ROMMEI 2:17 - KARANU KABI SAMTAM

¹⁷ Nlenii nangnii goroinapii Jehu- dimeile katu azei tei latsii leileponii ajaitingshang gotei bhangsii leile- ponii Saraa dato leile katu det katii tei leileponii.

ROMMEI 2:17 Referans Kwoze

ROMMEI 2:23

Ajaitingshang kito det katiipii nangnii ajaitingshang tei tii- paksii Saraago sadzyii ngariit tiikasu tiileipo?

MATIMANGOU KAPYII 2:9

“‘Gonyiimah kamage kalak ninado kaga tei Inii tile–Nlenii gonyiinii kasangpii mah nile! Satei- chii Jehudimei kasangsupii, ahnyii roinapiinii ahnyii Jehudimei lesii tamsii kalei, Seitanmah abemei tiisii kaleimei teinii gonyii phyiiryiikii samlat kashyii tam kalei tei Inii tile.

ROMMEI 9:32

kadapei jangpiiniipo? Kadapodinchii kamalum paito ahnyiinii kasang kamajyii gotei fiimakle, nlenii tha kito teigotei baa- kalei takumpiinii baaleile, ahnyiinii kuitu pi kapaswi pyiiryiito pasuiwo takle;

JONNII KARYII KABI RASAM JUKAMATI 5:45

Inii gonyiigo gu pfii doito malesii tam mashyii tanglesii maning sulo, gonyiinii maning malumsii kalei Moses teinii gonyiigo malesii tam mashyii tangle.

METIU 3:9

sateichii ‘nyii pfii Abraham leilesii tamlesii gonyii lung kito maning sulo;’ kadapokii Inii gonyiigo tam leile, Saraanii Kuitu hang kito Abraham dakii mpou nahmei tii mpat-to buile.

MATIMANGOU KAPYII 3:9

Julo, seitanmah bemei, Jehudimei supiinii Jehudimei lesii tam kalei, ahnyii gotei Inii gonyiidoi gongsii gonyii pibangto nkwimang matu tangle, Inii gonyiigo lungsyii katu tei ahnyii hangnii titangle.

MATIMANGOU KAPYII 3:1

“Sardis kito kalei Charshmah rangii dakii ryiilo, Saraamah rangii sana sateichii sageiti sana kalei Ah teinii sam hang ai tam leile, Inii gomah tha hangtei tile, nangnii karing mah zei doukalei tei Inii tile, sateichii nangnii kataile.

IPISAMEI 2:11

Teijangpiinii maning gonglo, katunii, tinglang hangniniiki pumzai lamto luikakimei tiisii, pumzai lamto bahpiinii katii tiigyii kamalem kanat tiikalei meihangsii lat kaleimei teinii tiigyii kamalem kanat tiikasumei sii lat kalei gonyiinii,

GALATIMEI 2:15

Kasangle, nyiinii Jehudimei hangninii tiisii manaale ninado kem katii luikakimei makle;

2 KORENMEI 11:22

Ahnyii Hebrumei manii? I-dole. Ahnyii Isrelmei manii? I-dole. Ahnyii Abraham taa nahmei manii? I-dole.

JONNII KARYII KABI RASAM JUKAMATI 8:41

Gonyii Pfiinii katii tha tei gonyiiniido tiilo.” Ahnyiinii khekalatle, “Saraa ah sektei roinii nyii Pfiile, sateichii nyiinii ahmah nah sapfiimei hang teile.”

JONNII KARYII KABI RASAM JUKAMATI 8:33

Ahnyiinii mpougo khekalatle, “Nyiinii Abraham mah taa nahmeile sateichii mei kaniido kikaleimei tiisang tiiju makle, ‘gonyiigo laat mpatpyii tangle’ sii nangnii kada takumpii tam leipo?”

JONNII KARYII KABI RASAM JUKAMATI 7:19

Mosesnii gonyiigo ajaitingshang pyiitak makpo? Nlenii gonyii mei kaniido ajaitingshang gotei swi womakle. Gonyiinii n-gu dajangpii gilesii fiileipo?”

LUKNII KARYII KABI RASAM JUKAMATI 10:28

Jisunii mpouda tamle, “Nangnii kasang tei khepyii takle, ai-ai tiilo, teitii lepochiinii nangnii ringtangle.”

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

ROMMEI 3:27

Teitii leponii nyiinii detdi kabui kaang kadapei leipo? Samah kado gale, sateichii ai ai kadapei kaang jangpiiniipo? Nyiinii ajaitingshangnii katam kaswi jangpiipo? Makle, nlenii nyiinii kamalum jangpiiniile.