ROMMEI 12:2 - KARANU KABI SAMTAM

² Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

ROMMEI 12:2 Referans Kwoze

1 PITAR 1:14

Katam kaswi nahmei takumpii, gonyiinii tikasu tinglang kareiki pumzai mah kamaning ka- marei hangtei fiiloi supii,

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

IPISAMEI 5:17

Teijangpii gonyiinii kapangmei tiisulo, nlenii Bangpiimah kamaning kamarei tei kadapeipo katu tilo.

1 PITAR 4:2

teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.

ROMMEI 12:1

Teijangpiinii, he kangsanamei, gonyiinii gonyii pum hang go karing, kamatei sateichii Saraago tiikaranga kakarat pot hangninii takumpii pyiitoi matu tang karam jangpii, Inii Saraa mah lungset kati mah paito gonyiigo khang leile; ai ai gonyii mah rangii mah kamata teile,

JONNII KARYII KABI RASAM JUKAMATI 15:19

Gonyii ai sazyii pouryii mah leponii; sazyii pouryiinii mpou mah sek takumpiinii gonyiigo lungsyii tangle. Nlenii gonyii gonii sazyii pouryii aito Inii kalai wotakle, sateichii gonyiinii teimah makle; teijangpii sazyii pouryiinii gonyiigo ngourou leile.

ROMMEI 13:14

nlenii gonyiinii pei bakalei takumpii Jisu Kristago bawolo, sateichii apum azaimah kamaning kamarei tiitang karam jangpii tiikada sulo.

TAITAS 3:5

nyiinii kasang kamajyii kito tiikabam tha kito makle, nlenii mpoumah lungsyii kapyii kito mpounii nyiigo nlai loisii kamanaamah dwi shyii kamatei ninado rangii kamatei mah tiiranu kapyii kito mpounii nyiigo keipyii takle.

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

JONNII KARYII KABI RASAM JUKAMATI 17:14

Inii gosam tei ahnyii dakii pyiitakle sateichii sazyii pouryiinii ahnyiigo ngourou takle. Kadapokii Inii sazyii pouryii mah kasu takumpii, ahnyiido sazyii pou- ryii mah makle.

2 PITAR 1:4

Hangkapii kadi ninado pyiitangle sii riishii tiikabam maika- teeng luha hangtei aitiisii mpounii nyiigo pyiile, kadapokii luha aihang paikito sazyii pouryii lungto kalei tiikamashyii pumzai mah kamarei ka-ntha kiteito gonyiinii nlek matu tang karam jangpii, sateichii nunuto kalei kamatei baichem mah njai tei gonyiinii dou njoimatu tang karam jangpiile.

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.

1 JON 3:13

Kangsanamei, sazyii pouryii- meinii gonyiigo ngourou leponii, sung gasulo.

1 THESOLONIKAMEI 4:3

Saraanii gonyiigo mateisii sateichii sapwimei sapfiimei kashyii kahong tha katii kito sajek gasii lung matunyiile; katunii, (matei kasu kiteito gonyiinii mazhii sulo.)

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

2 PITAR 2:20

Kadapokii ahnyiinii nyii Bangpii ninado nyiigo keikapyiipii Jisu Kristago tikalu kito sazyii pouryiimah kashyii kahong tha hang kito nlek kalu taito, ahnyiigo kashyii kahong tha kiteikii nlailoisii jum wosii apum tii woleponii, ahnyii jangpiinii nukarei kimah sung kana kitei kisii shyiibui takle.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

1 KORENMEI 3:19

Kadapokii sazyii aimah swirek kabi teinii Saraa doito kamangle. Kadapokii aitiisii ryii- bamle: “Kasakai meigo ahnyii mah kasakai kito Saraanii maaile.”

ROMMEI 7:22

Kadaponii gulungto kalei mei tai tei swisii Saraamah ajaitingshang kito I-ntale;

JONNII KARYII KABI RASAM JUKAMATI 7:7

Sazyii pou- ryiinii gonyiigo ngouroupei wolakle, nlenii sazyii pouryiimei mah tha ai shyiile honglesii Inii sazyii pouryii mah kaang kito sakchyii kapyii jang- piinii n-gunii ngouroule.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

1 PITAR 2:3

Nah karanumei takumpiinii nadwi gotei saryiisii mareilo.

ROMMEI 7:12

Teipiinii ajaitingshang teinii mateile, sateichii kakhatsam teinii mateile majyiile ninado bile.

KOLOSIMEI 4:12

Gonyiimei tiisii kalei, Krista Jisu kikalei Ipapronii gonyiigo salam pyii leile; Gonyiinii Saraamah kama- ning kamarei tiitang karam jangpii katam kaswi kito mishang kaleimei ninado tiigatpii malum kalu kris- tenmei tiisii, gonyiinii sangtingsii sat matutang karam jangpii Saraa dato khangsii mpounii gonyii jangpii tinglang kaleita riitasii bamle.

1 PITAR 1:18

Kadapokii sana mak-kii sana raguiba aipii supiinii, kasui mak-kii sajek kaga jaonah takumpii, mai kating Kristamah zai teipiinii.

JONNII KARYII KABI RASAM JUKAMATI 14:30

Inii gonyiigo kaswisii karashii mathang wolak takle, dapodinchii sazyii pouryii mah apum katiipii tei gonglei takle, sateichii ahnii guphyiiryiito teimaham samah kado gale.

ROMMEI 7:14

Kadapochiinii ajaitingshang teinii rangii mahle katu tei nyiinii tile, nlenii Inii kem dakii joitoi kalei taiga kabui meinahle.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

METIU 13:22

Sateichii tu tiirat kak kikii ralikai kabam ahnyii teinii samtam tei shii wosii, sazyii pouryii swi kamaning ninado kani kahii kamarei teinii samtam gotei giitnei wosii ti mati leimakle.

MARK 4:19

sazyii pouryiigo kamarei, kani kahiigo kamarei mei ninado kaki kaki kamaning kamarei tei liitsii kabi sam gotei tiimaga kaleimei teinii, atu tiirat teinii pokpat giitrangsii ati mati kasu takumle.

KOLOSIMEI 1:9

Kaang aijangpii nyiinii gonyii kaang kito shii kalu piinei sekpii, gonyiinii rangiimah swirek kabi ninado swikati hang kito mpoumah kamaning kamarei tei swirek kati teipiinii tokryiipyii matutang karam jangpii nyiinii gonyii jangpii Saraa dato kariita tei takmakle.