Biblia Todo Logo
Bib sou entènèt

- Piblisite -




ROMMEI 3:22 - KARANU KABI SAMTAM

22 Saraanii meinahgo tiimajyii pyiile ahnyiinii kamalum Jisu Krista paikito, Krista go kamalum mei hang go Saraanii ai tiipyiile, kadaponii samah kado tam kaki gale;

Gade chapit la Kopi




ROMMEI 3:22
30 Referans Kwoze  

Kadapokii Jehudimei nei Grikmei kak taam kaki samah kado gale; kadaponii kalei kaga mah Bangpii tei hangniniile, sateichii mpounii mpougo kalat hang go mpoumah kani kahii tei mangou pyiile.


Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.


teitii kido, meinah aigo ajaitingshang mah tha hang ryiikalu jangpiinii tiimajyii pyii makle, nlenii Jisu Kristago kamalum paikito tiimajyii pyiile katu tei tisii, nyiigo ajaitingshang mah tha hangtei ryiikalu jangpii supiinii, Kristago kamalum jangpii, tiimajyiipyii matu- tang karam jangpii nyii sek piiniido Krista Jisugo malum wotakle; dapokii ajaitingshang mah tha hang ryiikalu jangpii meigo kado tiimajyii kapyii gale.


Teijangpiinii aitoinii Krista Jisudato kaleimeihang go tam kamashyii tei gatakle.


Kasatai mei aikito, Grikmei ninado Jehudimei, tiigyii malem kaleimei ninado tiigyii malem kasumei, dikhiikasumei, meijai tika- sumei, kabangmei ninado Abangmei katu gale, nlenii Kristanii mahlyii hangle, sateichii mahlyiihang kito leile.


Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,


Teijangpii he samtak katii meihang n-go magapyii tang karam gale; kadaponii nangnii meigo samtak tiisanii ahnyiinii katii tei nangniido tiikalei kito nangnii goroinapii tiima aitakle,


Sateichii tha teinii ka- malum gotei tiimashang pyiile katu gonyiinii ngoule, “Abrahamnii Saraago malumle sateichii mpougo kasang kamajyiimeile katupii lukai- pyiile,” sateichii mpougo Saraamah kangmeisii latle, katu kabi rasam tei gong matwi takle.


Sateichii kamalum mah paikito ahnyii lung tiimatei pyiisanii, mpounii nyii nei ahnyii ai samah kado tam kaki ai mbam makle.


Tanii n-go mei kakimei doito taamsii tiipyiipo? Nangnii doukalu mahlyiihang tei Saraanii n-go pyiimakpo? Bitakle, teitii leponii, nangnii doukalu hangtei luha kasu takumpiinii nangnii kada takumpii detdiwo tangpo?


Teitii leponii nyiinii kadapei tam tangpo? Kasang kamajyii fiikasu luikakimei hangteinii kasang ka- majyii katunii, kamalum kito kasang kamajyii tei doutakle;


Nlenii pfii teinii mpouki kaleimei dateikii tamle, ‘Peijou kathaang kabi bisang tei kalangsii poipat mpougo njoukai pyiilo; sateichii mpou bah jungna kikii bah rangkat kaipyiilo, sateichii mpoupi kikii pichot kaipyiilo;


Sateichii mpougo kamalum kito gonyiinii ngou kalei ninado tikalei sapfii mpou aigo mpou zei teipiinii tiisangtingpyii takle; nle mpou paikito kamalum tei piinii gonyiihang doito mpougo tii-mbi kapyii ai pyiitakle.


Sateichii rangiinii n-gu maning kariirhii gasii ahnyiigo kaswisii tat tulosii ma- zhiipyii takle. Sateichii kangsanamei saruknii n-gu kaswile sateichii nyii- nii sapfii mpou lupii kitei liit takle.


Kada- ponii aikikii kamalum kito kamalum jangpii Saraa mah kasang kamajyii tei mangoupyii takle, aitiisii ryii kabam takumpiinii “Kasang kamajyii meinii kamalum kito ringtangle.”


Saraanii hangniniile, tei taiswisii tiigyii malem kaleimeigo ahnyii mah kamalum kito sateichii tiigyii malem kasumeigo ahnyii mah kamalum paikito mpounii tiimajyii pyiitangle.


Teijangpiinii kamalum tai swile, kadapokii riishii tiikabam tei lungsyii kati kito gong tang karam jangpii sateichii mpoutaa mpounah meihang dakii madousupii pyiitang karam jangpii ajaitingshang tai kaswi meigo roina makle, nlenii Abraham mah kamalum njai poihaisii kalei meigodo pyiitang karam jangpiile, kadapokii mpounii nyiihang mah rangii mah Apfii teile.


Kadapo- chiinii Kristanii kamalum mei hang go tiimajyii pyiitang karam ajai- tingshang mah kalui teile.


Kadaponii Jehudimei kado, Grikmei kado, Kabangmei kado, laat kabam mei kado, nyiihang go rangii hangninanii apum hangninii kikii dwi mpum pyiibam takle, sateichii rangii hangninii kito sak matu tang karam jangpii meihang go tiibam takle.


Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.


Nlenii kabi rasam kito katamnii, sazyii pouryii mpum madum ai kem mah teimaham kangto leile, Teijangpii Jisu Kristago kamalum meihang go pyiitang lesii riishii tiikabam luha teinii malum katu meihang go pyiile.


Mpougo nyiinii kamalum paikito ninado nyiinii Kristago hangninii tiisii nja kalu kito, maning kamalum hangteipii lungnyii lunghou katu gasii lungdisii Saraa doi liit tang karam tei nyiinii doule.


Swiv nou:

Piblisite


Piblisite