ROMMEI 16:5 - KARANU KABI SAMTAM

⁵ Ahnyii kilungto kalei charsh godo salam pyii leile, Asia kito Krista go lukai karei rei sang gumah lungkasyii akangpii Ipinetago salam pyii leile.

ROMMEI 16:5 Referans Kwoze

KOLOSIMEI 4:15

Laodisiya kito kalei nyii kangsanamei ninado Nimpa dakii sateichii mpoupei kito gong kadousii kalei charsh hang go nyiimah salam tei pyiilo.

PHILIMON 1:2

Sateichii gokito gong kadousii kalei charsh ninado nyii taipwi Aphiya ninado nyiigo njoisii Saryii tiikalei Archipas dakii.

1 KORENMEI 16:19

Asia kito kalei charsh hangnii gonyiigo salam pyii leile. Akuila nei Prescillanii ahnyii kilungto gong kadou kadou kalei Charsh meigo njasii Bangpii zei kito ka-nta mah salam tei gonyiigo pyii leile.

1 KORENMEI 16:15

Kangsanamei, gonyiinii Stifa- nas ninado mpouki kalungmeimah kaang kito tile; katunii Akaiya kito Kristen tiipat karei tei ahnyiile, sateichii ahnyiinii ahnyii roinapii Saraa tha tiisii kaleimei nga ngatang karam jangpii pyiile.

METIU 18:20

Kadapokii gu zei kito hangna mak-kii hangtumnii ndwi kalei kitei Inii ahnyiigo kaswisii leile.”

MATIMANGOU KAPYII 14:4

Ahnyii teinii sapwimeigo ka- swisii mashung kamaha tha tiisupii ahnyii roinapii ahnyiigo mateisii mbam katumeile, ahnyiinii satumle. Jaonah teinii katatlyii hangki ahnyiinii swile. Ahnyii teinii sazyii pouryiimei kak kito kalai wotakle sateichii Saraa dakii ninado Jaonah dakii pyiitoi tang karam riiti karei teile.

3 JON 1:1

Kating tiisii kalei Inii kasang kito lungkasyii Gaiyas dakii ryii leile.

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

2 KORENMEI 9:2

Kadapochiinii gonyiinii tiiha kanyii tei Inii tile, teipiinii Inii gonyiimah kaang kito Mesidoniya kito kaleimei doito detdile, katunii Akaiya kito kalei kangsanameinii, ntaikumto tiiha tang karam jangpii datii wotakle sateichii gonyiinii lungliitsii tiikanyii teipiinii ahnyiigo lung tiimatu pyiitakle.

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

ROMMEI 16:12

Bangpii zeikito tha tiisii kalei- mei pwi Triphina ninado Triphosago salam pyiileile. Abangpii zei kito teisii tha tiikapyiipei lungkasyii Parsis go salam pyii leile.

ROMMEI 16:8

Bangpii zei kito gumah lung- kasyii Ampliyatas go salam pyiileile.

ROMMEI 15:26

Kadaponii Mesidoniya ninado Akaiya kito kaleimeinii Jerosalem kito kalei kamalum mei kak kito mah kagamei jangpii mah chengniikii pyiikatoi ai leitakle.

ROMMEI 11:16

Sateichii ryiikabam thoknui kang kito pyiitoi kalei njai karei tei matei leponii thoknui kang hangtei mateile; sateichii tingmaa teinii matei leponii tingkaa hang teido mateile.

TIILAMLWI KAPYIIMEI THA JUKAMATI 18:27

Sateichii mpounii Akaiya ki katang tat majupat kanyii kiteito, kangsanamei hangteinii tam katwipyii sanii mpougo lukai pyii matutang karam jangpii ryiipyii takle. Sateichii mpounii gongtang wosek-kii, jumage kapyii kito malum kalumei hangteinii hang- kapiinii tiihale.

TIILAMLWI KAPYIIMEI THA JUKAMATI 18:12

Nlenii Gallionii Akaiyaki Rom- mei mah Governor pung kaleidou, Jehudimeinii gong ndwi wosii, Polgo jumsii Sratki pangkhiisii tamle.

TIILAMLWI KAPYIIMEI THA JUKAMATI 2:9

Nyiinii Persiya, Mediya ninado Ilam kitole sateichii Mesopotamiya, Judiya ni- nado kapadosiya, Pontas ninado Asia kitole,

TIILAMLWI KAPYIIMEI THA JUKAMATI 16:6

Sateichii Asiya kito kabi rasam tam ka-mpat tei, rangii kamateinii mazhii kasu jangpiinii ahnyiinii Phairgiya ninado Galati sazyiiki tat majupat-to takle.

ROMMEI 16:4

kataigo hingsupii, gumah karing jangpii kagung joikapyii ahnyii dakii, I-roi supiinii luikakimei mah charsh hangniido hakalang tei pyii leile.

ROMMEI 16:6

Gonyii kak kito teisii tha tiikapyiipei Meri go salam pyii leile.