ROMMEI 2:16 - KARANU KABI SAMTAM

¹⁶ Samtak katii piinei leimik gumah kabi rasam taiswisii Saraanii Jisu Krista paito ameinah mah kama- kum hang gotei samtak tiitangle.

ROMMEI 2:16 Referans Kwoze

1 KORENMEI 4:5

Teijang- piinii Bangpii gong kasuta, tinglang kasunakii meigo kado samtak tiisulo; aitoi kamyii kikii kabai kabam mah hangtei mpounii kava kikii poi mpat tangle, sateichii lungswi mah tiitang karam kamaning hangtei mangou tangle. Sateichii tei tinglang kak meihangnii Saraa dato mpou mpoumah dou kamajyii tam kamatoi tei doutangle.

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

TIILAMLWI KAPYIIMEI THA JUKAMATI 10:42

Sateichii kabi rasam ai meidakii tam matutang karam jang- pii, sateichii kataimei nei karingmei mah samtak katii Saraa Bangpii mimatu wokalu tei Ah aile...katu sakchyii pyiitang karam jangpii mpounii nyii dakii kakhatpyii takle.

LUKNII KARYII KABI RASAM JUKAMATI 8:17

“Kadaponii tam mpat lak tang karam kamakum samah kado gale; sateichii tilak tang karam sateichii tam mpat lak tang karam samah kado gale.

1 PITAR 4:5

nlenii karing godo katai godo samtak tiitang karam jangpii tiidasii kalei Saraa dakii tiikabam tha hangtei ahnyiinii mangou tangle.

ROMMEI 3:6

Teisang teimakle, kadapokii teitii leponii Saraanii sazyii pouryiigo kada takumpii samtak tiitangpo?

2 PITAR 2:9

Teijangpiinii sam- tak tiikasuta kada takumpii kasang kamajyiimeigo jaikajumah kamage kalak kito keipyii tangpo sateichii kakui kama meigo kada takumpii tiikamage pyii tangpo katu tei Bangpiinii tile.

2 TIMOTHI 4:1

Saraa doito sateichii karingmei nei kataimeigo samtak tiitang karam Krista Jisu doito mpoumah mangoukapyii ninado mpoumah sagong mah sating sazyiigo latsii Inii pyiileile.

2 TIMOTHI 2:8

Inii tam ralikapyii kabi rasam taiswisii kataimei kak kito ringkhii kalu, Devit mah tatreng kito kagong Jisu Krista gotei maninglo.

1 TIMOTHI 1:11

Satoi pyiikati pumtei kava Saraamah kabi rasam n-gu tam matilosii gudakii pyii kabam tai swisiile.

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

JONNII KARYII KABI RASAM JUKAMATI 12:48

N-gu mazhii kasu ninado gusam lukasu ahgotei samtak tiitang karam hangninii leile, Inii tam kabam sam teipiinii kalui piinei leimik mpoumah samtak tiitangle.

HEBRUMEI 9:27

Sateichii meinah jangpii binii tai matu katu sateichii tei taito samtak katii gong katu ai retkabam takumpii,

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

ROMMEI 2:5

Nlenii golung katei sateichii lung kalinyii kasu teipii Saraa mah rakarhii sateichii kasang kamajyii samtak katii piinei mangou tang karam kak gopum sek jangpii rakarhii tei nangnii goroinapii poi nkom bam takle.

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

GALATIMEI 1:11

Kangsanamei, Inii gonyiigo mati leile, katunii Inii gonyiigo tam ralikapyii kabi rasam teinii meinah mah makle,

1 KORENMEI 15:1

Sateichii aitoinii kangsa- namei, Inii gonyii dakii tam rali pyii kalei kabi rasam, gonyiinii doukalu sateichii satsii kalei gonyii mah kamalum tei, Inii gonyii dakii tam maningloi leile.