ROMMEI 3:25 - KARANU KABI SAMTAM

^25-26 Saraanii Ahgo pyiile, kadaponii kamalum paikito meinah mah kem tei mpounii karatsii taikapyii teipii meinah mah kem tei tiimateipyii matu tang karam jangpii Saraanii ai tiipyiile, mpoumah kasang kamajyii tei tiimangou tang karam jangpii. Tinglang kareiki mpoumah leh kati teipii meinah mah kem hangtei fiiseisu takle, nlenii aitoi tinglang kinii mpounii ahnyii mah kem hangtei fiisii leile, mpoumah kasang kamajyii tei tiimangou tang karam jangpii. Aitiisii Saraanii mpousek ai kasang kamajyiile sateichii mpounii Jisugo kamalum meihang go tiimajyii pyiile katu tei mangoule.

ROMMEI 3:25 Referans Kwoze

1 JON 4:10

Lungkasyii ai ailung kito leile, katunii, nyiinii Sa- raago lungsyii takle katu mah makle, nlenii Saraanii nyiigo lungsyii pyiisii mpounah sapfii mpou gotei nyii kem jangpiinii pow ruimatu tang karam jangpii m-mangpyii takle.

1 JON 2:2

Sateichii mpou ai nyii kem jangpii pow ruipyii tang karam teile, nyii kem jangpii roinii makle, nlenii sazyii pouryii kem hang jangpiidole.

ROMMEI 5:9

Teijangpii toinii mpou zai teipiinii nyiigo tiimajyii pyii takle; mpounii kisii nyiigo Saraa mah rakarhii kito keipyii tangle.

TIILAMLWI KAPYIIMEI THA JUKAMATI 17:30

Teijangpii tikasu tinglang gotei Saraanii ju majupyii takle, nlenii aitoinii bamlyii hang kito meihangnii lung kali matutang karam jangpii mpounii mwija pyii leile.

HEBRUMEI 10:4

Kadapokii twom madangmah ninado Amyiinah mah zai teipiinii kem tei poisang poitoipei wolakle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

HEBRUMEI 11:7

Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

ROMMEI 5:1

Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

HEBRUMEI 11:14

Kadapokii aitakumpii tam kalei mei ainii ahnyii jangpii ahnyiimah sazyii hangninii fiileile katu tei aipii mateisii mangoule.

1 JON 1:10

Nyiinii kem tiimaklesii nyiinii tam leponii, nyiinii Saraago chui matu aitakle sateichii mpou samtei nyiida gale.

HEBRUMEI 11:17

Abraham go jaikaju tinglang kak, kamalum kito mpounii Isak go kakarat pot hangninii tiisii Saraa dakii pyiitoi aitakle, sateichii riishii hang doukalu ah teinii mpounah sapfii mpou fiilipiigo tei kakarat pot hangninii tiisii Saraa dakii pyiitoi tang karam jangpii tiikada wotakle;

HEBRUMEI 9:5

sateichii rangbung phyiiryii tei Saraa haika- leimah kamangou tiisii kashii kapung kounah hangteinii, kem hang kaleikapyii bam phyiiryii teito ahnyiimah kashyii teipiinii lampatsii leile. Nlenii aitoinii ai mahlyii hang ai mashang sii tampeiwo lakle.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

ROMMEI 5:11

Tei roisupii, Nyiinii aitoi Saraamah kanghemei tiikatu doumatu wokalu, nyii Bangpii Jisu Krista paito nyiinii Saraa dato ntale.

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

TIILAMLWI KAPYIIMEI THA JUKAMATI 4:28

nangnii gobahpii ninado goswipii adoito pat tang karam, reipii tiida kabam hangtei pat matutang karam jangpii, kasangpii namdi aikikii ahang go chyii ndwipyii takle.

TIILAMLWI KAPYIIMEI THA JUKAMATI 3:18

Nlenii Saraanii mpoumah Kristanii kamage kalak leh tang karam jangpiinii Lungka- kalingmei hang mah mwi kito doirei- sii mati kapyii tei aitiisii mpounii madou gong pyii takle.

TIILAMLWI KAPYIIMEI THA JUKAMATI 15:18

karei kito sam hang ai mati kapyii Bangpiinii tamle.’

TIILAMLWI KAPYIIMEI THA JUKAMATI 2:23

Saraanii reipii tisii kalei ninado mpoumah kamaning taiswisii, go- nyiinii kem katiimei bah kikii mpougo pyiitoi aisii jotpyiipii gisii krosh gamkii dhangsii gi aitakle.

JONNII KARYII KABI RASAM JUKAMATI 6:47

Kasangpii Inii gonyii dakii tam leile, malumsii kaleimei hangteinii kalui kaga karingtei doutakle.

TIILAMLWI KAPYIIMEI THA JUKAMATI 14:16

Tukalei ha kareiki mpounii luihang go ahnyiinii kamaning kamarei pwidi hangki tat matutakle.

ROMMEI 5:18

Teipiinii mei hangninii mah kem jangpiinii mei hang go kama kikii pang kagong takumpii, mei hangninii mah kasang kamajyii tha teipiiniido meihang go ring tang ka- ram jangpii tiimajyii kapyii kiteikii chyiitat pyii takle.

1 KORENMEI 5:7

Gonyii ahee hai kasu takumpii, gonyii athom kasatai tiiwo tang karam jangpii, ahee kaham tei tiimatei sagai ailo, kadapodinchii nyiimah Jehudimei mah kaakamaju hang-ngi mah jaonah, Kristago karat aitakle.

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

IPISAMEI 2:13

Nlenii tinglang hangniniiki dhiisii kalei gonyiigo aitoinii Krista Jisu dato Kristamah zai teipiinii pang gong manangpyii takle.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;