ROMMEI 13:2 - KARANU KABI SAMTAM

² Teijang- piinii apum katii teimaham kajum meigo mazhii kasu tha katiimei teinii Saraanii kalai kabam gotei mazhii sutakle, sateichii mazhii kasumei tei ahnyii phyiiryiikii samtak katii tei doutangle.

ROMMEI 13:2 Referans Kwoze

1 PITAR 2:13

Bangpii ju jusii gonyii roinapii gonyii sazyii koiraksii kalei hang phyiiryiito kasat, sagong go kado,

TAITAS 3:1

Ahnyiinii apum katiimei satei- chii teimaham kajum mei kang nkang matu tang karam, katam swimatu tang karam, sateichii kabi tha tiitang karam jangpii tiida kabui tiisii,

JEMS 3:1

Gu kangsanamei, madhiikapyii- mei nyiinii kisii kamaswi samtak katii tei doutangle katu tei tisii, gonyii mei hangkanii madhiikapyiimei tiilak tang karamle.

ROMMEI 13:5

Teijangpii Saraa mah rakarhii kito nlek tang karam jangpii roisupii, kabi kashyii titang karam lungswi jangpii gonyiinii apum katiimei kang nkang tang karamle.

MARK 12:40

kamipwi- meigo kasatui ninado kamipwimei ki kasoumei, sateichii kabijai tiisii thaangsang riita kaleimei gotei gonyii sakailo. Ahnyiinii mage kaki tei doutangle.”

LUKNII KARYII KABI RASAM JUKAMATI 20:47

Kamipwimei hangki kasou katu, sateikii Kabijai tiisii thaangsang kariita ajaitingshang kati ojamei dateito sakai wolo, ahnyii teinii kisii kem kama kadi tei doutangle.”

METIU 23:13

“Nlenii Kabijai katii, ajaiting- shang kati ojamei ninado Farasismei gonyii, kadaziikapii kamage tangpo! Dapodinchii sating gam sazyii mah kikam tei mei liit kalak tiisii gonyiinii takam takle; kadapokii gonyii roinapii gonyiido liit-to makle, sateichii liit lesii tiikalei ahnyii goteido maliit sutakle.

ROMMEI 9:19

Teitiileponii nangnii gudakii tam tangle, “Kadajangpii mpounii kama tei rei fiileipo? Kadapokii mpoumah kamaning kamarei gotei tanii mazhii kasu tiiwo tangpo?”

ROMMEI 13:1

Meihangnii apum katii teima- ham kajum mei kang nkang matulo; kadaponii Saraa dato supiinii apum katii teimaham kajum mei gale; sateichii ringsii kalei apum katii teimaham kajum mei hangtei Saraanii kaibam takle.

ROMMEI 13:3

Kadaponii apum katiimei teinii kabi tha katii kito tiimahing makle, nlenii kashyii tha kitole sateichii nangnii apum katiimah teimaham kito kabam mei gotei hinglakpo? Kabi tei tiilo; teitii leponii apum katiimei dato nangnii tam kamatoi tei doutangle: