ROMMEI 12:6 - KARANU KABI SAMTAM

⁶ Sateichii nyii dakii pyii kabam jumage kapyii taiswisii ka- taam kataam luha douwo kalu Saraa sam tam ka-mpat kado, nyiimah kamalum taiswisii tam mpatle;

ROMMEI 12:6 Referans Kwoze

1 KORENMEI 7:7

meihangnii gu takum matu katu Inii mareile, nlenii mei nsang nsang- nii mpou mpou mah luha tei Saraa dato doutakle, mei hangninanii luha hangninii sateichii kaki hangninanii luha kaki hangninii doutakle.

ROMMEI 12:3

Sateichii Saraamah jumage kapyii luha tei gudakii pyii kabam jangpii Inii gonyii hang dakii tam leile, gonyiinii maning tang karam sung kisii gonyiinii gonyii roiniipii maning sagoiki sulo, nlenii gonyii- mah kamaning kito lungmanoilo, sateichii Saraanii gonyiigo pyii kabam kamalum taiswisii gonyii roinapiinii samtak tiilo.

ROMMEI 1:11

Kada- ponii gonyiigo tiisangting pyii tang karam jangpii, rangii mah satoi tei gonyii dakii pyiitang karam jangpii gonyiigo Inii kadounyiile;

1 KORENMEI 13:2

Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.

IPISAMEI 4:11

Sateichii mpounii mei kangkago tiilamlwi kapyiimei, kangkago lungkakalingmei, kangka- go kabi rasam katam mei, kangkago jao kakoimei, sateichii ralikapyiimei tiimatu tang karam jangpii mpoumah luha hangtei pyiitakle.

1 KORENMEI 14:1

Teitii leponii, gonyiinii fiitang karam teinii lungkasyii teile, rangii mah luha hang kiteikii gonyii lung lungnhiilo, rou tiisii gonyiinii Saraa sam tei tam mapat kabui jangpii,

2 KORENMEI 8:12

Nangnii ntasii pyii leponii, nangnii kagatai tei swisupiinii, nangnii pyii kabam kangam taiswisii nangnii kapyii tei Saraanii lukaipyii tangle.

1 THESOLONIKAMEI 5:20

Saraa sam tam ka-mpat tei ma- ning majang sulo.

1 KORENMEI 14:29

Sateichii Saraa sam saa ka mpatmei hangnanii mak-kii hang- tumnii, tam mpat matulo, sateichii ahnyiinii tam kalei tei mei kaki- meinii samtak tiimatulo.

TIILAMLWI KAPYIIMEI THA JUKAMATI 15:32

Satei- chii ahnyii pum sekpiiniido lungkakalingpii Judas nei Sailasnii kangsanamei gotei sam hangkii tamsii katwi pyiisii, ahnyiigo lung tiisangting pyiitakle.

TIILAMLWI KAPYIIMEI THA JUKAMATI 2:17

‘Sateichii Saraanii tamle, kana tinglang hang kitei aitiisii pat tangle, Inii meihang phyiiryiikii gumah rangii tei rui m-mangpyii katuni Inii meihang phyiiryiikii gu rangii tei rui mpat tangle, gonyii nah sapfiimei ninado sapwimei hangteinii gusam saa mpat tangle sateichii gonyii nah karanumei hangteinii madhangkapyii tei ngoutangle; sateichii kating kateimei hangnii mang mai tangle.

PILIPIMEI 3:15

Rangii lamto sangting kalu nyiihangnii njoi katu lungswi ai leitang karamle, nlenii gonyiimei kangkanii katham lungswitei leile- ponii, aido Saraanii gonyii dakii mati mangoupyii tangle.

IPISAMEI 3:5

Karei tinglang kinii aimah kama- kum ai meinah dakii tam makle, nlenii aitoinii teitei Saraanii rangii teipii mpoumah tiilamlwi kapyii kamateimei ninado doisam katam meihang dakii mati mangoupyii takle.

TIILAMLWI KAPYIIMEI THA JUKAMATI 13:1

Sateichii Antiyok kito kalei Charsh datei Lungkakalingmei ninado ralikapyiimei: Barnabas, Niger sii kalat Simion ninado Sairen mpfii Lusiyas, sateichii Herot sagong mah samtak katiiki kahaipii Manaen ninado Sol tei leile.

LUKNII KARYII KABI RASAM JUKAMATI 11:49

Teijangpiinii Saraa mah swirek kabi teinado tamle, Inii ahnyii dakii gu mah lungkakalingmei ninado tiilamlwi kapyiimeigo langkai pyii- tangle, sateichii ahnyiinii ahnyii mei chengniikii gonii gitoi tangle sateichii kangkiigo kaset kalak pyiitangle;

METIU 23:34

Teijangpii Inii gonyii dakii tam leile, Inii gonyii dakii Lungkakalingmei, kati kangoumei ninado ajaitingshang kati ojameigo lang magong tangle, ahnyii mei kangkago gonyiinii gitangle, sateichii Krosh gamkii dhangsii gitangle sateichii kangkagonii gonyii mah ndwibam hang kito kache chesii pyiitangle, sateichii namdi hangninii kito hangninii kikii baakai tangle.

1 KORENMEI 14:24

Nlenii mei kakimei mak-kii malum kasumei kangkanii tat kaliit kak, meihangnii Saraa sam tam mpatsii lei leponii, ahnii shii kalei teipii ahnii ahmah kem tei tigong matu tangle, mpounii shiikalu hangteipii mpougo samtak tiitangle.

TIILAMLWI KAPYIIMEI THA JUKAMATI 21:9

Sapfii mpou aipou kinah ralhiimeinah madai bamle, ahnyii tei Saraa sam katam meile.

1 KORENMEI 3:5

Teitiileponii Apollos ai tapo? Sateichii Pol ai tapo? Ki kaleimeile, ahnyii paikito gonyiinii malum wotakle sateichii Bangpiinii ahnyii mei nsang nsang dakii pyiikabam takumle.

1 KORENMEI 12:18

Nlenii aitoinii Saraanii mpoumah kamaning kamarei tai- swisii nsang nsang tei pum kikii njai nsang tiisii kaipyiibam takle.

2 PITAR 1:20

Kabi rasam mah adoisam reipii saa ka-mpat ainii rangii kama- teimah tiikaha tei haisupii mpou roinapii meikaniido poitaam wolakle.

METIU 25:22

“Talent hangna kadoupii teinii liitsii tamle, ‘Pumpii nangnii gudakii talent hangna pyiile, juseilo, Inii kaki talent hangna douki takle.’