ROMMEI 3:21 - KARANU KABI SAMTAM

²¹ Nlenii aitoi ajaitingshang haisupii Saraa dato tiimajyii kapyii tei mangoupyii takle, teitei ajaiting- shang teipii ninado Lungkaka- lingmei hangnii sakchyii pyiile,

ROMMEI 3:21 Referans Kwoze

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

GALATIMEI 3:8

Sateichii Saraanii luikakimei hang go kamalum teipiinii tiimajyii tii- matuipyii tangle katu tei reipii ngou wosii; Abraham dakii kabi rasam tei aitiisii tam ralipyiisii tamle, “Godato luihang go satoi pyii tangle.”

ROMMEI 5:19

Kadaponii mei hangninanii katam swi kasu jangpii mei hangkago kem katiimei tiimatu katu takumpii, hangninii mah katam kaswi jangpiiniido mei hangkago kasang kamajyii mei tiimatu tangle.

ROMMEI 1:17

Kada- ponii aikikii kamalum kito kamalum jangpii Saraa mah kasang kamajyii tei mangoupyii takle, aitiisii ryii kabam takumpiinii “Kasang kamajyii meinii kamalum kito ringtangle.”

ROMMEI 1:2

kabi rasam ainii mpou nah sapfii mpou mah akaang kito kamatei kabi rasam kikii lungkakalingmei paito ndou karei kito pyii tang lesii riishii tiikabam teile.

TIILAMLWI KAPYIIMEI THA JUKAMATI 15:11

Nlenii Bangpii Jisu mah kalungset teipiinii ahnyiigo njoisii nyiido Keikapyii kasaga karing doutangle katu tei nyiinii malumle.”

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

1 PITAR 1:10

Gonyiigo jumage kapyii pyii- tangle katu mah sam saa ka-mpat lungkakalingmei teinii keikapyii karing aimah kaang kito tiigatpii fiile.

GALATIMEI 5:5

Kadapokii nyiinii rangii paito kamalumpii kasang kamajyii mah maning kamalum jangpii koileile.

ROMMEI 16:26

Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.

TIILAMLWI KAPYIIMEI THA JUKAMATI 26:22

Teijangpiinii Saraa dato tiikaha tei dousii, kacheng kadihang dakiido sakchyii pyiisii tingnei katang Inii sat leile;

JONNII KARYII KABI RASAM JUKAMATI 1:45

Filipnii Nathanel go ngou wosii mpou dakii tamle, “Mosesnii ajaitingshang kikii ryii kabam Mpou gotei nyiinii dou wotakle teinii Joseph nah sapfii mpou Nazaret ki Jisu teile.”

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

ROMMEI 9:30

Teitii leponii nyiinii kadapei tam tangpo? Kasang kamajyii fiikasu luikakimei hangteinii kasang ka- majyii katunii, kamalum kito kasang kamajyii tei doutakle;

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

ROMMEI 3:28

Kadaponii ajaitingshang mah atha tei haisupiinii mei hangniniigo tiimajyii pyiilesii nyiinii malumle.

2 KORENMEI 3:9

Kadapokii tiikamaga mah ajaitingshang kitei pumtei kava leileponii, kasang kamajyii kitei pumtei kava kadaziikapii kitangpo?