ROMMEI 16:12 - KARANU KABI SAMTAM

¹² Bangpii zeikito tha tiisii kalei- mei pwi Triphina ninado Triphosago salam pyiileile. Abangpii zei kito teisii tha tiikapyiipei lungkasyii Parsis go salam pyii leile.

ROMMEI 16:12 Referans Kwoze

1 KORENMEI 16:16

Ai kakum ai, sateichii ai kakum tha tiisii kaleimei, ninado ahnyiigo tiiha punghasii kaleimei kang tei gonyiiniido nkang seilosii Inii gonyii dato khang leile.

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

1 TIMOTHI 4:10

Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

1 THESOLONIKAMEI 1:3

Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.

KOLOSIMEI 4:12

Gonyiimei tiisii kalei, Krista Jisu kikalei Ipapronii gonyiigo salam pyii leile; Gonyiinii Saraamah kama- ning kamarei tiitang karam jangpii katam kaswi kito mishang kaleimei ninado tiigatpii malum kalu kris- tenmei tiisii, gonyiinii sangtingsii sat matutang karam jangpii Saraa dato khangsii mpounii gonyii jangpii tinglang kaleita riitasii bamle.

KOLOSIMEI 1:29

Ai tiitang karam jangpii gulung kito tha tiisii kalei ninado Kristanii pyiisii kalei teimaham kadi tei jumsii Inii mahungsii tha tiileile.

1 KORENMEI 15:10

Nlenii tingnei Inii tiisii kalei ai, Saraamah jumage kapyii kito Inii tiisii leile sateichii mpoumah jumage kapyii, gudakii pyii kabam tei kadak makle. Nlenii tiilamlwi kapyiimei kaki kata hangninii sungdo Inii kisii teibuisii tha tiitakle, teitii kido Inii makle, nlenii n-gu kaswi kalei Saraa- mah jumage kapyii teiniile.

METIU 9:38

Teijangpii mpou mah rachet tang karam lu kiteikii tha katiimei lang magong matutang karam jangpii karachet mah Bangpii dakii riita khanglo.

METIU 5:47

Sateichii gonyiinii gonyii kangsanameigo roinii karou kariit leponii, kakimei doito gonyiinii kadapei kisii tiipo? Jehudimei kasu lui kakimeiniido teitei tiilei makpo?

ROMMEI 16:11

Gutat gureng kito kapat Herodiyon go salam pyiileile Narsissas ki kalung mpung kito kaleimei hang go Bangpii zei kito salam pyii leile.

ROMMEI 16:13

Bangpii Jangpii kalei kalu Rufas go sateichii mpou pwido gu pwido tiisii kalei pwigo salam pyii leile.