ROMMEI 15:16 - KARANU KABI SAMTAM

¹⁶ Rangii kamateinii tiimatei kalei luikakimeigo pyiikatoi tei lukai kabui tiisii, Inii kanat kajum Atingmei takumpii Saraa mah kabi rasam mah nga ngaleile.

ROMMEI 15:16 Referans Kwoze

ROMMEI 11:13

Aitoinii lui kakimei gonyii dakii Inii tam leile, kadapochiinii Inii lui kakimei mah tiilamlwi kapyiimei hangninii tiisii, Inii tiikalei gumah atha ai sadzyii ngariit tiile.

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

PILIPIMEI 2:17

Gonyiimah kamalum kito pyiitoisii kalei kakarat phyiiryiikii guzai ai ruikai tang karam leichiido, I-ntale, ninado gonyiigo kaswisii rangale.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

2 TIMOTHI 1:11

Kabi rasam aijangpii n-gu kabi rasam katam mei, tiilamlwi kapyii- mei ninado madhiikapyii mei tiilosii kalei wotakle.

1 TIMOTHI 1:11

Satoi pyiikati pumtei kava Saraamah kabi rasam n-gu tam matilosii gudakii pyii kabam tai swisiile.

HEBRUMEI 13:16

Kabi tiitang karam ninado hangninanii hangniniigo tiiha tang karam tei mangai sulo, dapodinchii ai kakum kakarat hang aipii Saraago dzyii karanga tei tiile.

ROMMEI 15:18

Kadaponii samtam ninado tha katii teipii tiikamangou siitihang sateichii kamadat kamadat mah teimaham teipii, Rangii kamatei mah teimaham teipii, luikakimeinii katam swimatu tang karam jangpii, Kristanii gupaito tiikapyii tei supii- nii Inii mah hangninii kado lungdisii tam lakle.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

1 TIMOTHI 2:7

teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

2 KORENMEI 5:20

Teijangpii Krista tung tiisii nyiinii malhii leile, Saraa Ah sekpiinii mpoumah khang kalei tei nyii paikito khang kalei takumpii, Krista tung tiisii, nyiinii gonyiigo khang leile; ngou karou saryii kito mpoumah kanghe katii kikii gonyiigo Saraanii tiikalipyii matulo!

1 KORENMEI 4:1

Aitiisii meinii nyiigo Krista ki kaleimei takumpii sateichii Saraa mah kasang kamakumsam mah mahbam kajumei takumpii maning matulo.

1 PITAR 2:5

Jisu Krista paikito Saraanii mazhii kapyii sateichii rangiimah kakarat pot hangtei pyiitoi tang karam jangpii, kamatei atingmei hangninii tiitang karam jangpii, gonyii roinapii gonyii karing kuitu hang takumpii rangiimah kitei tiimakhiilo.

1 PITAR 1:12

Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

1 THESOLONIKAMEI 5:23

Kamajungmah Saraa pumsek teinii gonyiigo mashangsii tiima- teipyii matulo; sateichii nyii Bangpii Jisu Kristanii kagongki gonyiimah rangii, rakot ninado pumrong hangtei sajek gasii bisii bam matulo.

1 THESOLONIKAMEI 2:9

Kadaponii kangsanamei, nyiinii katii kapung sateichii kamage kalak kaleh tei gonyiinii maning leile, nyiinii gonyiigo kamaswi tei pung matulak tang karam jangpii, tinghum tingna tha tiisii, nyiinii Saraamah kabi rasam tei gonyii dakii tam ralipyii takle.

1 THESOLONIKAMEI 2:2

Nyiinii Thesolonika ki gong kasunii Philipi kito kada takumpii nyiigo tiikamage pyiipo ninado tii-nrou pyiipo katu gonyiinii tile. Nlenii teikito nyiigo mazhii kasu kadaziikii leikado, mpou dato kagong kabi rasam tei gonyii dakii tam mpat matu tang karam jangpii, nyii Saraa teinii lungkadi tei nyiigo pyii takle.

PILIPIMEI 4:18

Inii dou lahok takle, sateichii teitei moipou moiju takle, gonyiinii mpot kamagong mah pot hangtei keirum kabi, Saraanii lukasei ninado dzyii karanga kakarat pyiikatoi pot tiisii, Ipaproditas bah lungto dou wosii I-tokryii takle.

IPISAMEI 2:22

Mpougo njasii hangninii tiikalu kito Saraanii mpoumah rangii paikito lungsii kalei bam hangninii ki teikii mei kakimei hang go kaswisii gonyii godo tiimakhiibam takle.

IPISAMEI 2:18

Jehudimei kado, luikakimei kado nyiihangnii rangii hangninii kito pfii doi gongliit kabui teinii Kristamah paikitole.

GALATIMEI 3:5

Saraanii gonyii- go rangii kapyii sateichii gonyii kak kito sung kaga tha hang tiikapyii tei gonyiinii ajaitingshang go ryii- kalu jangpii manii, mak-kii gonyiinii kabi rasam tei shiiwosii malum kalu jangpiipo?

2 KORENMEI 11:23

Ahnyii Krista ki kaleimeipo? Inii swibi kasumei hangninii takumpii tamsii leile. Nlenii Inii ahnyii sung bikaki kikaleimei hangniniile! Inii kisii teisii tha tiikile, Inii kabangki nlai nlailoisii liitle, Inii kisii tingrang kadat tei doule, sateichii nlai nlai loisii taitang karam kanatei Inii doule.

2 KORENMEI 8:5

Teiteinii nyiinii maning malum kabui sungdo kile! Karei kito ahnyiinii ahnyii roinapii Bangpii dakii pyiile; sateichii tei taito Saraa mah kamaning kamarei kito ahnyiinii ahnyii roinapii nyii dakiido pyiitakle.

1 KORENMEI 6:19

Sateichii gonyii pum teinii gonyiinii Saraa dato doukalu, gonyii lungto kalei rangii kamatei mah kamatei kile katu gonyiinii timakpo? Sateichii gonyiinii gonyiimah roinamakle;

1 KORENMEI 3:5

Teitiileponii Apollos ai tapo? Sateichii Pol ai tapo? Ki kaleimeile, ahnyii paikito gonyiinii malum wotakle sateichii Bangpiinii ahnyii mei nsang nsang dakii pyiikabam takumle.

ROMMEI 15:29

Sateichii Inii gonyiida kagong tinglang kitei Krista mah katokryii satoi tei kaswisii Inii gongtangle katu tei tile.

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

TIILAMLWI KAPYIIMEI THA JUKAMATI 22:21

Sateichii mpounii gudakii tamle, ‘tatpat tolo, kadaponii Inii n-go aikito dhiisii lui kakimei hang dakii lang mpat tangle.’ ”

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

TIILAMLWI KAPYIIMEI THA JUKAMATI 13:2

Sateichii ahnyiinii Bangpii dato matasii malot- ryii leibangpii, rangii kamateinii tamle, “Barnabas nei Solgo Inii tha tiimatu tang karam jangpii latto takle; teijangpiinii mpoupiinago gujangpii aitoi mpat pyiilo.”

ROMMEI 15:19

Aitiisii Jerosalem kito Illurikam go kamagui katangtei tatsii Inii Krista mah kabi rasam tei tam ralipyii lahok takle.

ROMMEI 15:20

Nle, aitiisii Inii kaki hangninii mah kibangmaa phyiiryiikii tiimakhii lak tang karam jangpii, Krista mah zei tisang kasu bam kiteito kabi rasam tei tam ralipyii tang karam ai gu swi kito raang kalule;

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.