Biblia Todo Logo
Bib sou entènèt

- Piblisite -




ROMMEI 15:18 - KARANU KABI SAMTAM

18 Kadaponii samtam ninado tha katii teipii tiikamangou siitihang sateichii kamadat kamadat mah teimaham teipii, Rangii kamatei mah teimaham teipii, luikakimeinii katam swimatu tang karam jangpii, Kristanii gupaito tiikapyii tei supii- nii Inii mah hangninii kado lungdisii tam lakle.

Gade chapit la Kopi




ROMMEI 15:18
28 Referans Kwoze  

Teito meihang teinii malhii- supii bam takle, sateichii Pol nei Barnabas paikito lui kakimei kak-kii Saraanii tiikamangou ninado kama- dat kamadat hang tiikapyii tei mpoupiinanii tam ka-mpat tei ahnyiinii shiile.


Mpou paito nyiinii mpou zei jangpii lui hang kak kito kamalum mah katam switang karam kalungset tei doutakle sateichii tiilamlwi kapyiimei mah bam tei doutakle,


Teito mpounii ahnyiigo salam tiikaleitai, mpounii tha katii kito Saraanii lui kakimei kak kikii tiikapyii atha tei nsang nsangpiinii mpounii tam mpat tutakle.


kadaponii tiigyii malem kaleimeimah tiilamlwi kapyiimei tha kito Pitar jangpiinii tiikapyii ah teinii Jehudimei kasu luikakimei hang dakii n-gudo tiipyii takle;


sateichii kabi tha ninado samtam hang kito tiimashangpyii matulo.


Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.


Nlenii sating gamluimah aphyii kasat Maikelnii seitan go ka n-gisii, Mosesmah pumpotmah kaang kito kasou katu tinglang kak, ah phyiiryiikii kalet kalou katiisam tam tang karam lung kadi tei gale, nlenii “Bangpiinii n-go tiikamage matulo” sii ahnii tamle.


Gunahmei, nyiinii samkangpii ninado sam katam kamalhiipii lungsyii sude, nlenii tha teipii sateichii kasang teipii kalungsyiide.


Nlenii samtei kashiimei roinii tiisii, gonyii roinapii gonyiigo kasang kasu teipii chuisii hemwo kasu tiisii, gonyiinii samtei shii wosii tiikatu tiilo.


Kamalum jangpii Abrahamnii, mpougo lat katu tinglang kak, mahtou toutang karam mei hangninii takumpii, mpounii doutang karam sazyiiki katang tei tatpat tang karam jangpii katam tei swiwo takle; sateichii mpounii kadaki tat tangpo katu tisupiinii tatpat takle.


sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,


Sateichii gonyiinii katalyii hang katii kito, samtam kito, mak-kii katii kapung kito pfii Saraa Jisu paito hakalang tamsii, Bangpii Jisu zeikito mahlyiihang tei tiilo.


Inii detdinyii leponii, I-ai swikagamei hangninii mitu lakle, dapochiinii kasang tei Inii tamsii leitangle. Nlenii Inii detdi lakle, kadapokii mei hangninii kaniido Inii katii ninado Inii katamtei mpounii ngoukalu taiswisii n-gu maning sagoiki matu katu tei Inii marei makle.


Bangpii Jisumah Pfiido Saraado tiisii kalei, kalui gasii tam matoi tang karam ahnii I chuimakle katu tei tile.


Nlenii Saraago halangle kadaponii tinglang hang- niniiki gonyiinii kem mah kabang- nah tiisii leikido gonyiigo ralikapyii kito doukalu kasang gotei gonyii lung matum madumpii gonyiinii swi wotakle.


Nlenii karei reisang kito Damaskas kito kaleimei dakii tei taito Jerosalem kito kaleimei dakii, Judiya sazyii hang kikii sateichii lui kakimei dakii ahnyiinii Saraada ngaryii gong tang karamle ninado lung kali kalumah malum kabui tha tei tiitang karamlesii Inii tam ralipyiile.


Sateichii ahnyiinii Jerosalem ki gongtang wosek-kii, lat mpat kalumei, Tiilamlwi kapyiimei ninado katingmei hangteinii ahnyiigo lukai wotakle, sateichii Saraanii ahnyiigo kaswipyii sanii tiikalu atha hangtei ahnyiinii tampyii takle.


Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.


Teito ahnyiinii mangsii bamhang kikii kabi rasamtei tampyii takle; Bangpiinii ahnyiigo kaswisii tha tii njoipyii takle, ninado kaswi kalei tiikamangou siiti hang teipiinii samtei tiisangting pyii takle. Amen.


Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.


Ai tha ai nyiinii tiimajyiile katu nyiinii nyii roinapii tam tang karam majyii tei nyii dato samah kado gale; nyiinii doukalu tiikamajyii tei Saraa datole.


Manoisek-kii talent mangii doukalupii teinii maasii teiteipii li-laa tiikalu kito, kaki talent mangii douki wotakle,


Swiv nou:

Piblisite


Piblisite