ROMMEI 13:13 - KARANU KABI SAMTAM

¹³ Nyiinii kavaki tat kalei takumpii tat majyiile; ajai kasu sateichii jou sak kapiinhii, kashyii kahong tha katii, sateichii ngou kashyii tha katii, n-gee razyii kapat sateichii kamai- mhii tei tiisude,

ROMMEI 13:13 Referans Kwoze

GALATIMEI 5:21

kabigo kathairou katu, jou sak kapiinhii, jou sakmaga katu sateichii tei kakum njoi tha tiisii kaleimei hang teinii, Saraamah sating sazyii tei doulak lesii Inii gonyiigo asungto kakhatsii katam takumpii Inii gonyiigo kakhatsii tam leile.

IPISAMEI 5:18

Gonyiinii tiimagasii kalei, jou tei sak panhii sulo, nlenii rangiipii tokryiilo,

1 THESOLONIKAMEI 4:12

majungsii lungtang karam tiilung, mpou mpou mah tha tiitang karam, sateichii gonyii bahpii tha tiitang karam jangpii, nyiinii gonyiigo reipiinii tam kabam takumpii gonyiinii tiilo.

1 JON 2:6

Saraa dato leilesii tamsii kalei ah teinii Jisu Kristanii tat kalei takum- piinii mpouniido tat tang karamle.

IPISAMEI 5:15

Teipiinii gonyiinii lungkalei tiilung tei machyiigat wolo, kapang kamangmei takumpiinii lung sulo; nlenii kasakaimei takumpiinii lunglo.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

LUKNII KARYII KABI RASAM JUKAMATI 21:34

“Nlenii tak chii kamaju, jou sak kapiinhii sateichii sazyii pouryii meimah swi teipiinii gonyii lung tii kamage matu kasu tiisii sateichii teipiinei leimik tei mphee takum- piinii gonyii phyiiryiikii tisupiinii gong matu kasu tiisii, gonyii roinapii gonyii sakai wolo.

1 THESOLONIKAMEI 5:17

Taksupii riitalo;

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

JUD DATO KAGONG CHITI JUKAMATI 1:23

Ahnyiigo mi kiteito majat mpat seisii keipyiilo; nlenii ahnyii pumzaimah kamarei ka-ntha teipiinii rum kabam peimani katangdo nraangsii, mei kangkii phyiiryiikii kahing tei njasii lungset kati tei mangoupyiilo.

2 JON 1:4

Nyii Pfii dato kakhatsam doukalu takumpii, kasang kito tatsii kalei gonyii nahmei kangkiigo ngoukalu kito Inii hangkapii ntale.

JEMS 4:5

Mak-kii “Saraanii nyii lung kikii kai kabam rangii ai hangkapiinii mahungsii doukanyiipii tokryiile sii kabi rasam kito tam kalei ai kasang maklesii gonyiinii maning leipo?”

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

PILIPIMEI 2:3

Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo.

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

IPISAMEI 4:17

Teijangpii Bangpii zei kito Inii gonyiigo kakhatsii tam leile; luikakimeinii kakadak lungswi hang kito lungkalei takumpii gonyii lungsii bamloi sulo.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

GALATIMEI 5:19

Pum zaimah tha hangteinii aitiisii matitu leile: sapwimei sapfiimei kashyii kahong tha katii, matei kasu, mei jaitingshang kasu,

TIILAMLWI KAPYIIMEI THA JUKAMATI 2:15

Kadaponii gonyiinii kamaning takumpiinii ahnyii ai jou sak panhii makle kadaponii tingna mah hangtum kashang pungtei roinii taleile;

LUKNII KARYII KABI RASAM JUKAMATI 16:19

“Mah kanimei hangninii bamle, mpou ai peimani kabi mai kateeng kateeng kaisii kasamou tiilung lungsii sating kata bam leile.

LUKNII KARYII KABI RASAM JUKAMATI 1:6

Ahnei hangna tei Saraa doito kasang kamajyii tiilung lungsii Bangpii mah Ajaitingshang sateichii Kakhat kapyii samtam hang gotei majaisii lung leile.

1 KORENMEI 3:3

Kadaponii gonyii aitoi katangdo pumzai kito leile, kadapokii gonyii kak kito kamaimhii sateichii n-girazyii kalei tei teipii, gonyii pum zaimei makpo, sateichii meidamei takumpii gonyiinii tatlei tak makpo?