ROMMEI 15:14 - KARANU KABI SAMTAM

¹⁴ Kangsanamei, kabipiinii gonyii dato tokryiisii leile, swirek kati hang doutakle sateichii hangninanii hang- niniigo tampyii ralipyii buile katu tei Iniido gonyii kaang kito malum takle.

ROMMEI 15:14 Referans Kwoze

2 PITAR 1:12

Teijangpii gonyiinii aihang go tisii ninado gonyiinii doukalu kasang kiteito sangtingsii laikado, aihangmah kaang kito Inii gonyiigo tam maning tangle.

1 JON 2:21

Gonyiinii kasang tei tikasu jangpii Inii ryiimakle, nlenii gonyiinii teitei kati jangpii sateichii kachui katu ai hangninii kado kasang kito gong makle katu kati jangpii ryiile.

1 KORENMEI 8:1

Aitoinii tingtugo pyiitoi kalei chiitak mah kaang kito; “Nyii- hang ai swirek kati leile,” katu nyiinii tile, “swirek kati” teipii det tiimatule, nlenii lungkasyii teipii tiimakhiile.

1 THESOLONIKAMEI 5:11

Gonyiinii tiikalei takumpii, gonyii hangninanii hangniniigo lung tiimakhii pyiilo sateichii hangninanii hangniniigo tiimakhii halo.

KOLOSIMEI 3:16

Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.

1 KORENMEI 8:10

Kadapokii swirek katimei hang- ninanii, tingtu mah Saraa kamaning ki lungto chiitang karam bam gam tei bam kalei tei mei kata hangninanii ngouwo leponii, mpoumah kabi ka- shyii tikabui lungswi tei suileponii, tingtugo pyiitoi kalei chiitak ai chii matutang karam jangpii mpougo lung tiimaditu lakpo?

1 KORENMEI 8:7

Nlenii swirek kati tei meihangnii bam makle, mei kangkanii tingtugo matasii lungkapi taiswisii, tingnei katangpii ahnyiinii tei kakum chiitak tei kachii kak, teitei tingtugo pyiitoi kalei chiitak takumpiinii ahnyiinii maningsii leile; ahnyiimah kabi kashyii tikabui mah lungswi kasui taiswisii chiitak teipii tiima- hong taklesii ahnyiinii maningle.

1 KORENMEI 1:5

Kadaponii Krista dato leikatu kito gonyiinii mahlyii hang kito, samlat hang kito, sateichii swirek kati hang kito niki takle;

PHILIMON 1:21

Gomah katam kaswi kito maning kamalum tei leisii Inii katam sungdo kisii nangnii tiipyii tangle katu tei Inii godakii ryiileile.

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

IPISAMEI 5:9

Kadapokii kavamah riiti teinii kabi, kasang ninado kamajyii hang kito doule.

HEBRUMEI 6:9

Nlenii nyiinii teitiisii tam kado, lungkasyiimei, gonyii jangpiinanii gonyiimah keikapyii karing go reng karhiisii kalei kisii kabi satoi tei gonyiinii bamle katu nyiinii tiigatpii tile.

HEBRUMEI 5:12

Ka- dapokii tinglang taiswisii gonyiinii madhiikapyiimei tiitu kajyii kito, mei kata hangninanii gonyiigo Saraa samtam mah karei roukatii hang tei nlailoisii ralikapyii tei gonyii jangpii bitang takle; sateichii gonyiinii chiitak katei chiitang karam sungnii ranadwi sak tang karam takle.

2 TIMOTHI 1:5

Godato kalei kasang kamalum tei Inii maning gongle, kamalum jaitiikasu ai kareiki gopei Luis ninado gopwi Unish dateito leile, sateichii aitoinii teitei godado leitakle katu Inii malumle.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

PILIPIMEI 1:7

Gonyiihang jangpii Inii aitiisii maning majyiile, kadapokii gonyiinii gulung kito leile, sateichii n-gu sagyiirengpii kapei tinglang kak, sateichii kabi rasam katam kito, saryii tiisii kadang kito, sateichii tiisangting katu, gonyii hangnii n-gu kaswisii jumage kati mah njai dou njoi katu meihangle.

1 KORENMEI 13:2

Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.

1 KORENMEI 12:8

Kadaponii mei hangninii dakii rangii paikito swirek kabi samtam, sateichii mei kaki hangninii dakii njoi katu rangii teinii swirek kati mah samtam tei pyiibam takle;

2 KORENMEI 8:7

Mahlyii hang kito gonyiinii Kristen kaki- meihang doireile: Gonyiinii Krista dakii kamalum kito, Gonyiinii kabi rasam tam ka-mpat kito, gonyiinii kasang swirek kati kito, gonyiinii nga ngakanyii kito, sateichii gonyiinii nyii jangpii lungkasyii kito. Teijangpiinii Kristenmei mah lungkasyii tha ki aitodo Inii gonyiigo kakimei doi reimatu nyiile.

2 THESOLONIKAMEI 1:11

Saraanii gonyiigo lat kalu mah tiilung tai taiswisii gonyiinii lung matuiwo kabui jangpii, sateichii Saraanii mpou mah teimaham teipii gonyiinii kabi tha tiitang karam jangpii gonyiinii kamaning kamarei hangtei mpoumah teimahampii tiima- sang pyiisii gonyiimah kamalum mah tha tei tiimasang matu tang karam jangpii nyiinii tinglang kaleita gonyii jangpii riita leile.