ROMMEI 14:17 - KARANU KABI SAMTAM

¹⁷ Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

ROMMEI 14:17 Referans Kwoze

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

METIU 6:33

Nlenii gonyiinii mpoumah Sating Sazyii ninado Mpoumah kasang kamajyii tei reipii fiilo sateichii mahlyii hang ai gonyii dakii kai mpampyii tangle.

1 KORENMEI 4:20

Kadapokii Saraa mah sating sazyii teinii sam katam kamalhii tei makle, nlenii teimaham teile.

1 KORENMEI 8:8

Nlenii chiitak teinii nyiigo Saraa dakii chyiigong manangpyii makle, nyiinii chiimak kido kisii shyiibui tang makle, sateichii chii kido kisii bibwi tang makle.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

ROMMEI 8:6

Kadapokii apum azai mah kamaning tei kataile, nlenii rangii mah kamaning teinii karing ninado kamajung teile.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

PILIPIMEI 3:9

Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii,

1 KORENMEI 6:9

Kasang kamajyii tha tiikasumei teinii Saraamah sating sazyii doulakle katu gonyii timakpo? Maningma sulo; kashyii kahong tha katii mak-kii, tingtugo kamata, mak-kii mashung kamaha, mak-kii pwimei pfiimei meijai tiikasu,

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

TIILAMLWI KAPYIIMEI THA JUKAMATI 13:52

Sateichii boumei tei ka-ntapii ninado rangii kamateipii tokryii takle.

PILIPIMEI 4:7

Sateichii meinahnii tipei kalak Saraa mah kamajung teinii Krista Jisu njasii hangninii tiikalu kito gonyii swi gonyii lung hangtei koipyii tangle.

KOLOSIMEI 1:11

Ka-nta tei njasii lunglum kati sateichii lungleh kati hang kito, mpoumah pumtei kavamah teima- ham taiswisii pumtei hang teipiinii gonyiigo tiisangting pyiisii,

PILIPIMEI 4:4

Bangpii zei kito tinglang kaleita ntalo, nlailoisii Inii tam tangle, ntalo.

JONNII KARYII KABI RASAM JUKAMATI 3:5

Jisunii khekalatle, “Inii godakii kasangpii tam leile, mei kata hang- ninanii dwi ninado rangii kito manaa kasutanii ahnii Saraa mah sating sazyii kitei liitpei wolakle.

METIU 3:2

“Lungkali wolo, daponii sating gam sazyii tei natakle.”

1 PITAR 1:8

Gonyiinii mpougo ngoumak kado, gonyiinii mpougo lungsyiile sateichii gonyiinii mpougo aitoi ngoumak kido, gonyiinii mpougo malumle sateichii mwipiinii tampei kalak pumtei kava ninado hangkapiinii ka-nta karanga tei kaswisii gonyiinii nta rangale.

PILIPIMEI 3:3

kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile.

PILIPIMEI 2:1

Teijangpii Krista dato lung tiikamakhii, lungkasyiimah lung tiikamakhii, rangii mah kaswisii njoi katu, lungkasyii ninado mei lungset kati tei lei leponii,

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

HEBRUMEI 13:9

Kataam ninado katwum katwum ralikapyii hang teipiinii gonyiigo kasang pwidi kiteito chyiisii tat matu sulo; chiitak mah ajaitingshang go swikatu teisupiinii, Saraamah jumage kapyii kiteito alungmah teimaham doukatu ai bile, Aihang aigo swikalumei hang gotei tei teipiinii kabi tei pyiimakle.

1 THESOLONIKAMEI 1:6

Sateichii nyiinii rangii kamatei mah ka-nta tei njasii kamage kalak kadaziikii kito samtam tei douwosii, nyiimah ninado Bangpiimah jaika- tiimei tiitakle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

TIILAMLWI KAPYIIMEI THA JUKAMATI 9:31

Teitinglang kak Judiya, Galili ninado Samariya hangki rangii kamatei paito charsh hang go tiimakhii pyiisanii kamajung tei dou wole; sateichii Bangpii go sadzyii ngariit katii kito ninado rangii kamatei mah jumage kapyii kito meilui moibuibui pat tutakle.

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

LUKNII KARYII KABI RASAM JUKAMATI 14:15

Sateichii mpougo kaswisii mah kachii bam kito kaswisii bam kaleimei hangninanii tam kalei ai shii wosii, mpounii Jisudakii tamle, “Saraa mah Sating Sazyii kito takbai kitei gong chii haitang karam mei tei sadoibile!”

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii: