ROMMEI 3:30 - KARANU KABI SAMTAM

³⁰ Saraanii hangniniile, tei taiswisii tiigyii malem kaleimeigo ahnyii mah kamalum kito sateichii tiigyii malem kasumeigo ahnyii mah kamalum paikito mpounii tiimajyii pyiitangle.

ROMMEI 3:30 Referans Kwoze

GALATIMEI 3:8

Sateichii Saraanii luikakimei hang go kamalum teipiinii tiimajyii tii- matuipyii tangle katu tei reipii ngou wosii; Abraham dakii kabi rasam tei aitiisii tam ralipyiisii tamle, “Godato luihang go satoi pyii tangle.”

GALATIMEI 3:20

Aitoinii akakto katat hangninii teinii matikapyii tei hangninii sung kile, nlenii Saraanii hangniniile.

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

ROMMEI 3:28

Kadaponii ajaitingshang mah atha tei haisupiinii mei hangniniigo tiimajyii pyiilesii nyiinii malumle.

ROMMEI 2:26

Teijangpiinii tiigyii malem kasumeinii ajaiting- shang kito katam tei tiisii ryiisii leileponii mpoumah tiigyii malem kasu tei tiigyii malem kalei takumpii poilakpo?

ROMMEI 2:27

Sateichii tiigyii malem kasumeinii ajaitingshang tei tiima- sangsii leileponii larek kikii ryii kabam ajaitingshang sateichii tiigyii malem kalei tei godato leikido ajaitingshang go tiipaksii kalei n-go mpounii samtak tiilakpo?

ROMMEI 3:22

Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

ROMMEI 4:9

Satoi ai tiigyii malem kalei mei jangpii roiniipo, mak-kii tiigyii malem kasumei pyiiryii kiidopo? Kadaponii nyiinii tamle, Abraham go mpoumah kamalum tei kasang kamajyii lesii lukai pyiitakle.

ROMMEI 4:16

Teijangpiinii kamalum tai swile, kadapokii riishii tiikabam tei lungsyii kati kito gong tang karam jangpii sateichii mpoutaa mpounah meihang dakii madousupii pyiitang karam jangpii ajaitingshang tai kaswi meigo roina makle, nlenii Abraham mah kamalum njai poihaisii kalei meigodo pyiitang karam jangpiile, kadapokii mpounii nyiihang mah rangii mah Apfii teile.

1 TIMOTHI 2:5

Kadapokii Saraa hangninii leile sateichii Saraa ninado meinahgo poigong nja kapyii hangniniido leile;