ROMMEI 4:5 - KARANU KABI SAMTAM

⁵ Sateichii atha tiikasupii nlenii Saraago tikasu meigo tiimajyii kapyii mpougo kamalumpii mah kamalum teinii kasang kamajyiilesii lukai pyiitakle.

ROMMEI 4:5 Referans Kwoze

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

ROMMEI 3:22

Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

ROMMEI 10:3

Kadapokii Saraa dato kagong kasang kamajyii gotei tisupii mpou mpoumah pwidi fiikalei taiswisii ahnyiinii Saraamah kasang kamajyii kangtei nkang makle.

ROMMEI 4:24

Nlenii nyii Bangpii Jisugo katai kito tiimaring kapyiipiigo kamalum meihang, kasang kamajyii meilesii lukai pyii tang karam nyiimei hang jangpiiniido ryiibamle.

ROMMEI 4:3

Kabi rasam kito tamle, “Abrahamnii Saraago ma- lumle, sateichii mpoumah kamalum jangpii Saraanii mpougo kasang kamajyiipii lesii lukai pyiile.”

JONNII KARYII KABI RASAM JUKAMATI 6:29

Jisunii ahnyii dakii khekalatle, “Mpounii lang magong kabam ahgo gonyiinii kamalum katu ai Saraanii kamarei tha teile.”

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

MARK 9:23

Teito Jisunii mpougo tamle, “Tiibuichiinii, katutei! Kamalum kalei ah jangpiinii mahlyii hangtei tiiwobuile.”

ROMMEI 4:6

Atha haisupiinii Saraanii kasang kama- jyiilesii lukai kapyiimei tei sadoi bile, Devit sekpiiniido katam ai takumle.