ROMMEI 13:12 - KARANU KABI SAMTAM

¹² Tinghum tei tat tutakle, tingna tei nagong leitakle; teijangpiinii kamyii mah tha hangtei nyiinii rat toisii kava mah saryiinat tei kaiwode.

ROMMEI 13:12 Referans Kwoze

IPISAMEI 5:11

Sateichii riiti mati kasu kamyii- mah tha hang kiteito njai poihai sulo, nlenii teitungpii kama tei laat mpat matulo.

2 KORENMEI 6:7

Nyiimah kasang samtam teipii sateichii Saraamah samtam teipii nyiimah saryii baitui takumpii, meigo saryii tiitang karam ninado dangtang karam jangpii kasang kamajyii tei nyii dato bamle.

JEMS 1:21

Teijang- piinii katham karaam ninado kaikashyii jairali hangtei rat toi aisii, gonyii rangiigo keipyii kabui lingkai kabam samkang tei lung kamanoi tei njasii lukai wolo.

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

ROMMEI 13:14

nlenii gonyiinii pei bakalei takumpii Jisu Kristago bawolo, sateichii apum azaimah kamaning kamarei tiitang karam jangpii tiikada sulo.

MATIMANGOU KAPYII 22:10

Sateichii ahnii gudakii tamle, “Larek aikito saa mpat kabam sam hangtei seal kai aisulo, kada- pokii tinglang tei natakle.

1 PITAR 2:1

Teijangpii kachui, kabijai katii, meigo kamaimhii, kalet kalou katii lat, sateichii kashyii kahong kiteito gonyii roinapii gonyii mpaa wosii,

MATIMANGOU KAPYII 1:3

Saa mpat kalei sam hang aigo lat patsii kafiimei ninado shiikalu ahnyii, ninado teilung kito ryii kabam hangtei swikalu ahnyii tei sadoi bile, kadapokii tinglang tei natakle.

1 KORENMEI 7:29

Kangsanamei, Inii katam tei kadagopokii, aile: tinglang dwitakle; teijangpii aitoi sekpiinii nou kabam mei teinii kaga takum matulo,

1 KORENMEI 10:11

Ai hang ai ahnyii dato mei kakimei jangpiinii tiikamangou hang- ninii takumpii pat takle, sateichii teihangtei nyii jangpii tiisulosii kakhat kapyii hangninii takumpii ryiibam takle. Kadapokii kalui tei gongtu tang karam tinglang kiteito nyiinii lungsii bamle.

2 KORENMEI 10:4

Kadapokii nyiimah saryii baitui hangteinii pumzaimah makle, nlenii saryii kateibam hang go tiimashyii kabui kamatei pumtei tei leile.

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

HEBRUMEI 10:25

Kangkanii tiisii kalei takumpii, nyii hangnii gong ndwi kalei tei nyiinii matou sude, nlenii Bangpiimah leimik tei nagong bui buisii kalei tei gonyiinii ngoukatu taiswisii, hangninanii hangniniigo kisii lung tiimakhiide.

HEBRUMEI 12:1

Teijangpii nyiigo sakchyiimah mongjyii kadi hangninii teinii nyiigo bang magui kabam taiswisii, nyiinii kamaswi ninado nyiigo jum kalei kem hangtei nyiinii matou aide.

JEMS 5:8

Gonyiido lung lehtilo, gonyii lung tiisangtinglo, ka- dapokii Bangpiimah kagong tinglang tei natakle.

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

2 PITAR 3:9

Mei kangkanii kamanyiisii maning kalei takumpii, mpounii tiitanglesii riishii tiikabam tei tiitang karam jangpii Bangpiinii manyii makle, nlenii mpounii gonyii jangpii lung lehpyiile, mpounii mei kagodo tiimaganyii makle, nlenii meihangnii lung kaligong katu mareile.

2 PITAR 3:11

Mahlyii hang ai aitiisii gatu tang karam taiswisii Saraamah leimik gong tang karam tei, koisii koisii sateichii kalangsii gong matu- nyiisii, mateisii kalung kito ninado Saraa kamaning kito gonyiinii kada kakum mei tiitang karampo!

1 JON 2:18

Gunahmei, kalui tinglang tei natakle! Kristago ngoukaroumei gong tangle katu gonyiinii shiikalu takumpii, aitoinii Kristago ngouka- roumei hangkii gongtakle. Teijang- piinii kalui tinglang natakle katu nyiinii tile.