takle.

GALATIMEI 3:14

Teipiinii Krista Jisu paito Abraham dakii Saraanii satoi pyiitanglesii riishii tiikabam tei Jehudimei kasu luikakimei hang dakii gong matu tang karam jangpii, sateichii nyiinii kamalum paito ra- ngiimah rashii tiikabam tei doutang karam jangpiile.

ROMMEI 4:11

Atainii mpougo tiigyii kamalem sateichii mpoumah tiigyii kamalem teinii, mpoumah kamalum jangpii mpougo tiigyii malem kasu- nato Saraanii kasang kamajyiipii lesii lukai kapyii mah tiikamangou siiti hangninii tiisii mangoule. Teijangpii tiigyii malem kasunato Saraa go ka- malum mei sateichii mpounii kasang kamajyii meilesii lukai kalumei hang mah Apfii tei mpougo tiimatu tang karam jangpiile:

ROMMEI 1:17

Kada- ponii aikikii kamalum kito kamalum jangpii Saraa mah kasang kamajyii tei mangoupyii takle, aitiisii ryii kabam takumpiinii “Kasang kamajyii meinii kamalum kito ringtangle.”

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

GALATIMEI 4:15

Gonyiinii hangkapii ka-ntatei kada takumpii tutakpo? Gonyiinii gonyiimah mik katangdo lat mpat tobui leponii, lat mpat tosii gonyii mah mik katangdo n-gu pyii kabui takumpii leilesii Inii tam wobuile.

ROMMEI 4:24

Nlenii nyii Bangpii Jisugo katai kito tiimaring kapyiipiigo kamalum meihang, kasang kamajyii meilesii lukai pyii tang karam nyiimei hang jangpiiniido ryiibamle.

ROMMEI 4:9

Satoi ai tiigyii malem kalei mei jangpii roiniipo, mak-kii tiigyii malem kasumei pyiiryii kiidopo? Kadaponii nyiinii tamle, Abraham go mpoumah kamalum tei kasang kamajyii lesii lukai pyiitakle.

ROMMEI 3:27

Teitii leponii nyiinii detdi kabui kaang kadapei leipo? Samah kado gale, sateichii ai ai kadapei kaang jangpiiniipo? Nyiinii ajaitingshangnii katam kaswi jangpiipo? Makle, nlenii nyiinii kamalum jangpiiniile.

METIU 25:19

“Aitoinii tinglang kathangkii soukalei-taito kikaleimeimah apum- pii teinii gong ahnyiigo kaswisii ajhii mashak takle.

ROMMEI 4:5

Sateichii atha tiikasupii nlenii Saraago tikasu meigo tiimajyii kapyii mpougo kamalumpii mah kamalum teinii kasang kamajyiilesii lukai pyiitakle.

ROMMEI 4:7

“Ahnyii mah kakui kama maga kapyii sateichii ahnyii mah kem gom kabai kapyii ahnyii tei sadoi bile;

JEMS 2:18

Nlenii mei kangkanii tam tangle, “Nangnii kamalum leile satei- chii Inii tha leile,” tha kito gomah kamalum tei taamsii gudakii mangoulo, sateichii Inii gumah tha teipiinii gumah kamalum tei godakii mangoule.