ROMMEI 3:28 - KARANU KABI SAMTAM

²⁸ Kadaponii ajaitingshang mah atha tei haisupiinii mei hangniniigo tiimajyii pyiilesii nyiinii malumle.

ROMMEI 3:28 Referans Kwoze

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

GALATIMEI 2:16

teitii kido, meinah aigo ajaitingshang mah tha hang ryiikalu jangpiinii tiimajyii pyii makle, nlenii Jisu Kristago kamalum paikito tiimajyii pyiile katu tei tisii, nyiigo ajaitingshang mah tha hangtei ryiikalu jangpii supiinii, Kristago kamalum jangpii, tiimajyiipyii matu- tang karam jangpii nyii sek piiniido Krista Jisugo malum wotakle; dapokii ajaitingshang mah tha hang ryiikalu jangpii meigo kado tiimajyii kapyii gale.

GALATIMEI 3:24

Teipiinii kamalum paikito nyiigo tiimajyii pyiimatu tang karam jangpii Kristanii gong kasuta katang tei, ajaitingshang teinii nyiigo kaswisii majang tatpyiile.

GALATIMEI 3:8

Sateichii Saraanii luikakimei hang go kamalum teipiinii tiimajyii tii- matuipyii tangle katu tei reipii ngou wosii; Abraham dakii kabi rasam tei aitiisii tam ralipyiisii tamle, “Godato luihang go satoi pyii tangle.”

JEMS 2:24

Tha teinii meigo tiimatui tiimajyiipyiile sateichii kamalum roinii piinii makle katu gonyiinii ngoule.

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

ROMMEI 4:5

Sateichii atha tiikasupii nlenii Saraago tikasu meigo tiimajyii kapyii mpougo kamalumpii mah kamalum teinii kasang kamajyiilesii lukai pyiitakle.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

ROMMEI 5:1

Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

JEMS 2:18

Nlenii mei kangkanii tam tangle, “Nangnii kamalum leile satei- chii Inii tha leile,” tha kito gomah kamalum tei taamsii gudakii mangoulo, sateichii Inii gumah tha teipiinii gumah kamalum tei godakii mangoule.

JEMS 2:20

Kapangmei gonyii, tha haisupii kamalum ai kataile katu gonyiigo tiimangou lopo?