ROMMEI 15:26 - KARANU KABI SAMTAM

²⁶ Kadaponii Mesidoniya ninado Akaiya kito kaleimeinii Jerosalem kito kalei kamalum mei kak kito mah kagamei jangpii mah chengniikii pyiikatoi ai leitakle.

ROMMEI 15:26 Referans Kwoze

2 KORENMEI 9:12

Kadapokii gonyiinii tiikalei ngam aipii kamateimei mah tang- kasu hangtei tiikaha roinii makle, nlenii Saraago hakalang katam hangkii kitei todo kisii tokryii nlem matule.

2 KORENMEI 9:2

Kadapochiinii gonyiinii tiiha kanyii tei Inii tile, teipiinii Inii gonyiimah kaang kito Mesidoniya kito kaleimei doito detdile, katunii Akaiya kito kalei kangsanameinii, ntaikumto tiiha tang karam jangpii datii wotakle sateichii gonyiinii lungliitsii tiikanyii teipiinii ahnyiigo lung tiimatu pyiitakle.

PHILIMON 1:5

Kadapokii Saraamah meihang jangpii nangnii lungkasyii kabam ninado Bangpii Jisugo nangnii kamalum kabam tei Inii shiitakle.

1 KORENMEI 16:15

Kangsanamei, gonyiinii Stifa- nas ninado mpouki kalungmeimah kaang kito tile; katunii Akaiya kito Kristen tiipat karei tei ahnyiile, sateichii ahnyiinii ahnyii roinapii Saraa tha tiisii kaleimei nga ngatang karam jangpii pyiile.

TIILAMLWI KAPYIIMEI THA JUKAMATI 18:12

Nlenii Gallionii Akaiyaki Rom- mei mah Governor pung kaleidou, Jehudimeinii gong ndwi wosii, Polgo jumsii Sratki pangkhiisii tamle.

TIILAMLWI KAPYIIMEI THA JUKAMATI 16:9

Sateichii tinghum Polda madhang kapyii hangninii mangoule: Mesidoniya ki sapfiimei hangninanii satpii mpou dato khangle; “Mesidoniya ki gongseisii nyiigo tiihalo.”

LUKNII KARYII KABI RASAM JUKAMATI 14:13

Nlenii nangnii takbai kapyii kak, kaga- meigo, kasuimeigo, pi katwimeigo ninado mik kachetmeigo latlo;

LUKNII KARYII KABI RASAM JUKAMATI 6:20

Sateichii Jisunii Mpou boumei dakii rajang matusii tamle: “Mah kagamei doibile; dapochiinii Saraa mah Sating Sazyii tei gonyii mahle.

METIU 26:11

Kadapokii mah kagamei goteinii gonyiinii tinglang kaleita kaswisii leile, nlenii n-gunii gonyiinii tinglang kaleita kaswisii leilakle.

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

TIILAMLWI KAPYIIMEI THA JUKAMATI 9:13

Nlenii Ananiyasnii khekalatle, “Bangpii, sapfii mpou aipou mah kaang kito, mpounii Jerosalem kito gomah kamalum mei dakii kadaziika kashyii tiikalei tei Inii meihang dato shiitakle;

TIILAMLWI KAPYIIMEI THA JUKAMATI 16:12

sateichii teiki teito nyiinii Pilipi ki katang gong wotakle. Abam ai Mesidoniya mah namdi sateichii Rom meinii kabam nile, sateichii nyiinii namdi teiki teito leimik shangniikii bamle.

TIILAMLWI KAPYIIMEI THA JUKAMATI 19:21

Sateichii tha aihang ai sang kaleitai Polnii Misidoniya ninado Akaiya tat majupat tosii Jerosalem ki katang maatang karam jangpii rangiinii maning wosii tamle, “Inii teiki tei gongwosii Romdo jutang karam takle.”

1 KORENMEI 16:5

Inii Mesidoniya sumto tat majupatsanii gonyiida gong tangle; Kadapokii Inii Mesidoniya sum tat majupat tangle.

2 KORENMEI 1:16

Inii Mesidoniyaki gong tang karam jangpii tat tang karam gu pwidi lamto Inii gonyiida kahaikai tangle sateichii Mesidoniya kito gonyiida nlaikai gongsii, teito Judiya ki gong tang tang karam jangpii n-gu pwidikii gonyiigo kapao mpyiinyiisii leile.

2 KORENMEI 2:13

Nlenii Inii hangkasii lungnaang takle, kadaponii nyii sanapii Taitasgo Inii ngousu takle. Teijangpii Inii ahnyii dato tat n-nou aisii Mesidoniya ki tatjoutu takle.

2 KORENMEI 7:5

Nyiinii Mesidoniya ki gong katutai katangpii, bamlyii kiteito kamage kalak teipii, sateichii nyii lung kito kahing teipii, nyiinii ka- ntak tei hangninii kado doumakle.

2 KORENMEI 9:4

Nlenii Mesidoniya kito kalei mei kangkanii n-gu kaswi gongsii gonyiinii tiida kasu tei gong ngouwo leponii, gonyii- mah ka-nrou tei toi aisii, nyiinii kadaziikapii nrou tangpo; kadaponii gonyiigo malum gatsii kalei kiteito!

2 KORENMEI 11:9

Inii gonyiigo kaswisii kalei kak sateichii Inii sana kamarei kak, Inii meigo kado tiikamage makle, kadaponii gumah kamarei hangtei Mesidoniya kito kagong kangsanameinii fiipyiisii leile. Teipiinii Inii gonyiigo tiikamage makle, sateichii aitoido mak-kii madou kado Inii gonyiigo tiikamage lakle.

PILIPIMEI 4:15

Sateichii gonyii Philipi kito kaleimei gonyiiniido tile, katunii, kabi rasam tamtat saroisekto, Inii Mesidoniya kito tat katu tinglang kak, gonyii supii charsh hangninii kaniido kasei ninado kadou kito n-gu njai poi njoi katu tei gale,

1 THESOLONIKAMEI 1:7

Teipii gonyiinii Mesidoniya kito kalei ninado Akaiya kito kalei kamalum meihang jangpii tiikamangou nda tei tiitakle.

1 THESOLONIKAMEI 1:8

Kadapokii Bangpiimah kaang kito kabi rasam tei gonyii dato Mesido- niya ninado Akaiya ki roinii kahi- makle, nlenii Saraa dakii gonyiimah kamalum mah nha tei bamlyii hangki shiigong takle, teipiinii nyiimah hangninii kado tam tang karam kabi tei gale.

1 THESOLONIKAMEI 4:10

Sateichii kasangle gonyiinii Mesidoniya kito kalei kangsanamei hang go kalungsyiile. Nlenii kangsanamei, teisungdo kisii kisii tiisei losii nyiinii gonyiigo tam katwi leile,

1 TIMOTHI 1:3

Inii Mesidoniya ki gongtang karam jangpii tat leibangpii, n-go tiilosii katam takumpii, Inii n-go Ipisas kito bam matunyiile, mei kangkanii teikito kasang kasu kanat kanhii ralipyiisii leile, teimei gotei ntak ailosii nang tamlo.