ROMMEI 4:16 - KARANU KABI SAMTAM

¹⁶ Teijangpiinii kamalum tai swile, kadapokii riishii tiikabam tei lungsyii kati kito gong tang karam jangpii sateichii mpoutaa mpounah meihang dakii madousupii pyiitang karam jangpii ajaitingshang tai kaswi meigo roina makle, nlenii Abraham mah kamalum njai poihaisii kalei meigodo pyiitang karam jangpiile, kadapokii mpounii nyiihang mah rangii mah Apfii teile.

ROMMEI 4:16 Referans Kwoze

IPISAMEI 2:8

Kadapokii kamalum paikito Saraamah jumage kapyii teipii gonyiigo keipyii takle. Teiteinii gonyiinii mahungsii tha katiihang kito doukalu mah makle, nlenii Saraanii kapyii luhale, teijangpii tei kaang kito meikaniido detdi wolakle.

GALATIMEI 3:22

Nlenii kabi rasam kito katamnii, sazyii pouryii mpum madum ai kem mah teimaham kangto leile, Teijangpii Jisu Kristago kamalum meihang go pyiitang lesii riishii tiikabam luha teinii malum katu meihang go pyiile.

ROMMEI 9:8

Ainii tam katunii pum zai mah nahmei teinii Saraa mah nahmei makle, nlenii riishii tiipyii kabam nahmei gotei kasang taa nahmai lesii poileile.

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

ROMMEI 15:8

Kadaponii Inii tam leile, peipaomei dakii riishii tiipyii kabam hangtei gongmatwi matu tang karam jangpii sateichii luikakimei hangnii mpoumah lungkasyii jangpii Saraa go tam matoi matutang karam jangpii,

ROMMEI 5:1

Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.

2 PITAR 1:10

Teijangpiinii kangsanamei, go- nyiigo lat kapyii ninado kalai kapyii tei katika tang karam jangpii kisii teibuisii tha tiilo, kadapokii gonyiinii tei tiileponii, gonyiinii madou kado kousang koulakle.

ROMMEI 4:11

Atainii mpougo tiigyii kamalem sateichii mpoumah tiigyii kamalem teinii, mpoumah kamalum jangpii mpougo tiigyii malem kasu- nato Saraanii kasang kamajyiipii lesii lukai kapyii mah tiikamangou siiti hangninii tiisii mangoule. Teijangpii tiigyii malem kasunato Saraa go ka- malum mei sateichii mpounii kasang kamajyii meilesii lukai kalumei hang mah Apfii tei mpougo tiimatu tang karam jangpiile:

LUKNII KARYII KABI RASAM JUKAMATI 19:9

Teito Jisunii mpou dakii tamle, “Ki aiki ai tingnei leimik kaleikapyii kasaga tei gong takle, kadapochiinii mpoudo Abraham nah sapfiimei hangniniile.

ROMMEI 3:22

Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

ROMMEI 3:30

Saraanii hangniniile, tei taiswisii tiigyii malem kaleimeigo ahnyii mah kamalum kito sateichii tiigyii malem kasumeigo ahnyii mah kamalum paikito mpounii tiimajyii pyiitangle.

GALATIMEI 3:14

Teipiinii Krista Jisu paito Abraham dakii Saraanii satoi pyiitanglesii riishii tiikabam tei Jehudimei kasu luikakimei hang dakii gong matu tang karam jangpii, sateichii nyiinii kamalum paito ra- ngiimah rashii tiikabam tei doutang karam jangpiile.

GALATIMEI 3:16

Riishii tei Abraham dakii ninado mpounah mpou taamei dakii tiibamle, Mpounii meimoigo katam takumpii, “Gotaa gonahmei hang dakii” sii tam makle. Nlenii mei hangninii kaang kito tam kalei takumpiinii, Gotaa gonah dakiisii tamle, taa nahtei Krista teile.