ROMMEI 16:25 - KARANU KABI SAMTAM

²⁵ Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

ROMMEI 16:25 Referans Kwoze

1 KORENMEI 2:7

Nlenii sazyii pou- ryiihang tii-mpat kasuniito Saraanii nyiimah pumtei kava jangpii ndouto reipii tiida kabam kamakum satei- chii kabai kabam Saraamah swirek kabi tei nyiinii tam mpat leile.

ROMMEI 2:16

Samtak katii piinei leimik gumah kabi rasam taiswisii Saraanii Jisu Krista paito ameinah mah kama- kum hang gotei samtak tiitangle.

IPISAMEI 1:9

Saraanii tii- tanglesii kamaning tei mpounii sat kalu tiitang karam kamakum kamaning tei nyii dakii matipyiile.

2 THESOLONIKAMEI 2:14

Nyiimah kabi rasam paikito mpounii gonyiigo, nyii Bangpii Jisu Kristamah pumtei kava doumatu tang karam jangpii latpyiile.

2 KORENMEI 4:3

Kadapokii nyiinii tam ralipyiisii kalei kabi rasam ai ju sungnei aitakleponii rangii taisii kaleimei dato roinii ju sungwo takle.

IPISAMEI 3:9

Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

2 TIMOTHI 2:8

Inii tam ralikapyii kabi rasam taiswisii kataimei kak kito ringkhii kalu, Devit mah tatreng kito kagong Jisu Krista gotei maninglo.

2 THESOLONIKAMEI 3:3

Nlenii malum kabui tei Bang- piile, mpounii gonyiigo tiisangting pyii tangle, sateichii kashyii kahong kiteito koipyii tangle.

IPISAMEI 6:19

Sateichii kabi rasam mah kathok kamakum tei Inii tamsii timatu wokabui jangpii, sateichii Inii tam tang karam jangpii gu mwi kokga kapat tinglang kak, tam tang karam samtei Saraanii n-gu pyii kabui tiisii gujangpiiniido riita khangpyiilo.

GALATIMEI 2:2

I-tatsu shyiilesii Saraanii gudakii mati mangou kapyii jangpii Inii tatpile. Inii Jehudimei kasu luikakimei hang dakii tam ralipyiisii kalei Kabi rasam mah samtam tei doimajangtat pyiisii kaleimei dakii adoidoi tiisii tampyii takle. Tinglang kareiki mak-kii tingneishang gutha katii kito tiidoulak tang karam katu ai Inii mareimakle.

2 KORENMEI 4:5

Kadapokii nyiinii tam rali kalei ainii nyii roinapii nyiigo makle, nlenii Jisu Krista ai Bangpiile katupii, sateichii Jisu jangpii nyii ai gonyii nga kangameile katupii tam ralipyii leile.

1 KORENMEI 1:23

Nlenii Jehudimei jangpiinii pi kapaswi kuitu sateichii lui kakimei jangpiinii kapang kamang tiisii kalei, krosh gamkii dhangsii gikalei Krista mah kaang kito nyiinii tam ralipyiile.

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

TIILAMLWI KAPYIIMEI THA JUKAMATI 9:20

Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

METIU 13:35

Ai ai Lungkakalingmei nii tam kabam tei gong matwi matutang karam jangpiile, katunii, “Inii gu mwi n-gapatsii ndasampii tam tangle, sazyii pouryii tii-mpat kalu sekto kabai kabam hangtei Inii tam mpat tangle.”

METIU 13:17

Inii kasangpii gonyii dakii tamleile, Lungkakalingmei ninado kasang kamajyiimei hangkanii gonyiinii kangou tei ngounyiisii bamle, nlenii ngoumakle, sateichii gonyiinii kashii tei shiinyiisii bamle, nlenii shiimakle.

1 PITAR 1:20

Sazyii pouryii tii mpat kasunato Saraanii mpougo kalaiwo takle, nlenii kalui tinglang kinii gonyii jangpii mangoupyiile.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

IPISAMEI 3:11

Saraanii saroisekto raang kabam teiswisii mpounii tiile, ai ai pat matutang karam jangpii mpounii Krista Jisu nyii Bangpiigo poisii tha tiitakle.

1 KORENMEI 4:1

Aitiisii meinii nyiigo Krista ki kaleimei takumpii sateichii Saraa mah kasang kamakumsam mah mahbam kajumei takumpii maning matulo.

ROMMEI 14:4

Mei kaki hangninii mah kikaleimeigo samtak tiikalei nang tapo? Mpounii sat tang karam mak-kii koutang karam tei mpoumah apumpii teinii kamaningpii sat tangle, sateichii mpounii sat tangle kadaponii apumpii teinii mpougo sat matuwo buile.

1 THESOLONIKAMEI 3:13

Aitiisii nyii Bangpii Jisunii mpoumah kama- teimei hang go kaswisii kagong ki, nyii Pfii Saraa doito mpounii gonyiigo sajek gasii kamatei kito tiisangting pyiitangle.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

ROMMEI 16:24

Nyii Bangpii Jisu Kris- tamah jumage kapyii teipii gonyii hang go kaswi pyii matulo.

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

KOLOSIMEI 4:3

sa- teichii Kristamah kamakum samtei nyiinii tampyii ralipyii tang karam jangpii Saraanii tinglang kabi tei nyiigo pyii kabui tiisii nyii jangpii- niido riitapyiilo. Kadapokii teijangpii aitoi Inii kabang kito bamle.

MATIMANGOU KAPYII 10:7

Nlenii sana kashang sating gamlui teinii ahmah kachem kakong kak, ahnii mpouki kaleimei hang dakii mati kabam taiswisii Saraamah kamakum samtei gong matwi tangle.

METIU 20:7

Ahnyiinii mpou dakii tamle, ‘mei kaniido nyiigo ngat makle,’ bitakle, teitiileponii, ‘gonyiido darkha toipyiilu kitei maasii tha tii- tulo’ sii mpounii ahnyii dakii tamle.