ROMMEI 4:11 - KARANU KABI SAMTAM

¹¹ Atainii mpougo tiigyii kamalem sateichii mpoumah tiigyii kamalem teinii, mpoumah kamalum jangpii mpougo tiigyii malem kasu- nato Saraanii kasang kamajyiipii lesii lukai kapyii mah tiikamangou siiti hangninii tiisii mangoule. Teijangpii tiigyii malem kasunato Saraa go ka- malum mei sateichii mpounii kasang kamajyii meilesii lukai kalumei hang mah Apfii tei mpougo tiimatu tang karam jangpiile:

ROMMEI 4:11 Referans Kwoze

ROMMEI 3:22

Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

LUKNII KARYII KABI RASAM JUKAMATI 19:9

Teito Jisunii mpou dakii tamle, “Ki aiki ai tingnei leimik kaleikapyii kasaga tei gong takle, kadapochiinii mpoudo Abraham nah sapfiimei hangniniile.

HEBRUMEI 11:7

Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

2 KORENMEI 1:22

mpounii nyii phyiiryiikii apum katii mah siiti tei kaipyiibam takle, sateichii mpounii nyii jangpii poi ndwi kabam hangtei soisupii pyii mashang tang karam mah kamazhii ai hangninii takumpii, mpounii mpoumah rangii kamatei tei nyiilung kikii pyiibam takle.

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

IPISAMEI 4:30

Sa- teichii Saraamah rangii kamatei gotei swi tiimashyii sulo; kadapokii Saraanii gonyiigo matapii laat ka-mpat leimik tei gong tangle katu mah soisang soikalak, gonyii phyii- ryiito apum tiisii kalei Saraamah siiti tei rangiile.

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

GALATIMEI 6:16

Ajai aipii tat kaleimei hang phyiiryii sateichii Saraamah Isrel dakii kamajung ninado lungsyii kapyii tei matulo.

GALATIMEI 5:5

Kadapokii nyiinii rangii paito kamalumpii kasang kamajyii mah maning kamalum jangpii koileile.

GALATIMEI 3:29

Sateichii gonyii ai Kristamah leponii gonyiinii Abraham taa, nahmei, riishii tiikabam taiswisii mahtou toutang karam mei teile.

GALATIMEI 3:22

Nlenii kabi rasam kito katamnii, sazyii pouryii mpum madum ai kem mah teimaham kangto leile, Teijangpii Jisu Kristago kamalum meihang go pyiitang lesii riishii tiikabam luha teinii malum katu meihang go pyiile.

GALATIMEI 3:7

Tei- tiileponii, Abraham mah kasang ataa anah meihang teinii kamalum mei hangteile katu tei gonyiinii tiwolo.

ROMMEI 10:11

Kadaponii kabi rasam kito tamle, “Mpougo kamalum meihang go tii nrou lakle.”

ROMMEI 10:6

Nlenii kamalum taiswisii kapat kasang kamajyii teinii aitiisii tamle: “Tanii sating gam khiitangpo?” Sii gonyii lung kito tam sulo, tei teinii Kristago poisanale,

ROMMEI 10:4

Kadapo- chiinii Kristanii kamalum mei hang go tiimajyii pyiitang karam ajai- tingshang mah kalui teile.

JONNII KARYII KABI RASAM JUKAMATI 6:35

Jisunii ahnyii dakii tamle, “Karing mah tiirok tei I-le, guda kagongmei hangteinii moi mazyii- lakle, sateichii n-gu kamalum mei hangteinii saryiisang saryiiloi lakle.

MATIMANGOU KAPYII 9:4

Sateichii ahnyiimah saiphang gam teikii Saraamah seal kagamei hang go teipou teinii sazyii pouryiimah sanhii mak-kii ruibang mak-kii bang kamadek kata hang- ninii kagodo ahnyiinii tiimashyii sulosii ahnyii dakii tampyii takle.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

ROMMEI 9:30

Teitii leponii nyiinii kadapei tam tangpo? Kasang kamajyii fiikasu luikakimei hangteinii kasang ka- majyii katunii, kamalum kito kasang kamajyii tei doutakle;

ROMMEI 9:6

Nlenii Saraamah samtam tei samah kado kasu takum tutakle, katu mamakle, kadapokii Isrelmei dato lung kahum ahnyii hangtei Isrelmei makle.

JONNII KARYII KABI RASAM JUKAMATI 8:33

Ahnyiinii mpougo khekalatle, “Nyiinii Abraham mah taa nahmeile sateichii mei kaniido kikaleimei tiisang tiiju makle, ‘gonyiigo laat mpatpyii tangle’ sii nangnii kada takumpii tam leipo?”

JONNII KARYII KABI RASAM JUKAMATI 6:47

Kasangpii Inii gonyii dakii tam leile, malumsii kaleimei hangteinii kalui kaga karingtei doutakle.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

METIU 16:16

Simon Pitarnii khekalatle, “Nang karing Saraanah sapfii mpou teile.”

METIU 8:11

Inii gonyii dakii tamleile, leimik kapat lamto sateichii leimik kaliit lamto mei hangkii gongsii Abraham, Isak ninado Jakob go kaswisii takbai kitei bam tangle sating gam sazyii kito;

ROMMEI 9:33

aitiisii ryii kabam takumpiinii, “Julo Sijon kikii pi pasui tang karam kuitu ninado ahnyiigo tiikou tang karam kuitu kadi Inii kaibamle, sateichii mpougo kamalum mei gotei nrou matu lakle.”

JONNII KARYII KABI RASAM JUKAMATI 3:33

Mpoumah sakchyii lukai kalu ah teinii Saraa ai kasangle sii seal namkai aitakle.

ROMMEI 3:30

Saraanii hangniniile, tei taiswisii tiigyii malem kaleimeigo ahnyii mah kamalum kito sateichii tiigyii malem kasumeigo ahnyii mah kamalum paikito mpounii tiimajyii pyiitangle.

ROMMEI 4:10

Teitiileponii kada takumpii tei- tei mpougo lukai pyiitakpo? Mpougo tiigyii malem kasu doito takmanii mak-kii atainiipo? tiigyii malem kaleitainii makle, nlenii mpougo tiigyii malem kasu douto takle.