ROMMEI 16:7 - KARANU KABI SAMTAM

⁷ Gutat gureng kito kapatmei sateichii kabang kito n-gu kaswisii bam kaleimei Andronikas nei Junias go salam pyii leile. Ahnyii teinii tiilamlwi kapyiimei hang kak kito Jutisii sateichii gudoito reisii Krista dato kaleimeile.

ROMMEI 16:7 Referans Kwoze

ROMMEI 16:21

N-gu njoisii tha tiisii kalei Timothi sateichii gutat gureng kito kapat Lusiyas, Jason sateichii Sosi- patar-niido gonyiigo salam pyiileile.

ROMMEI 16:11

Gutat gureng kito kapat Herodiyon go salam pyiileile Narsissas ki kalung mpung kito kaleimei hang go Bangpii zei kito salam pyii leile.

PHILIMON 1:23

Krista Jisu jangpii n-gu kaswi- sii bangkabam Ipaprosnii gonyiigo salam pyiileile;

KOLOSIMEI 4:10

Kabang kito n-gu kaswisii kabampii Aristarkasnii gonyii go salam pyii leile, sateichii Barnabas sanapii Markniido salam pyii leile. Marknii gonyiida gongleponii mpougo lukaipyii losii tam kapyii tei gonyiinii doutangle.

IPISAMEI 2:10

Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

GALATIMEI 1:22

Sateichii Krista dato kalei Judiya mah Charsh hangteinii n-gu ju timakle;

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 4:13

Aipii nyiinii mpou dato ninado mpounii nyii dato taksupiinii leile katu nyiinii tile, dapokii mpounii nyii dakii mpoumah rangii sek tei pyiibam takle.

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

GALATIMEI 2:6

Nlenii doimajang kapyiimei takumpii ngousii kalei (Inii ai ai tam leile, daponii ahnyii ai kadapeipo katu thaam kaki gudato mah kado ngou makle; Saraanii meiju jusii samtak tiilei makle.) Inii tam leile, tei kakum doi majang kapyiimei hang teinii n-gu mah kado kai mpampyii makle.

2 KORENMEI 11:23

Ahnyii Krista ki kaleimeipo? Inii swibi kasumei hangninii takumpii tamsii leile. Nlenii Inii ahnyii sung bikaki kikaleimei hangniniile! Inii kisii teisii tha tiikile, Inii kabangki nlai nlailoisii liitle, Inii kisii tingrang kadat tei doule, sateichii nlai nlai loisii taitang karam kanatei Inii doule.

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

ROMMEI 8:1

Teijangpiinii aitoinii Krista Jisudato kaleimeihang go tam kamashyii tei gatakle.

JONNII KARYII KABI RASAM JUKAMATI 15:2

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

JONNII KARYII KABI RASAM JUKAMATI 14:20

Teipiinei leimik tei gongsekchii, Inii gonyii dato kalei takumpii, Inii Pfii dato leile sateichii gonyiinii gudato leile katu tei gonyiinii tigong tangle.

JONNII KARYII KABI RASAM JUKAMATI 6:56

Gumah kamyii chiisii kalei ninado gumah zai saksii kalei ahteinii gudato taksupiinii leile, sateichii Inii ah dato taksupiinii leile.

GALATIMEI 2:2

I-tatsu shyiilesii Saraanii gudakii mati mangou kapyii jangpii Inii tatpile. Inii Jehudimei kasu luikakimei hang dakii tam ralipyiisii kalei Kabi rasam mah samtam tei doimajangtat pyiisii kaleimei dakii adoidoi tiisii tampyii takle. Tinglang kareiki mak-kii tingneishang gutha katii kito tiidoulak tang karam katu ai Inii mareimakle.

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

ROMMEI 9:3

kadaponii pum zai tai swisii gutat gureng, gu kangsanamei kaang jangpii gupum sek ai Saraanii kasheeng doutang karam sateichii Krista dato n-nou ai tang karam tei Inii maningwo buile.

ROMMEI 16:3

Krista Jisudato n-gu kaswisii tha tiisii kalei Prescilla nei Akuila go Salam pyii leile;

ROMMEI 16:6

Gonyii kak kito teisii tha tiikapyiipei Meri go salam pyii leile.

ROMMEI 16:8

Bangpii zei kito gumah lung- kasyii Ampliyatas go salam pyiileile.

ROMMEI 16:9

Krista zeikito nyiigo njoisii tha tiikaleimei Orbanas sateichii gumah lungkasyii Stakisgo salam pyiileile.

ROMMEI 16:10

Krista zei kito mazhiipyii kalei, Apehlisgo salam pyii leile, Aristbulas ki kalung mpung kito kaleimeihang go salam pyii leile.

2 KORENMEI 12:2

Inii Kristenmei hangninii rasam tile, teitei tingkum keariisii madai nkhii doi mpougo sagoi kaki sating gam kitei pangkhiile. (Ai ai pumzai kito manii, mak-kii pumzai kito makpo, Inii timakle Saraanii tile.)