ROMMEI 14:15 - KARANU KABI SAMTAM

¹⁵ Kadaponii nangnii kachii pot teipiinii gosanapiigo rajam matu leponii, nangnii lungkasyii kiteito tat sutakle, Kristanii mpoutung tiisii taipyii kalei ahgo, gomah kachii kasak pot teipiinii tiimaga aisulo.

ROMMEI 14:15 Referans Kwoze

GALATIMEI 5:13

Kadaponii kangsanamei, Go- nyiigo rangra tiimatu tang karam jangpii Saraanii lat totakle; pum- zainii kamarei ka-ntha tiitang karam jangpii gonyiimah rangra katii tei jum sulo, nlenii lungkasyii kito hang- ninanii hangninii mah anga ngalo.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

1 KORENMEI 8:1

Aitoinii tingtugo pyiitoi kalei chiitak mah kaang kito; “Nyii- hang ai swirek kati leile,” katu nyiinii tile, “swirek kati” teipii det tiimatule, nlenii lungkasyii teipii tiimakhiile.

ROMMEI 15:2

Nyiimei hangnii mpouki tiinameigo, ahnyii bitang karam sateichii ahnyiimah kamalum tei tiimakhii tang karam jangpii dzyiibi tiimatulo.

ROMMEI 14:20

Kachiipot jangpii Saraamah tha tei tiimaga sulo, mah pot hang mateile, nlenii mpounii chii kalei pot teipii mei kakimeigo kou matu katu tei mei kata hangninii jangpiinii kamale.

1 JON 2:2

Sateichii mpou ai nyii kem jangpii pow ruipyii tang karam teile, nyii kem jangpii roinii makle, nlenii sazyii pouryii kem hang jangpiidole.

1 KORENMEI 13:1

Inii meinah mah sateichii sating gamlui hang mah lat katham katham tambuisii lei kido malahle, nlenii Inii lungkasyii tei gu dato galeponii, I-ai sagyiikoi kapat mak-kii lak kalei pung hangninii takumle.

ROMMEI 13:10

Lungkasyii teipii mpouki tiinaniipameigo kashyii tiilei makle; teijangpiinii kalungsyii katu teipii ajaitingshang go gongmatwi matule.

2 PITAR 2:1

Nlenii meinah kak kito kasang kasu lungkakalingmeido patle, teitakumpii, gonyii kak kito kasang kasu ralikapyiimeido pat tangle. Ahnyiigo lai mpat kapyii pumpii gotei ahnyiinii mazhii supii, tiika- mashyii kasang kasu kanat kanhii hangtei ahnyiinii pung gong tangle, sateichii ahnyii roinapii ahnyiinii ahnyii phyiiryiikii binasek-kii tiikamashyii tei pung gong tangle.