ROMMEI 15:15 - KARANU KABI SAMTAM

¹⁵ Nlenii lui kakimeihang dakii Inii Krista Jisumah nga kangamei tiitang karam jangpii Saraanii gudakii pyii kabam jumage kapyii tei kaang kiteito, gonyiigo maningloi matu katu takumpii, Inii gonyii dakii akaang chingniikii pyiiryiikii lung- disii ryii bamle.

ROMMEI 15:15 Referans Kwoze

ROMMEI 12:3

Sateichii Saraamah jumage kapyii luha tei gudakii pyii kabam jangpii Inii gonyii hang dakii tam leile, gonyiinii maning tang karam sung kisii gonyiinii gonyii roiniipii maning sagoiki sulo, nlenii gonyii- mah kamaning kito lungmanoilo, sateichii Saraanii gonyiigo pyii kabam kamalum taiswisii gonyii roinapiinii samtak tiilo.

1 KORENMEI 15:10

Nlenii tingnei Inii tiisii kalei ai, Saraamah jumage kapyii kito Inii tiisii leile sateichii mpoumah jumage kapyii, gudakii pyii kabam tei kadak makle. Nlenii tiilamlwi kapyiimei kaki kata hangninii sungdo Inii kisii teibuisii tha tiitakle, teitii kido Inii makle, nlenii n-gu kaswi kalei Saraa- mah jumage kapyii teiniile.

ROMMEI 12:6

Sateichii nyii dakii pyii kabam jumage kapyii taiswisii ka- taam kataam luha douwo kalu Saraa sam tam ka-mpat kado, nyiimah kamalum taiswisii tam mpatle;

ROMMEI 1:5

Mpou paito nyiinii mpou zei jangpii lui hang kak kito kamalum mah katam switang karam kalungset tei doutakle sateichii tiilamlwi kapyiimei mah bam tei doutakle,

1 JON 5:13

Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile.

2 PITAR 3:15

Sateichii nyii Bang- piimah lung leh kati tei keikapyii karing lesii poi wolo. Tei takumpii lungkasyii nyii sanapii Polniido mpou dakii pyii kabam swirek kati taiswisii, gonyii dakii ryiipyii takle. Mpoumah chiti karei hang ki kado aimah kaang kito mpounii tam kalei tei aile.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

HEBRUMEI 13:22

Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.

TAITAS 3:1

Ahnyiinii apum katiimei satei- chii teimaham kajum mei kang nkang matu tang karam, katam swimatu tang karam, sateichii kabi tha tiitang karam jangpii tiida kabui tiisii,

2 TIMOTHI 2:14

Ahnyiigo aihang ai tam maningpyiilo sateichii samah kado kabi kaga; kashiimei hang go tiika- maga sam kasousii kajyii matulak tang karam jangpii, Bangpii doito ahnyiigo tam kakhat pyiilo.

2 TIMOTHI 1:6

Kaang aijangpii gubah poikai kapyii jangpii godato kalei Saraamah luha tei nangnii mi kashong takumpii shong matutang karam jangpii Inii n-go tam maning leile.

1 TIMOTHI 4:6

Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle.

GALATIMEI 2:9

guda pyii kabam jumage kati tei ki kachenglesii zei katat Jakob, Kaifas, ninado Jon nii ngou wosek- kii, nyiinii Jehudimei kasu luika- kimei dakii sateichii ahnyiinii tiigyii malem kaleimei dakii tat tang karam jangpii, gudakiido Barnabas dakiido, ahnyiinii ndwi hangninii tiikalumah bah ajiilamtei pyiitakle.

1 KORENMEI 3:10

Gudakii pyiikabam Saraamah jumage kapyii taiswisii, kasakai ki katii apum hangninii takumpii Inii kibangmaa tei tiimakhiile, sateichii mei kaki hangninanii tei phyiiryiikii ki tiimakhiile. Nlenii meihangnii tei phyiiryiikii kada takumpiinii tiima- khii tangposii machyiigat matulo.