ROMMEI 16:26 - KARANU KABI SAMTAM

²⁶ Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.

ROMMEI 16:26 Referans Kwoze

1 TIMOTHI 1:17

Kalui tiikasu sagong, gakalak sateichii mikpii ngou kasu hangni- niisang hangninii roinii kalei Saraa dakii kalui gasii dzyii ka-nrou ninado tam kamatoi tei matulo Amen.

GALATIMEI 3:8

Sateichii Saraanii luikakimei hang go kamalum teipiinii tiimajyii tii- matuipyii tangle katu tei reipii ngou wosii; Abraham dakii kabi rasam tei aitiisii tam ralipyiisii tamle, “Godato luihang go satoi pyii tangle.”

ROMMEI 15:18

Kadaponii samtam ninado tha katii teipii tiikamangou siitihang sateichii kamadat kamadat mah teimaham teipii, Rangii kamatei mah teimaham teipii, luikakimeinii katam swimatu tang karam jangpii, Kristanii gupaito tiikapyii tei supii- nii Inii mah hangninii kado lungdisii tam lakle.

ROMMEI 1:5

Mpou paito nyiinii mpou zei jangpii lui hang kak kito kamalum mah katam switang karam kalungset tei doutakle sateichii tiilamlwi kapyiimei mah bam tei doutakle,

2 TIMOTHI 1:10

Nlenii aitoinii nyiigo kei- kapyiipii Krista Jisunii hum kapyii teipiinii mangoupyii takle, Mpounii katai gotei tii maga aisii kabi rasam paito karing ninado nlaikasu katai kaga tei kava kikii pung gongpyii takle.

KOLOSIMEI 1:26

katunii, tinglang sateichii meilui meiha kadaziikii jangpii kabai kabam kamakum, nlenii aitoinii mpoumah kamateimei hangdakii mati mangou pyii kalei teile.

IPISAMEI 1:9

Saraanii tii- tanglesii kamaning tei mpounii sat kalu tiitang karam kamakum kamaning tei nyii dakii matipyiile.

ROMMEI 15:4

Kadaponii kabi rasam kito ryiikabam mah leh kati sateichii lung tiimadi kapyii paikito nyiinii maning kamalum tei doutang karam jangpii leimik karei kito ryii kabam hangtei nyiigo ralipyii tang karam jangpii ryiibam takle.

ROMMEI 1:2

kabi rasam ainii mpou nah sapfii mpou mah akaang kito kamatei kabi rasam kikii lungkakalingmei paito ndou karei kito pyii tang lesii riishii tiikabam teile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

IPISAMEI 2:20

Krista Jisunii ki kaa roukatii kuitu tiisii, tiilamlwi kapyiimei hangmah ninado sampao kapungmei mah bangmaa phyiiryiikii gonyii godo tiimakhiibam takle.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

ROMMEI 3:21

Nlenii aitoi ajaitingshang haisupii Saraa dato tiimajyii kapyii tei mangoupyii takle, teitei ajaiting- shang teipii ninado Lungkaka- lingmei hangnii sakchyii pyiile,

ROMMEI 1:20

Sa- raanii sazyii pouryii tii mpat kalu sekto mpoumah ngoupeiwo kalak ajaitalui, katunii mpoumah kalui kaga teimaham sateichii matei kabi ajaitalui tei tii-mpat kabam amah- lyiihang kito tiigatpii ngousii titakle, Teipiinii ahnyiigo mpatpyii tang karam gale;

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

TIILAMLWI KAPYIIMEI THA JUKAMATI 6:7

Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

MARK 16:15

Mpounii ahnyii dakii tamle, “Tat tulo, sazyii pouryii bam- lyii hangki sateichii meilui kalung hangda kabi rasamtei tam ralipyiilo.

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

MATIMANGOU KAPYII 1:17

Inii mpougo ngou wosek-kii kataimei takumpii Inii mpou doito koumang takle. Sateichii mpounii mpou bah ajiilam tei guphyiiryiikii poikai pyiisii tamle, “Hingsulo, karei ninado kana tei Ile,

HEBRUMEI 13:8

Jisu Kristanii ndaneido, ting- neido kalui kaga tinglang katangdo njoile.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.