ROMMEI 16:10 - KARANU KABI SAMTAM

¹⁰ Krista zei kito mazhiipyii kalei, Apehlisgo salam pyii leile, Aristbulas ki kalung mpung kito kaleimeihang go salam pyii leile.

ROMMEI 16:10 Referans Kwoze

ROMMEI 14:18

teipiinii Krista nga ngakaleimei hangtei Saraa doito lukai kamajyii sateichii meiniido kamazhii teile.

1 PITAR 1:7

Tiimashyiiwo kabui sona katangdo, ahmah matei kasu kahong hangtei rutoitang karam jangpii mipiinii jaijuleile; teitakumpii sona sung kisii maiteeng kaki gonyiimah kamalum tei gonyiinii dousii kalei kamage kalak hangteipii jaiju tang karamle. Gonyiimah kamalum teinii leh wosii satto leponii, Jisu Kristanii kagong piinei leimik gonyiinii tam kamatoi, pumtei kava ninado sadzyii ngariit katii tei Saraa dato doutangle.

1 TIMOTHI 3:10

Ahnyiigo reipii jaiju tang karamle, sateichii teito jaikaju tei ahnyiinii ngam woleponii, ahnyiinii nga ngamatulo;

PILIPIMEI 2:22

Nlenii Timothimah kasang tei gonyiinii tile, katunii, nahnii Pfiigo nga kanga takumpiinii, mpounii n-gu kaswisii kabi rasam tam ralikapyii kito kaswisii nga nga njoipyii takle.

2 KORENMEI 8:22

Teijangpii ahnyiigo kaswisii nyiinii nyii kangsanapiigo lang magong leile, nyiinii mpougo tha hangkii kito jaijusii mpounii hang- kapii tiihasang tiiha nyiisii kalei tei nyiinii kadoutakle. Sateichii aitoinii mpounii gonyiigo hangkapii maning kamalum ai kalei taiswisii, mpounii kisii tiiha nyiisii bamle.

2 KORENMEI 2:9

Kadapokii gonyiinii mahlyiihang kito katam kaswi swikasu gonyii mah kasang tei Inii titang karam jangpii chiti tei Inii gonyii dakii ryiile.

1 KORENMEI 11:19

Kadapokii kasang kito kalei mei gotei juti tang karam jangpii gonyii kak kito pakchet chet katu aido leitang karam sekle.

2 TIMOTHI 4:19

Prescilla, Akuila sateichii Onisiporas ki kalungto kalei hang go gumah salam tei pyii leile.

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

ROMMEI 16:3

Krista Jisudato n-gu kaswisii tha tiisii kalei Prescilla nei Akuila go Salam pyii leile;

ROMMEI 16:7

Gutat gureng kito kapatmei sateichii kabang kito n-gu kaswisii bam kaleimei Andronikas nei Junias go salam pyii leile. Ahnyii teinii tiilamlwi kapyiimei hang kak kito Jutisii sateichii gudoito reisii Krista dato kaleimeile.

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

2 KORENMEI 12:2

Inii Kristenmei hangninii rasam tile, teitei tingkum keariisii madai nkhii doi mpougo sagoi kaki sating gam kitei pangkhiile. (Ai ai pumzai kito manii, mak-kii pumzai kito makpo, Inii timakle Saraanii tile.)

GALATIMEI 1:22

Sateichii Krista dato kalei Judiya mah Charsh hangteinii n-gu ju timakle;