ROMMEI 16:18 - KARANU KABI SAMTAM

¹⁸ Kadaponii tei kakum mei teinii nyii Bangpii Krista nga ngamakle, nlenii ahnyii mah chiikanyii lukanyii jangpiiniile, sateichii ahnyii mah samlat kabi ninado tam kati teipii mei kabimei lungtei choisii hemle.

ROMMEI 16:18 Referans Kwoze

KOLOSIMEI 2:4

Mei kaniido gonyiigo kasang kasu sam hang teipii choisii hem matu lak tang karam jangpii Inii ai ai tam leile.

PILIPIMEI 3:19

Ahnyii teinii mibam kito kalui tiitangle, dapokii ahnyiimah sara teinii ahnyii mah pumzainii kamarei ka-ntha hang teile; ahnyiinii nroutang karam nito detdile, ninado ahnyiinii sazyii pou- ryiito kaluimah pot hang gotei roinii maningle.

METIU 7:15

“Jao natkai kakai, nlenii lung- tonii sanyii lung pungsii gonyiida kagong Lungkakalingmei dateito sakai wolo.

1 TIMOTHI 6:5

sateichii swikaga sateichii kasang kagamei dato tak supii kazyii katu hang ai pung gongle. Dormo ai mahni tang karam pwidilesii ahnyiinii maningle.

2 PITAR 2:3

Ahnyiimah lukanyii kito kasang kasu ralikapyii meinii kasang kasu kanat kanhii hang tei gonyii dakii tamsii gonyii phyiiryiito liipat tei fiitangle. Ndoukato ahnyiimah sam- tam tiitang karam tei tiikadabam takle sateichii ahnyiigo tiimaga tang karampii Saraa teinii zyiisii bam makle!

JUD DATO KAGONG CHITI JUKAMATI 1:16

Aimei ainii manam maraangsii meigo tam kamashyii, lung kashaat kagameile. Ahnyiinii ahnyiimah pumzainii kamarei ka-ntha hangtai tei swile, ahnyii roinapii ahnyii sam tam mbile sateichii ahnyii bak kabi doukabui tiisii ahnyiinii meisam tam ka-mbijai tiisii tam leile.

2 THESOLONIKAMEI 2:10

Sateichii taitang karam mei phyiiryii teito katham katham tiisii kasang kasu kachui teipii kaswi tangle. Ahnyiinii taitangle kadapokii ahnyiinii kei- kapyii doutang karam jangpii kasang gotei ahnyiinii lukai makle.

JUD DATO KAGONG CHITI JUKAMATI 1:12

Aihang ainii gonyiimah lungkasyii takbai hang kito gonyiigo kaswisii chii njoi sak njoi kalei kamakum kuitu kadile, kahing gasii ahnyii roinapii ahnyiigo makot kalei meile, tingkainii gwi- pungsii katat dwi haikasu mongram takumle, ti mati kasu ruibang, tainakii taikalei, maa pai mpat kalei, sateidou mah ruibang takumle.

PILIPIMEI 2:21

Kadaponii ahnyii hangnii mpou mpoumah tiikanyii pungkanyii tei fiile, Jisu Kristamah teinii fiimakle.

GALATIMEI 1:10

Meinah mah kamazhii doutang karam mak-kii Saraa mah kamazhii doutang karam jangpii Inii fiileipo? Mak-kii Inii mei dzyiibi tiitang karam jangpiinii tiisii leipo? Inii aitoi katang mei dzyiibi tiitang karam jangpiinii tiisii leipo? Inii aitoi katang mei dzyiibi tiisii leileponii, Inii Krista mah kikaleimei hangninii tiilak tang karamle.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

KOLOSIMEI 3:24

Sateichii mpoumah mei jangpii mpounii kaidek kabam tei Abangpiinii gonyiigo alangh hang- ninii tiisii pyiitangle katu tei ma- ninglo. Kadapokii Krista tei nangnii nga ngakalei kasang apumpii teile.

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.

2 KORENMEI 2:17

Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.

ROMMEI 16:19

Kadapokii gonyiimah katam kaswi tei meihangnii titakle; teijangpiinii Inii gonyiimah kaang kito ntale, nlenii gonyiinii kabi lamto kasakai, sateichii kashyii lamto kama gasii lungkatu ai Inii mareile.

JONNII KARYII KABI RASAM JUKAMATI 12:26

Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

METIU 24:11

Sateichii ka- sang kasu Lungkakalingmei patsii mei hangka go chyiitatma tangle.

METIU 6:24

“Mei hangninanii apum mei hangnaki leipei wolakle, kadapokii ahnii hangniniigo ngourou tangle sateichii hangniniigo lungsyii tangle, sateichii ahnii hangniniigo dzyiirou tangle ninado hangninii go maning majang tangle. Gonyiinii Saraa nei kani kahii nga ngapei wolakle

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:

JEMS 1:1

Saraamah ninado Bangpii Jisu Kristamah kikaleimei hangninii tiisii kalei Jemsnii marou maruksii kalei lui keariisiinakhii dakii salam pyii leile.

2 KORENMEI 11:3

Nlenii Sanhiinii mpoumah kasakai kamarek teipii Eve go satui sadzyii tiikalu takumpiinii, Krista dato pyiikalei gonyiimah kasang lungswi ninado kamatei kito tiimahong katugo Inii hingle.

ROMMEI 14:18

teipiinii Krista nga ngakaleimei hangtei Saraa doito lukai kamajyii sateichii meiniido kamazhii teile.