ROMMEI 12:8 - KARANU KABI SAMTAM

⁸ Meigo lung tiimaring tang karam mah leponii, nyiinii teitei tiitang karamle, meigo njaipyii kaleimei hangteiniido kamathii katu gasii tiitang karamle; apum tiitang karam mah teimaham kajum meihang teinii, teisii tha tiitang karamle, meigo lungsyii kapyii tha tiikamangou mei teiniido, nta ntasii tiitang karamle.

ROMMEI 12:8 Referans Kwoze

2 KORENMEI 9:7

Mei- hangnii kamadak katupii mak-kii tiikamajyii hangninii kangto tiisu- piinii, mpounii sat kalu kamaning taiswisii, mei nsang nsangnii pyii- tang karamle; kadapokii nta ntasii kapyiimeigo Saraanii lungsyiile.

1 TIMOTHI 5:17

Doimajang katat tha tiigatpii tiisii kalei katingmeigo, routiisii samtam kito ninado katam karali kito tiigatpii tha tiisii kaleimei hang go njai hangna tiisii sadzyii ngariit katii tei tiimajyiilesii maning matulo.

1 KORENMEI 12:28

Sateichii Saraanii charsh kak kito mei kang- kiigo, karei reisang kito, tiilamlwi kapyiimei, hangna kashang kito lungkakalingmei, hangtum kashang kito madhiikapyiimei tei kalaipyii takle; sateichii teidoi tei kamadat tha katiimei, ara kanimeigo tii ka-mbimei, tiikahamei, doimajang kapyiimei, lat kataam kataam katam mei pyiibam takle.

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

TIILAMLWI KAPYIIMEI THA JUKAMATI 15:32

Satei- chii ahnyii pum sekpiiniido lungkakalingpii Judas nei Sailasnii kangsanamei gotei sam hangkii tamsii katwi pyiisii, ahnyiigo lung tiisangting pyiitakle.

TIILAMLWI KAPYIIMEI THA JUKAMATI 13:15

Sateichii Sa- raamah ajaitingshang larek ninado Lungkakaling meimah larek tei fiisang kaleitai Jehudimei ndwi kito apum tiikalei meiteinii ahnyii dakii lang magongsii tamle, “Kangsana- mei, meihang jangpii lung tiikamadi sam gonyiinii tam tang karam leileponii tamseilo.”

HEBRUMEI 13:24

Gonyiinii doimajang katatmei hang go sateichii kamateimei hang go nyii mah salam tei pyiiseilo.

HEBRUMEI 13:22

Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.

HEBRUMEI 13:7

Gonyiimah doimajang katatmei, gonyii dakii Saraa samtam tam kapyiimei hang gotei maning gonglo, sateichii ahnyiimah tiilung kito pat kalei tei maninglo, sateichii ahnyii- mah kamalum mah ajai-gok tei rali wolo.

HEBRUMEI 10:25

Kangkanii tiisii kalei takumpii, nyii hangnii gong ndwi kalei tei nyiinii matou sude, nlenii Bangpiimah leimik tei nagong bui buisii kalei tei gonyiinii ngoukatu taiswisii, hangninanii hangniniigo kisii lung tiimakhiide.

2 KORENMEI 8:12

Nangnii ntasii pyii leponii, nangnii kagatai tei swisupiinii, nangnii pyii kabam kangam taiswisii nangnii kapyii tei Saraanii lukaipyii tangle.

1 KORENMEI 14:3

Nlenii Saraa sam tam ka-mpat ah teinii meinah dakii ahnyii jangpii tiikamakhii, lung tiikamadi sateichii lung tiisamou kapyii sam tam pyiile.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

TIILAMLWI KAPYIIMEI THA JUKAMATI 20:2

Sateichii mpounii sazyii teitui tat kagong kiteito ahnyiigo hangkapii tam katwipyii sanii mpounii Gris kitei gongtakle.

1 TIMOTHI 4:13

Inii gong kasuta, kabi rasam kafii kikii, tam katat kikii, karali kikii lungliitlo.

1 THESOLONIKAMEI 2:8

Nyiinii gonyiigo lungkasyii jangpii Saraamah kabi rasam tei roisupii nyiimah karing katangpii nyiinii gonyiigo njai tang karam jangpii tiikada takle. Kadapokii gonyiinii nyiimah hangkapii lungka- syii teile!

1 THESOLONIKAMEI 2:3

Kadapokii nyiinii kakhang teinii kama kito, mak-kii matei kasu kito, mak-kii kasang kasu kito makle;

KOLOSIMEI 3:22

Kabangmei, meigo lung kashat tha katiimei takumpiinii mikmah nga kanga tei tiisupii, lungswi kangkii tiisii, Abangpiigo hingsii thalyiihang kito gonyiimah sazyii pouryiimah apum tiisii kaleimei mah katam tei swilo.

IPISAMEI 6:5

Kikaleimei, kahing ninado ka- nchyii tei njasii Krista dakii tiikalei takumpiinii lung mateisii gonyiimah sazyii pouryiimah apum meinii katam tei swilo.

2 KORENMEI 11:3

Nlenii Sanhiinii mpoumah kasakai kamarek teipii Eve go satui sadzyii tiikalu takumpiinii, Krista dato pyiikalei gonyiimah kasang lungswi ninado kamatei kito tiimahong katugo Inii hingle.

2 KORENMEI 9:13

Sateichii gonyiimah ngamnii pung kagong maning kariirhii kaga aijangpii, gonyiinii tam kalei Kris- tamah kabi rasamgo gonyiinii katam kaswi jangpii, sateichii gonyiinii ahnyiigo ninado kakimei hang go kamathii katu kaga pyiikati njai jangpii, mei hangkanii Saraago tam matoi tangle.

2 KORENMEI 9:11

Tinglang kaleita kamathii katu gasii meigo pyiiti kabui jangpii mpounii gonyiigo tii- manipyii tangle, kadapokii teitei- piinii nyii dato ahnyiinii doukalu gonyiimah kapyii hang jangpii mei hangkanii Saraago hakalang tam tangle.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

ROMMEI 13:6

Kadaponii ai kaang jangpii gonyiinii ahado pyii leile, kadapokii ahnyiinii tha ai jangpii taksupii lungliitsii Saraa nga kangamei tiileile.

ROMMEI 12:13

Kamateimei hang mah bitang karam jangpii pyiilo; siisang meigo nta ntasii lukeilo.

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

TIILAMLWI KAPYIIMEI THA JUKAMATI 13:12

Teitinglang ki Governor teinii pat kaleihang tei ngou wosek-kii, Bangpii mah ralika- pyii gotei madatsii malum wotakle.

TIILAMLWI KAPYIIMEI THA JUKAMATI 4:36

Sateichii Kaipras kito lung kalei, Levitmah sadung, Tiilamlwi kapyiimeinii Barnabas sii zei lat kaleipii, (zei ai kadat mpatkii tii ka-nchokpii ziile.)

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;