ROMMEI 2:26 - KARANU KABI SAMTAM

²⁶ Teijangpiinii tiigyii malem kasumeinii ajaiting- shang kito katam tei tiisii ryiisii leileponii mpoumah tiigyii malem kasu tei tiigyii malem kalei takumpii poilakpo?

ROMMEI 2:26 Referans Kwoze

KOLOSIMEI 2:11

Meinahnii katii tiigyii kamalem teipii supii kem kama pumtei kito laat mpat kapyii haisii katei, kristanii katii tiigyii kamalem teipii Kristago njasii hangninii tiikalu kito gonyii go tiigyii malem aitakle.

ROMMEI 8:4

dapochiinii apum azai tai swisupiinii, rangii mah tai swisii tat kalei nyiidakii ajaitingshang mah kasang kamajyii tei nyii dato madou gong matu tang karam jangpiile.

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

IPISAMEI 2:11

Teijangpiinii maning gonglo, katunii, tinglang hangniniiki pumzai lamto luikakimei tiisii, pumzai lamto bahpiinii katii tiigyii kamalem kanat tiikalei meihangsii lat kaleimei teinii tiigyii kamalem kanat tiikasumei sii lat kalei gonyiinii,

ROMMEI 3:30

Saraanii hangniniile, tei taiswisii tiigyii malem kaleimeigo ahnyii mah kamalum kito sateichii tiigyii malem kasumeigo ahnyii mah kamalum paikito mpounii tiimajyii pyiitangle.

METIU 15:28

Teito Jisunii mpoupeigo khe- kalatle, “O kamalum kadi sapwi mpei, nangnii kakhang tei godato pat matulo,” sateichii mpoupei nah sapwi mpei tei teisek-kii tii mbipyii takle.

ROMMEI 2:25

Kadaponii nangnii ajaiting- shang go kaswimei tiisii leileponii tiigyii kamalem tei mai lei kasangle; nlenii nangnii ajaitingshang tei tiikapak mei tiisii leileponii Gomah tiigyii malem kabam tei tiigyii malem kasu ndat tutakle.

ROMMEI 2:27

Sateichii tiigyii malem kasumeinii ajaitingshang tei tiima- sangsii leileponii larek kikii ryii kabam ajaitingshang sateichii tiigyii malem kalei tei godato leikido ajaitingshang go tiipaksii kalei n-go mpounii samtak tiilakpo?

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.